NOTITIAS DEL PARLAMENTO EUROPEE IN INTERLINGUA Martio de 1999
Le bug del anno 0 (Y0K) preoccupava le ancian romanos Le cercatores de Villa Lante, le famose Instituto finlandese in Roma, ha trovate in le ruinas de Forum Romanum un vetule rolo de pergamena, probabilemente del anno 2 a.Chr. que del novo prova que "il ha nulle nove sub le sol".
"Car Cassius!
Io ha audite que tu labora post sicut ante con le problema del Y0K. Il appare que le cambiar le calendario de a.Chr a AD causa multe mal de capite e nos manca tempore.
Io non sape como le gente se adjusta al chronologia de direction false. Usque hodie nos ha essite bastante contente de contar le tempore ab major al minor. Assi, ab nunc nos debe pensar con numeros crescente.
On poterea haber pensate que alicuno haberea excogitate iste cosa un poco plus anteriormente que omne non haberea esser lassate al ultime momento.
Io discuteva con Caesar alicun vespere. Ille era infuriate proque Iulius habeva facite nihil quando ille habeva tractate su calendario.
Caesar diceva que nunc ille percipeva proque Brutus habeva devenite penose.
Nos invitava Consultus sed ille solmente diceva que continuar como previemente usante a.Chr con symbolo negative (-1999 = AD 1999) non era acceptabile.
Como sempre, Consultus facturava un parve fortuna sin facer alique, de facto.
Jam tu ben non crede que nos deberea jactar omne nostre cosas a foras e comenciar le toto ab ovo? Totevia io pensa que Linus Thorvaldius e Billius Gatius va facer un fortuna ex iste cosa.
Considerante me ipse io vermente non pote comprender como le arena poterea fluer in alto in un sabliero.
Io ha audite que il ha in le oriente tres sapiente homines qui jam ha laborate con iste problema sed illes son expectate hic solmente post le tote ha passate.
Io ha etiam audite que on intender clauder le cavallos in su stabulos ante le medienocte proque on time que illos comencia currer a retro causante damage pro le carros e homines.
Alicunos mantene que le mundo se finir de exister in le momento del cambiamento. Nonobstante nos continua de travaliar pro solver iste damnate problema del Y0K. Naturalmente io invia a te un rolo de papyrus si alicun developpamento occurre.
Io esserea grate de audir le proprie pensatas tue.
Tu amico Plutonius
Traduction ex latino in interlingua AD 2000 alias MM:
Allan Kiviaho
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FIN-01620 VANTAA. Finlandia
