NOTITIAS DEL PARLAMENTO EUROPEE IN INTERLINGUA Martio de 1999
Que son e como functiona le Institutiones europee Parlamento Europee: es le unic institution international cuje membros es democraticamente electe per suffragio universal directe. Le 626 parlamentarios exerce le controlo democratic a nivello europee e resta in carga cinque annos. Como tote le Parlamentos, tamben iste exerce tres poteres fundamental: le poter legislative (que illo divide con le Consilio del Union Europee), le poter de balancio e le poter de controlo sur le Executivo. Le rolo del Parlamento in le processo legislative se ha progressivemente ampliate e reinforciate e su influxo se ha extendite mesmo al elaboration e al adoption del legislation communitari, que se traduce in le poter de invitar le Commission a prender determinate initiativas que le Assemblea considera importante. Illo provide in ultra al nomination del Mediator Europee e pote instituer commissiones de inquesta pro inquirer transgressiones del normativas communitari.
Commission Europee: es composite de 20 Commissarios, nominate per cinque annos. Illes exerce lor functiones in plen independentia ante le governamentos national que les nomina e age collegialmente. Le Commission elabora le propositiones legislative e de action a nivello europee controlante lor application, e coordina le actuation del politicas commun. Su nomination debe esser approbate per le Parlamento que dispone equalmente del poter de censura ante le. Le Tractato de Amsterdam previde que le Parlamento approva le nomination del Presidente del Commission Europee, designato per le governamentos del Dece-cinque.
Consilio del Union Europee: es composite per un ministro pro cata Stato-Membro. Le ministros se alterna secundo le argumento in discussion (a exemplo del Consilio del ministros del Affaires Estranier, pro le qual se reuni le 15 ministros del Affaires Estranier). Sur proposition del Commission Executive, le Consilio adopta insimul con le Parlamento le legislation communitari. Le decisiones in le sino del Consilio pote esser prendite a majoritate simple, a majoritate qualificate o a unanimitate, secundo le materia. A cata Stato-Membro compete, alternatemente, a cata sex menses, le Presidentia del Consilio, que se reuni prevalentemente a Bruxelles.
Consilio Europee: es gruppa le Chefs de Governamento del Statos Membros (pro le Francia tamben le Presidente del Republica) plus alsi le Presidente del Commission Europee. Illo se reuni al minus duo vices per anno pro definir le orientationes politic general e pro examinar, in le ambito del cooperation politic europee, le problemas de actualitate international.
Corte de Justitia: es composite per 15 judices nominate de commun accordo per le Statos-Membros como alsi per 9 advocatos general. Illo es le supreme organo jurisdictional del Union e garanti le respecto del derecto communitari in le application e interpretation del tractatos. Illo opera a Luxembourg desde 1958. In 1989 se le ha afflancato un Tribunal de Prime Instantia que se occupa, inter alteres, del recursos del functionarios del Institutiones europee e del concurrentia.
Corte del Contos: create in 1975 es composite per 15 membros e controla le gestion del financias communitari. Illo ha sede a Luxembourg.
Banca Central Europee: Situate al Frankfurt, es responsabile del politica monetari del zona euro, i.e., del dece-un Statos-Membros que ha optate pro le moneta unic. Su Directivo (Committee Executive) es composite per sex membros. Le Consilio del Governatores reuni le 11 Governatores del Bancas Central del zona euro e le membros del Directivo.
Committee Economic e Social: es composite per 222 representantes del varie categorias economic e social del Union. Illo ha functiones consultive.
Committee del Regiones: es un Committee consultive composite per 222 representantes del entitates local e regional designate per le Statos-Membros. Illo insere le realitates regional e local in un dimension communitari.
Mediator Europee: electe per le Parlamento pro un periodo de cinque annos, le Mediator ha le carga de reciper e examinar le denunciationes del citatanos relative a casos de mal administration per parte del Institutiones del Union e aperir inquestas.
Traduction in Interlingua:
Emerson José Silveira da Costa
Conj. Panorama XXI, Q. 26, C. 14
Nova Marambaia
66625-280 Belem - Para
Brasil
ePosta:
