NOTITIAS DEL PARLAMENTO EUROPEE IN INTERLINGUA
Que es Interlingua?
Breve Vocabulario Breve Grammatica	Interlingua - Le linguas del civilisation occidental pote esser vidite como un unic si in cata un de illos le tractos que lo distingue del alteres es disconsiderate. - Le resultato es Interlingua, que differe del linguas que illo coperi como un typo differe del individuos que illo representa. Interlingua es francese modificate per espaniol, anglese, italiano... Illo es italiano modificate per portugese, germano, latino... Illo es latino modificate per francese, anglese, espaniol... Illo es le lingua commun del civilization occidental e es comprendite - como un version simplificate del lingua de uno - ubicunque que le influentia de ille civilization es recognoscite. Observa le sequente parolas: abbreviation, abdication, abduction, abjuration, abolition, abomination, aborigines, absolute, absorption, abstention, abstraction, acacia.  Iste parolas existe in anglese e francese e, con minor variationes in graphia, tamben in italiano, espaniol e portugese. Perque illos es anglese, francese, italiano, espaniol e portugese, illos pote esser appellate international. De facto, illos ha essite seligite aleatorimente del prime paginas de un dictionario de Interlingua, ubi illos se situa inter milles de parolas similar. Interlingua es le nomine date per un association appellate I.A.L.A. a su compilation, in 1951, del major parte del elemento commun del linguas del civilization occidental. Como Interlingua era create Le International Auxiliary Language Association de New York era fundate in 1924 per suggestion de F. D. Cotterell del International Research Council, post discution del problemas del linguas auxiliar per commissiones de iste e altere organos academic influente, includente le Associationes Britannic, Francese, Italian e American pro le Avantiamento del Scientia. Le prime annos de I.A.L.A. era occupate in le divulgation del question de un lingua auxiliar inter scientistas e linguistas generalmente.	Al Secunde Congresso International de Linguistas (Geneva, 1931) un carta de recommendation exprimente appoio al programma de I.A.L.A. portava le signaturas de non minus que vinti-septe linguistas de distinction, includente illos de Bally, Cohen, Debrunner, Mellet, Schrijnen, Sommerfelt, Trubetsky e Vendryes. Sub le auspicios de I.A.L.A. era publicate un numero de monographias super questiones linguistic, includente le serie "Foundations of Language" de Prog. Sapir, "Semantic Frequency List" de Eaton, "Language Learning" de E. L. Thorndike e "Cosmopolitan Conversation" de Shenton. Le culmine de iste varie labores era le projecto de isolar e codificar le elementos commun in le linguas occidental. Autorizate in 1933, e appoiate per un subvention del Fundation Rockfeller, le travalio comenciava in Liverpool in 1936, sub le capace direction de William Collinson, alora professor de germano e detentor del unic sede de Esperanto in le universitate de ille citate. Le guerra duceva le recerca a un abrupte halto, ma un nove equipa era formate in New York per Clark Stillman, sub cuje direction, e posteriormente sub illo de Prof. Martinet, le travalio continuava. Plus que a qualcunque altere homine, le honor e le responsabilitate del production de Interlingua debe ir a Dr. Alexander Gode, sub cuje direction le projecto era completate in 1951. Le methodo involveva le stabilimento de quatro linguas de controlo, contra le quales le internationalitate de parolas date poterea esser testate. Le selegites era anglese, francese, italiano e espaniol/portugese prendite como un unitate. Altere grande linguas era excludite, perque lor uso como "controlos", malgrado complicar multo le procedimento de extraction, non haberea effectos observabile in su resultatos. Le continuation de iste texto es in le introduction del paginas: Breve Vocabulario de Interlingua Breve Grammatica de Interlingua

Actualisate le 2005-12-25 Administrator del iste sito: -------------------------- Allan Kiviaho SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua Kivimäentie 16 E. FIN-01620 VANTAA. Finlandia