 |
 |
 |
 |
UMI-XVI-2003 XVI Conferentia International de Interlingua Lovecz, Bulgaria 2003-07-26--08-02 Le Guarda Finlandese in le Guerra Russia-Turchia 1877-78 |
|
RUSSIA-TURCHIA 1877-78, GUARDA NATIONAL DE BULGARIA, GUARDA FINLANDESE E LE FAMILIA MILITAR DE PROCOPÉ  [1] Conte Richard Coudenhove-Kalergi, Austria, fundava in 1923 le Union Paneuropee, le predecessor del Union Europee. Etiam in 1923 Stephen P. Duggan, le Statos Unite de America, cofundator e presidente del IIE (Institution of International Education) - comenciava con alicun altere personas eminente developpar un lingua neutral, INTERLINGUA, que poterea - e deberea - devenir le lingua commun pro cosas practic in le Union Europee. In 1925 Coudenhove-Kalergi e Duggan fundava in le Statos Unite le American Cooperative Committee of the Pan-European Union. In 1940 iste Committee era reactivate quando Coudenhove-Kalergi e le Union Paneuropee, chassate per GESTAPO, refugiava al Statos Unite. In le mesme anno etiam le IALA (International Auxiliary Language Association), que creava INTERLINGUA durante 1924-1951 post un grande cooperation international, refugiava al Statos Unite ab Liverpool - chassate per LUFTWAFFE. 1940- Stephen P. Duggan era le presidente del Paneuropa american e del IALA (durante su ultime e decisive 10 annos).
[2] INTERLINGUA era publicate in 1951. 1955 le I Conferentia International de Interlingua habeva loco in Tours, Francia e Le Union Mundial pro Interlingua (UMI) era fundate, Alexander Gode-von Aesch (le ultime director del recerca del IALA), New York, como su prime presidente.
[3] Lovecz in Bulgaria era selecte como loco del XVI Conferentia International del UMI (Union Mundial pro Interlingua). Le primus motor del conferentia es Milen Shopov, le presidente del Academia Interlinguistic Bulgare. Milen Shopov studia jurisprudentia al Universitate "Kliment Ohridski", Sofia.
[4] Lovecz es un capital de un provincia con mesme nomine, 160 km nord-est de Sofia, ca. 64 000 habitantes.
[5] Milen Shopov ha servite al Guardia National de Bulgaria que ha proxime ligamines historic con le Guarda Finlandese.
[6] Lovecz ha un rolo prominente in le Guerra Turchia-Russia 1877-78 (un battalia remarcabile habeva loco illac le 1877-09-03) e in le historia del Guarda Finlandese ("Le raid de sal"). Le raid de sal: In Bulgaria le armea russe habeva serie problemas con approvisionamento. Le intendatura del armea imperial declarava que illo non plus pote fornir sal (un articulo absolutemente necessari in guerra) a truppas. Tunc tenente Karl Albert Procopé, le intendente del battalion de Guarda Finlandese, organisava un "raid" a Lovecz a procurar un amonta sufficiente de sal que era transportate con le proprie carros del battalion de guarda. Iste incidento ha ganiate publicitate considerabile in le historia finlandese del Guerra 1877-78 in Balkan.
[7] Karl Albert Procopé, major general in 1920 in le armea del Finlandia independente era patre de Hjalmar J. Procopé, ministro de affaires estranier, ambassador de Finlandia in Warszawa e Washington etc.
[8] Hjalmar J. Procopé fundava in 1930 le Section Finlandese del Union Paneuropee. Richard Coudenhove-Kalergi scribeva in su memorias:
- - -
Ancora un connexion inter Paneuropa e Bulgaria: Le recente presidente del Panunion Europee, Otto von Habsburg, habeva su 90e anniversario le 2002-11-20. Un de multe gratulantes a Hofburg, le palatio imperial in Wien* era Simeon II, ex-tzar e prime ministro de Bulgaria. Otto von Habsburg narrava in Turku in maio 2002 que ille memorava ben Hjalmar J. Procopé de su exilio in le Statos Unite 1940-44.
Al minus le interlinguistas non sape que era le opinion de Coudenhove-Kalergi super INTERLINGUA. Il esserea interessante studiar le correspondentia inter ille e Stephen P. Duggan in le New York Public Library ubi es le archivo (75 kg. de papiro) del IALA. Le archivo del Union Paneuropee era confiscate per GESTAPO e transportate a Berlin e forsan a Moskva post le guerra per le officiales sovietic.
- - -
2003-01-26 |
|||||
 |
|||||
|
Chronica del Guarda Finlandese (GF) in le Guerra Russia-Turchia 1877-78
1829-07-28 Battalion del tiratores finnese del Guarda de Corpore - Guarda Finlandese (Livgardets finska skarpskyttebataljon - Finska | |||||
 |
Monumento in le Parco National de Lavrov (village de Gorni Dûbniki) pro memoria del battalia a Gorni Dûbnik del Guarda Finlandese le 1877-10-24. Le monumento era create per initiativo del conte, general de infanteria Nikolai Vladimirovitch Adlerberg, ex-governator general de Finlandia (1866-81), e disvelate le 1881-12-11. Finlandia era representate al disvelation per tenente Alexander Sebastian Ehrnrooth, qui habeva servite in le guerra como officiero de messageros del Guarda. Il non es clar proque "solmente" un tenente era selecte como representante de Finlandia, forsan proque Alexander Ehrnrooth era le sol officiero del Guarda Finlandese qui habeva participate al guerra inter Serbia e Turchia in 1876. Alexander Ehrnrooth (1852-1902) serviva in le Guarda Finlandese 1871-99. Ille era promovite a colonnello in 1897. Mauno Koivisto, le presidente del Republica Finlandia, visitava Gorni Dûbnikit in aprilio 1985 e deponeva con honores militar un corona al monumento. Presidente Koivisto ipse serviva durante le guerra inter Finlandia e le Union Sovietic 1941-44 como un tirator de fusil-mitraliatrice in le famose compania de chassatores (le chef del compania era legendari Lars Törni) del 1e division de infanteria. | ||||
|
| ||||
|
Fredrik Hjalmar Nikolaus Procopé, nasceva le 1842-08-11 a Virmo. Su patre era major Abdon Fredrik Procopé, administrator de posta de Borgå e matre baronessa Agnes Jakobina Lybecker. Pupillo al schola de cadettos a Fredrikshamn/Hamina in 1854. Como tenente in le 15e battalion (russe) de tiratores. Como subtenente in le regimento finlandese del Guarda de corpore in 1863. Participava al subjucation del rebellion de Polonia in 1863-64. Tenente in 1864. Capitano del stato major in 1866 e capitano in 1871. Colonnello in 1876. Ille participava como commandante de un battalion al guerra Russia - Turchia in 1877. Commandava al tete de voluntarios un assalto contra le bastion de Gorni Dûbnik le 1877-10-24 e era mortalmente ferite, ille moriva al hospital de campo a Sistovo, Bulgaria, le 1877-11-10. - Nonmaritate. Le nomine del colonnello Procopé es gravate in auro sur tabulo de marmore al porta de entrata principal in le magnific cathedral Alexander Nevski in Sofia. | |||||
 Le statua/relievo in le Parco national de Lavrov a Gorni Dûbnik de general Vasili Nikolaevitch Lavrov (1838-1877), le commandante del Regimento finlandese, qui cadeva in le assalto de Gorni Dûbnik. |
Le plus sanguinose die del guerra occurreva le 24/10 1877, quando le Corps de Guarda russe sub commando del general de cavalleria Iossif Vladimirovitch Gurko, nascite 1828, assaltava le bastion al parve village de Gorni Dubniak (hodie Dûbnik), 20 km. al west de Pleven. Le bastion era fortemente fortificate per le turcos e le perditas era enorme al ambe partes. Le russos perdeva 17 officieros e 850 subofficieros e soldatos morte, inter le ultimes 24 soldatos del 3e, finnese, battalion de tiratores del Guarda. | ||||
 |
| ||||
| De facto le "Regimento Finlandese" era un regimento russe, non finnese. Totevia, in iste regimento serviva etiam alicun finlandeses. Le plus famose de illes era colonnello Hjalmar Fredrik Nikolaus Procopé, qui conduceva un gruppo de voluntarios in assalto contra un bastion turc. Ille era mortalmente ferite como etiam le commandante del regimento, general Lavrov. | |||||
 Gorni Dûbnik es capturate! Aleksei Danilovitch KIVSHENKO (1851-95) | |||||
 Officieros, subofficieros e banda musical del 3e (finnese) battalion de tiratores del Guarda de Corpore Russe in Bulgaria. Le 5e officiero ab leve in le prime linea es probabilemente colonnello Victor Napoleon Procopé, le commandante del battalion. Le 8e officiero ab leve in le 1e linea es colonnello-tenente Julius Sundman, le suppletive commandante del battalion inter 1877-11-04--1878-01-07. Le 3e officiero ab leve in le 2e linea es forsan tenente Sophus Christensen, Norvegia, qui accompaniava le battalion ab 1877-11-23. | |||||
|
Hjalmar J. Procopé (1889-1954), un homine del stato brillante e fundator del Section Finlandese del Union Paneuropee
Procopé es un stupefaciente familia militar finlandese que produceva durante 1878-1923 6 generales, 4 in Russia e 2 in Finlandia independente (Viktor Napoleon 1878, Herman Oskar 1890, Bernt Feodor Georg 1894, Bernhard Kristian Daniel Procopaeus 1899, Karl Albert Fredrik 1920, Nils Gabriel 1923). In ultra le familia Procopé/Procopaeus produceva 3 colonnellos durante 1877-1928 (Fredrik Hjalmar Nikolaus 1877, Alexander Procopaeus 1886 e Alexander Fredrik 1928).
Iste prestation es tanto plus remarcabile que initialmente le Procopés non era un familia nobile. Patre primari de iste familia, Tomas Jörensson (morte 1645) era un paisano e rusthållare (ratsutilallinen in finnese), i.e. proprietor de un ferma que debeva fornir un cavallerista al armea svedese, su equivalentia in le historia de Bulgaria es plus o minus le sipahis, un cavalleria turc. Le filio de Tomas J, Per Tomasson (1602-1679) studiava a pastor e prendeva le nomine Petrus Tomae (in su prime annos ille usava etiam le nomine Hemmaeus, proque le nomine initial del ferma de familia era Hämmäis, pronunciate como Hemmeis, in finnese totevia Hämmäinen). Al minus desde 1638 ille prendeva le nomine Procopaeus. Viktor Napoleon era innobilite, como sol membro del Procopés, le 1883-04-14.
| |||||
 Viktor Napoleon Procopé (1839-1906). General de infanteria. |
 Herman Oskar Procopé (1841-1905). General de infanteria. | ||||
Viktor Napoleon Procopé era un pupillo in le schola de cadettos in Fredrikshamn 1851, ab ubi ille era dimittite como primus 1857. Como tenente al 1e Regimento del Guarda de Corpore, le "Ekaterinoslavskií", 1857. Subtenente al Regimento Finlandese del Guarda de Corpore 1861, tenente 1863. Participava al Campania de Polonia 1863-64. Medalio "pro braveria in battalia contra le rebellos polonese le 18e aprilio 1863" (Hodie plus vergonia quam honor ... - Allan K.). Capitano del stato major (stabskapten) 1865. Capitano 1868. Colonnello 1871. Commandante del 101e regimento de infanteria a Perm 1877. Commandante del 3e Battalion (Finnese) de Tiratores del Guarda de Corpore le 1877-11-08 (de facto ab 1878-01-10). Sabla auree con scripto "Pro braveria e corage viril in le recognoscentia con forte le 2e septembro 1877". Adjutante de campo (flygeladjutant) al Su Majestate (imperator Alexander II) 1878. Medalio pro "excellentia al 'affaire' contra le turcos a Filippopel le 3e, 4e e 5e januario 1878". Major general al suite del Su Majestate e medalio pro "excellentia in combatto contra le turcos le 24e nobembre 1877", 1878. Medalio pro "corage viril e braveria distinguite in le affaire contra le turcos le 9e septembre 1877". Cruce romanian "Trecerea Dunarii" 1879. Innobilite le 1883-04-14 como sol Procopé (supra un pictura del armas heraldic de Procopé), ille era nr. 262 in le Casa de Cavalleros (Riddarhuset) in Helsingfors/Helsinki. Governator del Provincia de Vasa 1884. Retro al 101e regimento de infanteria (Perm) e post illo al 3e Battalion (finnese) de tiratores del Guarda de Corpore 1885. Governator del provincia de Uusimaa/Nyland 1888. Senator e membro del departemento economic del senato imperial e chef de su expedition militar 1888. General-tenente 1889. Adjoint al secretario ministerial del stato in Sankt Peterburg 1891. Temporari ministro-secretario del stato pro Finlandia 1898-1900. General de infanteria 1900, quitava le servicio militar. Moriva 1906 in Sankt Peterburg. Maritate le 1868-11-01 in Sankt Peterburg con Alexandrina Nikolaevna Yurenev, nascite 1845 in S.Peterburg e morite in 1928 a Bordighera, Italia. 3 infantes.
Herman Oskar Procopé era un pupillo in le schola de cadettos in Fredrikshamn 1852. Como tenente al 1e Regimento del Guarda de Corpore, le "Ekaterinoslavskií", 1859. Subtenente al Regimento Finlandese del Guarda de Corpore 1861, tenente 1863.
|
 Karl Albert Fredrik Procopé (1848-1920). Major general.
Karl Albert Fredrik Procopé nasceva 1848-04-08 a Virmo. Su patre era major Abdon Fredrik Procopé, administrator del posta a Borgå. Su matre era baronessa Agnes Jakobina Lybecker. Un pupillo in le schola de cadettos in Fredrikshamn 1859-1866. Fänrik in le 3e, finnese, battalion de tiratores del Guarda de Corpore. Subtenente 1870. Tenente 1874.
|
1881 capitano del stato major. 1884 membro del committee pro le trainos e committee pro reglemento economic del battaliones de tiratores finlandese. Membro del committee pro depositos de unitates sanitari in occasion de mobilisation. Membro del supreme tribunal de guerra de Finlandia 1885-95. Colonnello 1895. 1896 commandante del 1e, nylandian, battalion de tiratores finnese. Al disbandamento de militaria finlandese al stato de deduction in 1902, homine de negotios 1903-18. |
|
Le granpatre maternal del matre de Hjalmar J. Procopé era colonnello-tenente von Törne, qui Johan Ludvig Runeberg, le poeta national de Finlandia (autor del anthema national de Finlandia), glorifica in su obra epic super le guerra russo-finlandese (1808-09): In svedese: Von Törne, vet du, var en äkta finne, en gammal, knotig björk med masur inne In finnese: Von Törne oli mies suomalainen juurta juurevinta, kuin vanha visarunko rustopinta In interlingua: Von Törne, sape tu, era un genuin finno, un betula vetere, nodose; intra lupoide ligno | |
 |
Iste monumento es edicte pro memoria a soldatos del Guarda Finlandese qui moriva in le battalia del Gorni Dûbnik le 1877-10-24 in le guerra Russia-Turchia. Le creator del monumento, que se trova al corte interior del caserna de Guarda, es Frans Anatolius Sjöström. Le monumento era inaugurate le 1881-10-24, quatro annos post le battalia.
In le assalto de Gorni Dûbnik le Guarda Finlandese perdeva 24 morite e 99 ferite, 5 de illes officieros. | ||||
 |
Le officieros del Guarda Finlandese, photographate in 1878, post le guerra, per ordine special del Imperator Alexander II.
Prime linea ab leve: Alexander Sebastian Ehrnrooth [1], Ivar Palin [2], Wilhelm Forstén [3], Carl Ferdinand Immanuel von Wahlberg [4], Georg von Alfthan. | ||||
|
Prime linea: [1] Ehrnrooth In le Guarda Finlandese (GF) 1871-1899, participava al guerra inter Serbia e Turchia 1876, subtenente e officiero de messageros in le guerra 1877-78, tenente 1881 e representante de Finlandia al inauguration del monumento de GF a Gorni Dûbnik, Bulgaria, colonnello 1897. [2] In le guerra 1877-78 (77-78) como subtenente in le 1e compania del GF. [3] Forstén In 77-78 como fänrik/Fähnrich in le 2e compania del GF. [4] Wahlberg (1847-1920), doctor del medicina e chirurgia 1873, junior medico del GF 1877-78, senior 1881-1895, ver consiliero del stato 1903, "von" 1904. Dr. Wahlberg ha scripte le libro "Under kriget 2.dre bataljons läkare vid Lifgardets 3:dje Finska Skarpskyttebataljon och Ryska Gardeskåren, anteckningar från Rysk-Turkiska kriget 1877-1878, Hufvudstadsbladets Tryckeri, Helsingfors 1878 (Como 2e medico in le 3e battalion finnese de tiratores del Guarda de Corpore e le Guarda Russe, notas del guerra Russia-Turchia 1877-1878). Secunde linea: [5] Ramsay (1838-1915), capitano 1874, chef del 2e compania del GF 1874-80, major general 1891. [6] Winter (1825-1901), le senior medico del GF 1854-81, doctor del medicina e chirurgia 1860, "von" desde 1890, consiliero private (geheimeråd/Geheimrat) 1897. [7] V.N.Procopé (1839-1906), colonnello 1871, commandante del GF 1877-1884, general de infanteria 1900. [8] Sundman (1828-93), colonnello-tenente 1874 (le plus juvene officiero del stato 1874-80), in 77-78 al initio junior officiero del stato, suppletive commandante del GF inter 1877-11-04--1878-01-07, major general 1890. [9] Hausen (1840-95), subcapitano 1874, in 77-78 chef del 4e compania del GF, major general 1890. Tertie linea: [10] Gahmberg (1835-85), capitano 1871, chef del compania de reserva del GF 1877-78, chef del 4e compania 1868-77 e 1878-79, colonnello 1879. [11] Hasselblatt In 77-78 como tenente in le compania de reserva del GF. [12] Silfverhjelm In 77-78 como tenente in le 2e compania del GF. [13] Ehnberg In 77-78 como capitano de stato in le 3e compania del GF. Quarte linea: [14] Neovius In 77-78 como subtenente in le 3e compania del GF. [15] A.Procopé In 77-78 intendente del GF. [16] Pont In 77-78 como subtenente in le 4e compania del GF. [17] Knorring In 77-78 como fänrik/Fähnrich in le 1e compania del GF. [18] Gripenberg In 77-78 como fänrik/Fähnrich in le 4e compania del GF. [19] Jernvall Vääpeli Jernvall ha scripte le libro: Vääpeli Lemminkäisen päiväkirja (Diario del vääpeli Lemminkäinen [Lemminkäinen es un persona magnific in le "Kalevala", le epos national finnese]), editoria G.W. Edlund, Helsinki 1899). | |||||
 |
Bernt Feodor Georg Procopé (1840-1916) era pupillo in le schola de cadettos in Fredrikshamn 1854. Como fänrik al battalion finnese (plus tarde 3e, finnese) de tiratores del Guarda de Corpore. Subtenente 1861. Tenente 1866. Capitano del stato major 1874. Capitano e adjutante del campo de Su Majestate 1876. Chef del 1e compania del Guarda Finnese in le Guerra Russia-Turchia 1877-78. Contusionate al hanca leve in le assalto a Gorni Dûbnik 1877-10-24. Medalio "pro excellentia al battalia a Gorni Dûbnik" 1878. Cruce romanian "Trecerea Dunarii" 1879. Colonnello 1881. Commandante del 3e, Vasa, battalion finlandese de tiratores 1883, continuemente etiam como adjutante del campo de Su Majestate. Commandante de 1e, Nylandese, battalion finnese de tiratores 1892. Major general e adjoint al commandante supreme del fortias militar finlandese. Commandate al stato major imperial 1894. Quando le fortias militar de Finlandia era dissolvite, general B.F.G Procopé era ponite al disposition del governor general de Finlandia 1902. Commandante de un brigada local a Vladikavkaz 1903. Quitava le armea in rango de un general-tenente 1905. Presidente del committee de establimentos sanitari in le truppas finlandese durante pace 1897, membro del committee pro nove division de Finland in districtos de reserva 1897-98, del committee de nove reglemento economic de truppas finlandese 1898-99 e del committee de arrangiamento del establimento sanitari durante le guerra, 1899. Maritate con Agata Lovisa von Knorring (1844-71, filia de un senator) e con Matilda Helena von Knorring (1849-1920). 3+7 infantes. | ||||
Tirator (tarkk'ampuja) nr. 131 Johan Sarén in le Guerra Russia-Turchia 1877-78. Picturas: Marjatta Vallius (Sarén) |
 Johan Sarén era assignate un medalia de bronzo, le Cruce Memorial Romanian Trecerea Dunarii (Transpassato de Danubia) e derecto a portar bandas del ordines de Sancte Andrea e Sancte George | ||||
|
Le 1877-10-05, quando le Guarda Finlandese arrivava a Bulgaria, imperator Alexander II personalmente cavalcava verso le Guarda ante le village de Gorny Studen, ubi era le stato major imperial, pro guidar lo a village. Le imperator ordinava le optime cantatores venir al testa de battalion e le battalion marcheva tra le village detra le imperator cantante cantos militar finnese.
Grand prince Nikolai Nikolayevitch, fratre del imperator, inspectava le Guardia Finlandese in Adrianopel le 1878-01-29 e distribueva un plure de medalios, i.a. cruces de Sancte George, un alte decoration in le armea imperial russe. Ille regratiava etiam Sophus Christensen, le tenente norvege: "Je vous remerci pourvotre bravour" (Io vos regratia pro vostre bravura). Quando le Guardia Finlandese retornava ab Balkan, imperator Alexander II lo inspectava in le maneo de cavalcada del prince Mihail in Sankt Peterburg. | ||||
 Officieros del Guarda Finlandese in 1905 |
 Le Guarda Finlandese ha retornate ab manovras a Krasnoye Selo (west de Sankt Peterburg) in 1905 | ||||
Casernas del Guarda Finlandese. Hodie resta solmente le casa "F" a derecte. Le Guarda Blanc Finlandese in parada le 1931-01-28. |
 General Gustaf Hägglund (ex-commandante in chef del Fortias de defensa finlandese, hodie le presidente del Committee militar del Union Europee in Bruxelles) inspecta le compania de honor con un visitator estranier al corte del caserna de guarda. Le bandiera es le jääkärilippu (bandiera del chassatores) que era inaugurate le 1918-02-13 in Libau, Latvia, per le 27e battalion (voluntarios finlandese) de chassatores regal prusse. Le battalion habeva combattite in Latvia contra le armea imperial russe in 1916.
| ||||
 |
In 2000 le compania de honor del Battalion de Guarda salutava le nove presidente del Republica Finlandia, Tarja Halonen - le prime supreme commandante feminin del fortias de defensa in le historia de Finlandia. Detra le presidente Halonen sta ex-presidente Martti Ahtisaari. Traditionalmente le compania de honor del guarda finlandese non es un proprie truppa de parada sed un plus o minus normal compania combattante. | ||||
| Le vita miraculose de Aleksei Apostol | |||||
 |
Quando le 2e compania del Guarda Finlandese stava in guarda propter San Stefano e Florio-Tchekmedshe, al piquet ab proxime village cremate e desolute veniva un plorente parve puero de 12 annos qui se relevava essente orphane. Multe villages era cremate e lor habitantes massacrate. Iste puero era un greco. Su parentes habeva venite ab Athenas via Gallipoli. Le puero voleva obtener protection del Guarda Finlandese sed on le explicava que il non esserea possibile. Finalmente le plorar e supplication persistente del puero tanto commoveva le chef del compania, capitano A. Ramsay, que ille promitteva le protection del Guarda pro le momento. Le puero deveniva un favorito de tote le battalion que permitteva le venir a Helsinki que ille faceva marchante in le filas del battalion como un de soldatos. Ille era adoptate al banda musical del Guarda Finlandese. Il relevava que ille era un grande talento musical.
| ||||
|
Aleksei Apostol deveniva chef de musica del Regimento de Dragones Finlandese in Lappeenranta (mi patre affin ha servite in iste regimento como etiam general Adolf Ehrnrooth, le commandante legendari del 7e regimento de infanteria in nostre guerras, parentela a general Casimir Ehrnrooth. Adolf E. ancora vive in etate de 96 annos, su marita es un contessa danese. -- Allan K.). Postea Aleksei Apostol era appunctate como chef de musica del Battalion de Chassatores de Turku (mi patre serviva illac in iste periodo. -- Allan K.) e AD 1899 como musica del Guarda Finlandese, in etate de 33 annos.
Ille quitava le armea in 1901 e fundava le Banda del cupros de Helsinki, un boteco e editoria de musica e un fabrica de cupros. Post que Finlandia habeva devenite independente in 1918, Aleksei Apostol era nominate a director supreme de musica del Guarda Blanc Finlandese e tote del fortias de defensa finlandese. Ille fundava e trainava tote le bandas de musica militar e lor chefes in Finlandia. Quando Apostol Aleksei promenava transverso de corte del Guarda Blanc Finlandese tote le corte solemno silentiava quando "ille parve e obscur homine promenava lentemente con capite pendente verso le porta e dispareva al citate". Ille nunquam salutava alicuno - ille habeva solmente un superior, colonnello Procopé, le commandante del Guarda. Aleksei Apostol moriva in 1927 in etate de 61 annos. | |||||
Colonnello Hjalmar Fredrik Nikolaus Procopé era mortalmente ferite al battalia de Gorni Dûbnik quando ille conduceva un gruppo de voluntarios in assalto contra un forte bastion de turcos. Le 1977-10-24, le 100e anniversario del battalia de Gorni Dûbnik, un statua de colonnello H.F.N. Procopé era inaugurate con grande festivitates al campo de battalia.
Participava como intendente del Guarda Finlandese al guerra Russia - Turchia 1877-78. Faceva in 1877 un celebre "raid de sal" a Lovecz. Medalios "pro braveria", "pro surpasso de Balkan", "pro distinction a battalia de Philippopel le 1878-01-03--05" e Cruce
Administrator de iste sito: -------------------------- Allan Kiviaho SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua  |