UMI-XVI-2003 XVI Conferentia International de Interlingua Lovecz, Bulgaria 2003-07-26--08-02 Le Guarda Finlandese in le Guerra Russia-Turchia 1877-78

VIDE ETIAM WWW.INTERLINGUA.FI/IXGEA-UMIX-XVI!

Al guerra turc 1877-78 participava etiam tenente (postea general), intendente del battalion del Guarda finlandese Karl Albert Procopé, cuje filio era Hjalmar J. Procopé, un famose homine de stato (i.a. ambassador finlandese in Washington durante le 2e guerra mundial) e bon amico con conte Richard Coudenhove-Kalergi, qui fundava le Union Paneuropee. Un bon amico de Coudenhove-Kalergi era Stephen P. Duggan, le ultime presidente del IALA, que creava interlingua. S.P. Duggan creava etiam un association paneuropee in le Statos Unite, American Cooperative Committee of the Pan-European Union. E H.J. Procopé fundava le Union Paneuropee Finlandese. Karl Albert Procopé faceva in 1877 le celebre "raid de sal" a Lovecz, ubi in 2003 habeva loco le XVI conferentia international de interlingua. Allan Kiviaho

Le Guarda Finlandese era honorate in Bulgaria HUFVUDSTADSBLADET 2007-03-11 Cadite soldatos del Guarda Finlandese in le Guerra turc 1877-1878 era honorate le 24e de octobre 2007 con un ceremonia festive al monumento de Gorni Dubnik proxime a sud de Pleven in Bulgaria. Al ceremonia commemorative participava un delegation finlandese sub direction de Paavo Lipponen, ex-presidente del Parlamento finlandese (e previe prime ministro -AK-) e Kauko Jämsen, le ambassador finlandese in Sofia. Le cadite guardistas finlandese era honorate con homages militar de un compania de honor bulgare. Le reunion commemorative era comenciate con un breve missa orthodoxe post le qual sr Zjivko Zjelev, le burgomaestro de Dolni Dubnik, regratiava le soldatos finlandese pro lor effortios in le lucta ante 130 annos pro liberation de Bulgaria de suprematia turc. Mesmo Lipponen pronunciava un breve oration in le qual ille toccava le contribution del Guarda Finlandese in liberation de Bulgaria e memorava illes qui sacrificava lor vitas durante le battalia. Presente era etiam un gruppo de representantes del gille del Regimento de Guarda e le Societate de historia militar finlandese, qui in compania del delegationes official deponeva un tributo floral al monumento in Gorni Dubnik. TORSTEN EKMAN

Le Guarda Kiviaho in Bulgaria A.D. 1978 In 1978 le familia Kiviaho habeva su prime "vacation del sud". Nos eligeva Bulgaria, que habeva un bon reputation in Finlandia como un paradiso touristic.

Nostre vacation, que nos passava al villegiutura "Neptun", presso a Nesebar, un ancian citate historic, era specialmente interessante, proque Bulgaria celebrava su 100e anniversario del liberation. Le guerra de liberation de Bulgaria (le Guerra russo-turc) es multo ben cognite in Finlandia proque le Guarda finlandese participava a ille guerra. E general Casimir Ehrnrooth, un finlandese, deveniva practicamente un dictator de Bulgaria. Ille era successor de general Mihail Domontovicz (que era in opinion del imperator russe nimis "molle" - general Ehrnrooth non era molle del toto, como i.a. le population in Czeczenia e Polonia habeva experite). General Domontovicz era le patre de mme Aleksandra Kollontaj, qui era un persona multissimo importante pro Finlandia, proque como ambassador del Union Sovietic in Stockholm illa ageva como mediator inter le governamento de Finlandia e Iosif Stalin, quando Finlandia e le Union Sovietic era in guerra inter se. In le parco presso a nostre hotel ("Zornica", in medio de un multo belle mar de floras) era un exhibition de grande photographias del guerra de 1877-78, que es mentionate in supra. Ab Neptun nos faceva alicun viages interessante, como al festival de ballet in Varna, con nave sovietic (con un firma touristic de Germania federal) "Ossetija" a Istanbul e con avion a Sofia e ulterior con autobus al monasterio de Rila, uno del plus sacre placios del mundo de christianos orthodoxe.

Visita al monasterio de Rila era un experientia que nos va nunquam oblidar. Nostre filia Pia Maria habeva tunc 10 annos e nostre filio Jani Markus 7 annos.

Nos volava ab Burgas a Sofia con un parve version del avion sovietic "Tupolev". Illo era ben mantenite e in un bon condition - lo que on non semper poterea dicer de plus grande Tupolevs que volava inter Finlandia e Bulgaria. Un burla popular in Finlandia era "Tupolev = Putolev" ("Cadelev"). Con nostre volo viagiava alicun officieros hungare in belle uniformas con portafolios a sinos. Al via inter Sofia e Rila era un citate remarcabile "Stanke Dimitrov" - lo que nos appelleva "Tankki Dimitrov" (Tank [carro cuirassate] Dimitrov). Post collapso del communisma le nomine de ille citate es de novo "Dupnitza". Quando nos retornava de monasterio Rila verso Sofia, le via era blocate a causa de un grande manovra militar del Pacto de Warszawa (illo era le explication pro le officieros hungare al avion). Nostre autobus debeva usar "sentieros de carrettos" e nos retornava a Sofia in nocte. Nos habeva un pausa a un parve baar a campania. Circum le tabula: Un viro ex Germania Federal e su filio (qui habeva problemas con su stomacho e era in condition miserabile), nostre filio Jani Markus - qui habeva nulle problemas con su stomacho, Brita-Lisa e un seniora ex Virrat, un municipilitate vicin de Alavus, ubi io ha nascite. Illa era un florista qui habeva habitate etiam a un kibbutz in Israel. Ulterior un filia del florista (la altere filia, un multo belle brunette, es invisibile in le photo). Al fin nostre filia Pia Maria. Assi, nos era 7 finlandeses, tres germanos e le resto era franceses ex Alsace-Lorrain, gente multo amicabile.

In sequente die nos visitava le mausoleo de Georgi Dimitrov, qui era uno del plus illustre figuras in le movimento international del communismo (Secretario general del KOMINTERN etc.). Nostre stupefaction era grande quando nos videva le guardistas bulgare, multo elegante in lor uniformas historic. Io non poteva divinar que post 23 annos io vaderea ascoltar un discurso super le Guarda Bulgare, pronunciate per un guardista e interlinguista, Milen Shopov, al UMI-XV-2001, un conferentia jubilar (interlingua 50 annos) del UMI in Gdansk. Durante le excursiones de nos interlinguistas il traheva attention considerabile que a nostre gruppo pertineva finlandeses. In le museo de Lovecz le guida bulgare pronunciava un longe discurso private a nos e quando nos visitava le magnificente Panorama del assedio de Pleven (create per artistas russe) la guida mentionava multissime vices le nomine de Guardia finlandese. Petyo Angelov ageva como interprete soveran ex bulgaro a interlingua. Totevia, on non debe oblidar que nostre gruppo includeva etiam tres romanianos, Simona, Florin e Ruxandra Şunel. Romania participava al assedio de Pleven con ca. 50 battaliones contra 1 battalion finlandese ... E le supreme commander del osadio era le prince (postea regno) romanian Carol I. Quando le guida glorificava nos finnos le romanianos silente prendeva photos de objectos romanian in le museo ... Post le guerra le semi-dictator finlandese de Bulgaria, general Casimir Ehrnrooth, assediava Bucuresti proque Russia non voleva satisfacer le accordos de Russia, que illo habeva facite pro facer Romania participar in le guerra.

Ah, io era in le extasis altissime, quando io videva iste soldatos, proque historia militar es un de mi plus grande hobbies. Io habeva legite multe libros e.g. super le grande guerras de Balkan (1912-1913), le prime guerra inter Bulgaria, Serbia, Grecia e Montenegro contra Turchia e le secunde inter Turchia, Romania, Serbia e Grecia contra Bulgaria ...! A causa del guerra Russia-Turchia 1877-78 io cantava jam in etate de alicun annos un vetule canto finlandese: Kauan on kärsitty vilua ja Longe on ha suffrite de frigor nälkää Balkanin vuorilla e fame in battalias al taistellessa. montanias de Balkan. Oi kallis kotimaa, Suomi sulo O tu patria preciose, Pohjola, ei ole maata sen Finlandia mirific Nordia, non armaampaa. existe un pais plus amabile. Tuhannenpa verran poikia Circa mille pueros partiva lähti Helsingin satamasta ja del porta (*) e -ta de -masta, ja eikä ne ennen Helsinki, e illes non seisahtuneet kuin Konstanti- faceva halto ante noopelissa. Constantinopole. Konstantinopolin portin Sur le porta de Constantinopole päällä oli Turkin keisarin era un portrait del imperator de kuva ja kuva ja Suomen poijat Turchia e le pueros de Finlandia ne sanoivat: "Hyi hitto kun se diceva: "Pfui diabolo como illo on ruma ...!" es fede ...!" Poikia on haudattu Balkanin Pueros son sepultate in le sablo santaan, toiselle puolelle de Balkan, al altere parte del Tonavan. Danubio. - - - (*) In facto le Guarda Finlandese (un parte del Guarda imperial russe) partiva ab le station ferroviari de Helsinki ... - - - Durante le negotiationes del pace guardistas finlandese visitava Istanbul - sin armas, naturalmente. Iste metropol magnific e exotic colpava le soldatos finlandeses con stupefaction ultime. (Le Guarda Republican Kiviaho visitava Konstantinopoli in anno 1978 - exactemente 100 annos post le visita del Guarda Imperial Finlandese.

Le fusiles portate per le guardistas bulgare son carabinas semiautomatic sovietic, modello SKS45 (Samozaryadnya karabin S.G. Simonova obrasetz 1945g). Iste arma es un "bastardo", un fusil longe con cartuchas de un fusil de assalto. Le cartucha era preste jam in anno 1943 sed Kalashnikov non poteva finir su fusil de assalto ante le fin del secunde guerra mundial. Le carabina de Simonov era un solution provisionari - post le guerra plus popular como un arma ceremonial quam como un arma de combatto ... Post le collapso del communisma iste mausoleo era facite exploder, que era un obra multo laboriose. Georgi Dimitrov de petra resisteva equalmente tenacemente contra le dynamitaros del nove Bulgaria como G.D. human habeva resistate contra le capitalismo. Tourismo era in Bulgaria ben organisate durante le regime communista. E.g. in le paradiso de vacantias Zlatni Pjasatzi il habeva un bibliotheca, ex le qual io prendeva i.a. un libro super Georgi Dimitrov e su viages aventurose a barcas super le Mar Nigre al incontros del "KOMINTERN" in le Union Sovietic. A proposito, durante le secunde guerra mundial Finlandia jungeva se al Pacto Antikomintern e era in bon compania con Germania, Japon, Italia, Hungaria, Espania, Mantšukuo, Bulgaria, Croatia, Danmark, Romania, Slovakia e China (Governamento de Nanjign). Bulgaria communista habeva un vive vita del cultura alte, specialmente proque la ministro del cultura, Ljudmila Zhivkova, era filia del dictator Todor Zhivkov. In Varna era organisate brillante concursos pro juvene dansatores de ballet. Nostre filia ha dansate ballet e illa es examinate in linea del dansa e choreographia in le academia de arte dramatic. Nos visitava ille concurso multe vices. E a multo alte nivello era etiam le dansa e musica folklore. Infortunatemente il pare que in Bulgaria libere il ha nulle bibliotheca al Zlatni Pjasatzi e le musica e dansa folklore son solmente un umbra del era de Ljudmila Zhivkova. Vide http://www.ceausescu.org/ceausescu_texts/powerful_women_balkan.html Le ultime die nos passava in Sofia. In iste pictura nos sta ante le palatio tzarian. Le quarte persona ab sinistre es un magistro pensionate, qui nos incontrava al strata e qui guidava nos in le urbe. La dama al dextre es un tourista german. Nos voleva offerer al seniora bulgare un lunch in alicun bon restaurante. Illa duceva nos a un cantula de pensionarios, ubi le portiones era subventiate per le stato ... Le palatio tzarin era convertite a un museo del arte.   Le ultime tzar, Симеон II Борисов Сакскобургготски (Simeon II Borisov Sakskoburggotski - Simeon II de Sachsen-Coburg-Gotha / Saxe-Coburg-Gotha), qui habeva nascite anno 1937, era un tzar 1943-46 post que su patre, tzar Boris III habeva morite in basse etate "in circumstantias obscure" (probabilemente totevia "de causas natural"). Durante su tzarstvo su oncle, pincipe Kiril, ageva como regente con duo altere personas. Le armea sovietic sub commando del marechal Fedor Ivanovicz Tolbuhin (mesmo le capturator de Budapest e Wien) habeva occupate Bulgaria in septembre 1944. Post referendum le tzarstvo era dissolvite in 1946 e le tzar Simeon era expulsate ex Bulgaria. On ha mantenite que le ex-tzar haberea essite in un grande periculo de esser assassinate durante su ultime dies in Bulgaria e que ille era continuamente escortate per eminentias "liberal" (plus liberal quam le communistas), usque le station ferroviari. Personalmente io crede que assassination de un tzar in etate de 9 annos haberea essite nimis excessive mesmo a Stalin. Simeon era in exilio durante 50 annos. Primo in Egypto, a ubi le rege de Italia, Vittoria Emanuele III (le patre del tzarina bulgare Giovanna de Savoya) habeva fugite ab Italia. In julio 1951 (le anno del nascentia de interlingua) le Gaudillo Francisco Franco consedeva al familia tzarin un asylo in Espania. Simeon studiava in le Statos Unite. In 1962 ille se maritava con Doña Margarita Gomez-Acebo y Cejuelan, un aristocrata espaniol. Illes ha cinque infantes, quatro filios (Kardam, Kiril, Kubrat e Konstantin) e un filia (Kalina). Simeon parla italiano, espaniol, portugese, francese, anglese, arabe e germano (e bulgaro?). Assi, ille maestra omne linguas fontal de interlingua! Ille travaliava como homine de affaires, i.a. como chef in Espania de Thomson, un grande compania francese a brancas de industria de defensa e electronica. In 1996 ille era permittite a retornar in Bulgaria e le governamento bulgare retornava a ille su proprietates confiscate per le communistas. Ille era le prime ministro de Bulgaria in 2001-2005. In Bulgaria ille fundava un partito politic Национално движение Симеон Втори (Natzionalno dvizhenie Simeon Vtori - Movimento national de Simeon II). In coalition con le partito turc ille era le victor convincente del election in 2001 e deveniva prime ministro. Simeon II Sakskoburggotski es le sol monarcha in le historia mundial qui ha essite electe per election democratic a un empleo civil. Le problemas in Bulgaria durante le transition ex communismo a democratia ha essite nimis grande e le partito de Simeon Sakskoburggotski perdeva in le election de 2005 contra le socialistas, le quales fundava un governamento in coalition con le partito Movimento national de Simeon II e le partito turc. Jam ante nostre plure viages a Bulgaria io videva in Finlandia un pelicula bulgare multo interessante. Su nomine era, si io memora lo correctemente, "Le revolta de generales". Su thema era le revolta de generales contra le tzar Boris III. On mantene que tzar Boris lamentava: "Mi populo es pro Russia, mi generales pro Germania, solmente io es pro Bulgaria (benque un principe german ...)." Allan Kiviaho AFIL - Association Finlandese pro Interlingua P.S. Pro illes qui vole leger plus super le Guarda Finlandese in Bulgaria 1877-78: http://ethesis.helsinki.fi/julkaisut/hum/kultt/vk/laitila/soldiers.pdf SOLDIER, STRUCTURE AND THE OTHER SOCIAL RELATIONS AND CULTURAL CATEGORISATION IN THE MEMOIRS OF FINNISH GUARDSMEN TAKING PART IN THE RUSSO-TURKISH WAR, 1877-1878 Teuvo Laitila Dissertation in Cultural Anthropology, University of Helsinki, Finland, 2001 Actualisate le 2009-09-21 Administrator de iste sito: -------------------------- Allan Kiviaho SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua