Le Guarda Finlandese Fato commun inter Finlandia e Bulgaria

Königlich preussisches Jägerbataillon Nr. 27 - Guarda Finlandese 1829-- Le Cruce del Sancte George - Le Ordine del Sancte George (Russia). C.G.E. Mannerheim, marechal de Finlandia. - Generales finlandese O.F. Gripenberg, C.W. Alfthan e   A.A. Thesleff (vice-cancellerio del Universitate de Helsinki, captura de Paris in 1814). Le bandiera del Battalion Regal de Chassatores Prusse Nr. 27 - Johann III, le grande duce de Finlandia, 1581. Le armas heraldic de Carelia, 1562 - Monumento sepulcral de Gustaf Vasa in le Cathedral de Uppsala (ARMA MAGNI DVCATVS FINLANDIAE) - "PRO GLORIA ET PATRIA"   Friedrich Wilhelm III e Friedrich II Grosse (Magne) (reges prusse). Wilhelm II (imperator de Germania) Le Cruce del Sancte George e le Union Paneuropee - metamorphosa impressive inter le symbolos del UNION PANEUROPEE international e le section finlandese Le familia Kiviaho e le Guarda National de Bulgaria - Neptun/Nesebar/Burgas/Rila/Sofia 1978. Guarda National de Bulgaria guardante le mausoleo de Georgi Dimitrov. - Guarda Finlandese in le guerra de liberation de Bulgaria 1877-78   Casimir Ehrnrooth, un general finlandese, como le ministro de guerra e plenipotentiario del imperator   Alexander II de Russia in Bulgaria (1880-1881).   Le predecessor de general Ehrnrooth como le plenipotentiario de Russia in Bulgaria era general   Domontovitch, le patre de Alexandra Kollontai - Imperator Alexander II de Russia ("Tzar Osvoboditel" - tzar liberator). Statuas in Helsinki e Sofia sed non in Russia ...   "Hram na krove" - Cathedral sur sanguine) in Sankt Peterburg" Generales Carl Gustav Clodt von Jürgensburg e August Alexander Järnefelt - Un baron germano-estonian projecta mappas super Romania, Moldova e Siberia e le sposo de su granfilia,   general finlandese August Alexander Järnefelt projecta le prime mappa scientific super Bulgaria ... - General von Jürgensburg   le plus proxime assistante de generalissimus Kutusov in le guerra Napoleonic 1812-13, battalias de Borodino, Tarutino e   Leipzig ("Le battalia de nationes" o "Le battalia de tres imperatores"), le sala del fama in le Palatio Hibernal ("Eremitage")   in Sankt Peterburg. - General Järnefelt   governator de tres provincias finlandese, un fennophilo qui luctava pro le lingua finnese contra le hegemonia del svedese.   Infantes de general Järnefelt   Armas Järnefelt, professor, un famose musico in Finlandia e Svedia   Arvid Järnefelt, un autor e historico famose, admirator de Lev Tolstoi (ambes era bannite - como pensatores libere - per ecclesia ...)   Eero Nikolai Järnefelt, professor, un artista pictor de fama mundial   Aino Järnefelt, la sposa de Jean Sibelius, uno de plus famose compositores del mundo in le 19e e 20e seculos Le numero de generales e admirales finlandese qui serviva in le armea russe in 1809-1917 era considerabilemente plus grande quam le numero de generales e admirales in le armeas de Svedia/Norvegia e Danmark insimul in iste periodo! Interlingua e le Guarda Finlandese. Petio Angelov - Petio Angelov, le presidente del Academia Interlinguistic Bulgare assisteva Milen Shopov, le guardista bulgare,   in su discurso in Gdansk. Petio ha nascite a Pleven, propter le monumento del Guarda Finlandese que battaliava   a Pleven pro le forte de Gornyí Dubnyak - Le libro Le guerra de liberation in obras de artistas russe. Leningrad 1978 - Le vita miraculose de Aleksei Apostol, un parve puero grec ex un village bulgare ubi tote le population era massacrate,   qui deveniva le director supreme de musica del fortias de defensa del Finlandia libere. Vetule cantos finlandese del guerra de liberation de Bulgaria Le bandiera hodierne del Battalion de Guarda Finlandese.   - Le Guarda Finlandese e le presidente Vladimir Putin Alexander Battenberg (Alexander I). - Lord Mountbatten, le ultime vicerege de India, massacrate per IRA - Veliko Tarnovo, un ancian capital de Bulgaria, visitate per marechal Helmut von Moltke - e sergente Allan Kiviaho Historia militar de Bulgaria - Le guarda de Hungaria como le modello pro le Guarda National de Bulgaria - Le prehistoria de bulgaros. Bulgaria contra Byzantio. - Battalia de Varna 1444 - Guerra russo-turc 1828-29 - Le guerra oriental (le guerra de Crimea) 1853-56 - Le rebellion contra le turcos 1876 - "Wir Finnen und Bulgaren sind alte Waffengenossen!" - Guerra inter Serbia e Bulgaria 1885 - Evert Gustaf Waldemar Becker-Bey, le vita curiose de un officiero finlandese   Como sub-lieutenante in le Guarda Finlandese,   in un regimento de cavalleria in Polonia, sententia a morte in Russia,   escappamento a Mexico, in guerra contra le revolutionarios, como prisoniero de revolutionarios, sententia a morte,   salvate per officieros american,   in servicio del Guarda Suisse del Papa in Roma, battaliava in Morocco espaniol, in Grecia contra le turcos e   in Egypto in servicio de chedivo ubi ille obteniva le titulo de "Bey",   In 1876 durante le guerra inter Serbia e Turchia le chef del stato major del armea serbe,   cambiava a Paris ubi ille publicava in 1880 un articulo con titulo Le Finlande indépendente et neutre ubi ille con   exactitude stupefaciente prevideva como Finlandia vaderea ganiar su libertate - 38 annos in avante. Ille mesmo scribeva   que juvene viros finlandese vaderea vader a Germania pro education militar pro le veniente guerra de liberation contra Russia.   Le rege de Espania, Alphonso XII, invitava le a Madrid pro rediger un jornal statal, L'Europe. In 1889 ille se maritava   con Anna Komnenos, un multo ric relativo de imperatores byzantin e cambiava a Napoli ubi ille habitava a su morte. Le grande guerras de Balkan 1912-1913 - In le Secunde Grande Guerra de Balkan Bulgaria luctava sol contra Turchia, Romania, Serbia e Grecia ...!. Le prime guerra mundial 1914-18 Le secunde guerra mundial 1939-45 - De novo coincidentias in fatos de Bulgaria e Finlandia: Omne paises habeva essite alliatos de Germania sed debeva   al fin luctar contra le armea german, Bulgaria in Balkan e Hungaria, Finlandia in Lapponia. - Bulgaria contra Finlandia, un capitulo nigre del historia Io ha habite duo motivos principal pro iste historia militar de Bulgaria: (1) Le connexiones interessante inter le historia militar bulgare e finlandese (2) Bulgaria ha un historia militar pesante e gloriose, digne de traditiones magnific como le Guarda National. Le truppo polonese (Polonia es mentionate hic proque iste articulo ha prendite su initio in le Conferentia Jubilari de Interlingua in Gdansk le 2001-07-29--08-04) in le parade memorial a Normandie in 1994 era le plus martial e splendide de omne participantes. Il era un disgratia que le soldatos polonese, le heroes de Monte Cassino etc., era refusate participar al grande parade de victoria in London in 1945. Nos debe sperar que pauc a pauc guerras europee va esser solmente un memoria. E io spera que le vetule traditiones mutual inter Bulgaria e Finlandia conduce a un alliantia interlingual sub INTERLINGUA AQUILONE! Isto es le bandiera del königlich preussisches Jägerbataillon Nr. 27, le battalion que era formate in Germania in 1916 ex voluntarios finlandese qui ha vadite a Germania pro acquirer education militar pro le expectate guerra de liberation contra Russia. Le battalion luctava ante Riga, Latvia, contra russos e in 1918 illo retornava a Finlandia e era distribuite como officieros e subofficieros in le Armea Blanc finlandese. Iste battalion de chassatores finlandese jocava un parte decisive in nostre guerras pro superviventia in 1939-45. E.g. 49 de generales in le armea finlandese era previe chassatores. Le bandiera in le pictura era derivate ex le bandiera del battalion del Guarda Finlandese que era fundate in 1829 e pertineva al Corps del Guarda Imperial Russe. Le cruce es un vetule cruce del Sancte George. In le vetule bandiera le aquila era le aquila russe con duo capites e in loco de aquilas (stilisate "roman"?) in le cornos era picturas composite del corona imperial russe, folios de querco e "A I" = Alexander Prime (o Alexander Imperator?). Le cruce del Sancte George (Svyatoî Georgiî in russo) era inspirate per legenda de un soldato roman ex Cappadochia (Turchia hodierne) qui moriva per martyrio AD 303. Pictura super ille - un cavallero occidente dracon - es etiam in le armas de Moskva. Le 2001-09-11 quando mi marita e io era in Tallinn, Estonia, sedente a barbero presso al famose cathedral "Niguliste", mi vista perciava trans un parve fenestra a armas del Sancte George ... Illo pertineva a un parve ecclesia svedese. Le Ordine del Sancte George ("Voennyî orden Svyatogo Velikomuczenika i Pobedonosxa Georgiya" - Ordine Militar del Sancte Martyre Magne e Victor George) era fundate in Russia AD 1769 per le imperatrice Katarina II Magna. Le cruce del Sancte George habeva quatro classes e illo era un pur ordine militar, como etiam le phrase "ZA SZLUSZBY I HRABROST" (Pro servicio e braveria) prova. In le historia de iste ordine solmente quatro personas obteniva tote le quatro classes. Le hero national de Finlandia pro excellentia, marechal Carl Gustav Emil Mannerheim era multo fer quando ille obteniva le quarte classe del ordine 1914 quando ille serviva como major-general in le imperial armea russe. Il ha un famose photo de 1937 ubi marechal Mannerheim ancora porta iste ordine - e duo annos plus tarde ille conduceva le armea finlandese contra Russia ... Duo generales finlandese, O.F. Gripenberg e C.W. Alfthan ha obtenite le III classe del Ordine de Sancte George. Un famose general finlandese era A.A. Thesleff qui era etiam le vice-cancellerio del Universitate de Helsinki. Ille era cavallero del IV classe del Ordine de Sancte George e ille habeva obtenite le Ordine Pour le mérite prusse pro su merites in le captura de Paris in 1814. Le Guarda Finlandese obteniva le Cruce del Sancte George in 1831. Le cruce del Sancte George es usate etiam e.g. in le ordines de Aleksandr Nevskiî e Sancta Anna. Le Ordine de Sancte George es revivite in Russia, le presidente Vladimir Putin confirmava su regulamentos in maio 2000. Etiam le section finlandese del Union Paneuropee usa le Cruce del Sancte George in su symbolo. Clicca hic e vide le metamorphosa impressive inter le symbolos del Union Paneuropee international e le section finlandese. In le bandiera del Battalion Regal de Chassatores Prusse Nr. 27 le figura central es le armas heraldic de Finlandia que le grande duce de Finlandia, Johann III, adaptava in 1581. Le leon veni ex le grande armas del Regno de Svedia, le armas (gladios, le gladio occidental e le gladio oriental - "scimitarra") veni ex le armas heraldic de Carelia de 1562. Un bon exemplo de iste armas que deveniva le armas heraldic del Republica Finlandia es in le monumento sepulcral de Gustaf Vasa, le grande rege de Svedia e patre de Johann III. Iste monumento era facte in 1591 e illo es in le Cathedral de Uppsala (le citate de Kjell Rehnström, un interlinguista famose). A basso de armas es scripte in latino: "ARMA MAGNI DVCATVS FINLANDIAE". Le corona super le leon es le corona del Grande Duchato de Finlandia. Le texto latin super le aquilas (que son probabilemente derivate ex aquilas de reges prusse, e.g. Friedrich Wilhelm III) es "PRO GLORIA ET PATRIA", que on trovava i.a. in le armas de Friedrich II Grosse (Magne), Friedrich Wilhelm III e le imperator Wilhelm II. Le familia Kiviaho e le Guarda National de Bulgaria Nostre familia era le prime vice a vacation in Bulgaria in 1978 a Neptun, proximo a Nesebar e Burgas. Nos faceva un excursion a Rila (un monasterio magnific in Bulgaria del sud) e Sofia, le capital. In Sofia nos videva le soldatos del Guarda National de Bulgaria, illes guardava le mausoleo de Georgi Dimitrov. Illes nos impressionava multo proque illes portava uniformes del guerra de liberation de Bulgaria 1877-78. Iste guerra es ben memorate in Finlandia proque le Guarda Finlandese participava a iste guerra in filas del Corps de Imperial Guarda Russe. Nos habeva etiam vidite un pelicula bulgare super iste guerra. In le parco inter nostre hotel e restaurante de jentaculo era un grande exhibition de picturas pro 100e anniversario del guerra 1877-78. Post le guerra un famose general finlandese, Casimir Ehrnrooth, qui habeva participate a iste guerra como commandante de un division, era nominate a ministro de guerra de Bulgaria (1880-1881). General Ehrnrooth regeva como un plenipotentiario del imperator Alexander II de Russia con multo grande autorisation. In 1881 ille restabliva le prince Alexander de Battenberg como ver regente de Bulgaria. Le predecessor de general Ehrnrooth como le plenipotentiario de Russia in Bulgaria era general Domontovitch, le patre de Alexandra Kollontai, un persona qui jocava un multo importante parte in le historia de Russia e Finlandia (Le matre de sra Kollontai era un finna). General Domontovitch era relevate de su empleato proque ille era "un persona nimis molle". Ante le palatio regal in Sofia sta un statua del imperator Alexander II de Russia ("Tzar Osvoboditel" - tzar liberator). Al pedestal del statua on trova un relievo de cavalcante general Ehrnrooth. Interessantemente mesmo in Finlandia sta un statua de Alexander II al placio le plus representative, le Placia de Senato in Helsinki. In Russia on trova (si io es correctemente informate) nulle statua de Alexander II sed un cathedral impressive ("Hram na krove" - Cathedral sur sanguine) in Sankt Peterburg al placia ubi ille era assassinate. Paradoxalmente Finlandia attentemente protecteva le statua de iste imperator russe contra le bombatores russe durante le Guerra hibernal 1939-40. General Carl Gustav Clodt von Jürgensburg, un baron germano-estonian projecta mappas super Romania, Moldova e Siberia e le sposo de su granfilia, general finlandese August Alexander Järnefelt projecta le prime mappa scientific super Bulgaria ... Un altere general finlandese qui participava al guerra de 1877-78 in Bulgaria era general August Alexander Järnefelt (1833-1896). Ille era le chef del departemento topographic del stato major del imperial Russia e in iste qualitate ille projectava le prime mappa scientific super Bulgaria (ille publicava un libro "Die astronomischen, geodätischen und topographischen Arbeiten auf der Balkanhalbinsel 1877-79", Russische Revue XVII). General Järnefelt era nominate a governator de provincias Mikkeli (1883), Kuopio (1884) e Vaasa (1888, mi provincia de nascentia). In iste provincias ille faceva le finnese como lingua official - que era un sensation proque svedese era ancora le lingua official ubique in Finlandia. Su sposa era desde 1858 Elisabeth Clodt von Jürgensburg (1839-1929) cuje granpatre, un baron germano-estonian Carl Gustav Clodt von Jürgensburg (1765-1822) era in le "Guerra Patriotic contra Napoleon 1812-13" como le maestro del quartiero general de generalissimus Kutusov su le plus proxime assistante. Ille participava a battalias famose de Borodino, Tarutino e Leipzig ("Le battalia de nationes" o "Le battalia de tres imperatores"). In 1813 ille era le commandante de Bremen, Germania. Su portrait pende inter le heroes del guerra de 1812 in le sala del fama in le Palatio Hibernal ("Eremitage") in Sankt Peterburg. Post iste grande guerra ille projectava mappas de Moldova, Valachia, Bessarabia e un parte del Siberia. Ergo, un general germano-estonian projectava mappas in Romania e Moldova e post 70 annos le sposo de su granfilia, un altere general finlandese, projectava mappas de Bulgaria! General von Jürgensburg moriva in 1822 como un chef del stato major del Corps de Armea de Siberia in Omsk. Un filio de general Järnefelt, prof. Armas Järnefelt (nate in 1869 in Viipuri, morite in 1958 in Stockholm) era un multo famose musico, i.a. le director del orchestra de Helsinki e le director del orchestra de Opera Regal de Stockholm. Su prime sposa era un famose cantatrice finlandese Maikki Pakarinen (Järnefelt-Palmgren) e secunde sposa un svedese cantatrice de opera Olivia (Liva) Edström. Un altere filio de general A.A.Järnefelt era Arvid Järnefelt (nate 1861 in Pulkova, Russia, morite in 1932 in Helsinki), un autor e un ver gigante del cultura finlandese. Ille era un grande admirator de Lev Tolstoi. Post le guerra de liberation finlandese ille predicava in ecclesias de Helsinki e debeva responder pro isto ante justitia - su idolo Lev Tolstoi es ancora hodie bannite per le ecclesia orthodoxe de Russia ... Un grande obra historic era su "Vanhempieni romaani" I-III (Le roman de mi parentes), que era traducte a svedese solmente in 1988 ("Mina föräldrars roman") proque ille era un fennomano e russophilo e le finlandeses svedophone tractava le como un traitor. Un tertie filio de general Järnefelt, prof. Eero Nikolai Järnefelt (nate in 1863 Viipuri e morte in 1937 in Helsinki) era un artista pictor de fama mundial. Iste general debe haber habite exceptionalmente bon genes ...! A proposito, su filia Aino era le sposa de Jean Sibelius, uno de plus famose compositores del mundo in le 19e e 20e seculos. Eero Järnefelt i.a. illustrava le libro "Rautatie" (Ferrovia) de nostre scriptor national Juhani Aho que era un cortesante rival con jean Sibelius pro le mano de Aino, la sorore de Eero Järnefelt. In su jelosia Juhani Aho planava assassinar le grande compositor ... Le numero de generales e admirales finlandese qui serviva in le armea russe in 1809-1917 era considerabilemente plus grande quam le numero de generales e admirales in le armeas de Svedia/Norvegia e Danmark insimul in iste periodo! Interlingua e le Guarda Finlandese. Petio Angelov Petio Angelov, le presidente del Academia Interlinguistic Bulgare assisteva Milen Shopov durante su discurso in Gdansk. Petio ha nascite a Pleven, propter le monumento del Guarda Finlandese que battaliava a Pleven pro le forte de Gornyí Dubnyak. In le libro Le guerra de liberation in obras de artistas russe Leningrad 1978      (in russo):   Osvoboditel'naya voîna v tvorczestve russkih hudozhnikov      (in bulgaro): Osvoboditelnata voîna v tvorczestvoto na ruskite hudozhnitzi es un photo de iste monumento con texto Gorni Dubnik. Monumento sur tomba fraternal de soldatos del regimento finlandese, qui cadeva in le battalia le 12e octobre 1877. Le 1880es. (in russo): Gorni-Dybnik. Pamyatnik na bratskoî mogile voinov Finlyandskogo polka, pavszih v bitve 12 oktyabrya 1877 goda. 1880-e (in bulgaro): Gorni Dubnik. Pametnik nad bratskata mogila na voinite ot Finlandskiya polk, zaginali v boevete na 12 oktomvri 1877. Okolo 1880-ta godina Le battalia de Pleven era le battalia principal in le guerra de liberation de Bulgaria 1877-78. Le russos suffreva perditas terribile proque le armea russe era armate con vetule fusiles "Krnka" (convertite ex fusiles bucca-cargate) que era ballisticamente multo inferior a armas de turcos, moderne fusiles de Martini-Henry (britannic) e mesmo carabines multicargabile de Winchester (american). Le finlandeses era plus benefacte proque le Corps de Guarda possedeva fusiles moderne de Berdan (american). A proposito, in le XV Conferentia Jubilari del UMI (Union Mundial pro Interlingua) in Gdansk in julio-augusto 2001 Petio Angelov e Milen Shopov cantava in duetto un traditional canto popular bulgare con virtuositate professional. Le vita miraculose de Aleksei Apostol Quando le 2e compania del Guarda Finlandese stava in guarda propter San Stefano e Florio-Czekmedsze al piquet ab proxime village, cremate e desolute, veniva un plorente parve puero de 12 annos qui se relevava essente orphane. Multe villages era cremate e lor habitantes massacrate. Iste puero era un grec. Su parentes habeva venite ab Athenas via Gallipoli. Le puero voleva obtener protection del Guarda Finlandese sed on explicava le que il non esserea possibile. Finalmente le plorante e supplication persistente del puero tanto commoveva le chef del compania, capitano A. Ramsay que ille promitteva le protection del Guarda pro le momento. Le puero deveniva un favorito de tote le battalion que permitteva le venir a Helsinki. Ille era adoptate al banda musical del Guarda Finlandese. Il relevava que ille era un grande talanto musical. Aleksei Apostol deveniva chef de musica del Regimento de Dragones Finlandese in Lappeenranta (mi patre affin ha servite in iste regimento como etiam general Adolf Ehrnrooth, le commandante legendari del 7e regimento de infanteria in nostre guerras, parentela a general Casimir Ehrnrooth. Adolf E. ancora vive in etate de 96 annos, su marita es un contessa danese). Postea ille era appunctate como chef de musica del Battalion de Chassatores de Turku (mi patre serviva illac in iste periodo) e AD 1899 como chef de musica del Guarda Finlandese, in etate de 33 annos. Ille quitava le armea in 1901 e fundava le Banda del cupros de Helsinki, un boteco e editoria de musica e un fabrica de cupros. Post Finlandia habeva devenite independente, Aleksei Apostol era nominate a director supreme de musica del fortias de defensa finlandese. Ille fundava e trainava tote le bandas de musica militar e lor chefes in Finlandia. Quando Apostol Aleksei promenava transverso de corte del Guarda Blanc Finlandese tote le corte solemno silentiava quando "ille parve e obscur homine promenava lentemente con capite pendente verso le porta e dispareva al citate". Ille nunquam salutava alicuno - ille habeva solmente un superior, colonnello Procopé, le commandante del Guarda. Aleksei Apostol moriva in 1927 in etate de 61 annos. Vetule cantos finlandese del guerra de liberation de Bulgaria Kauan on kärsitty vilua ja Longe on ha suffrite de frigor nälkää Balkanin vuorilla e fame in battalias al taistellessa. montanias de Balkan. Oi kallis kotimaa, Suomi sulo O tu patria preciose, Pohjola, ei ole maata sen Finlandia mirific Nordia, non armaampaa. (*) existe un pais plus amabile. (*) Tuhannenpa verran poikia Circa mille filios partiva lähti Helsingin satamasta ja del porta (**) e -ta de -masta, ja eikä ne ennen Helsinki, e illes non seisahtuneet kuin Konstanti- faceva halto ante nopolissa. Constantinopole (***). Konstantinopolin portin Sur le porta de Constantinopole päällä oli Turkin keisarin era un portrait del imperator de kuva ja kuva ja Suomen poijat Turchia e le filios de Finlandia ne sanoivat: "Hyi hitto kun se diceva: "Pfui diabolo como illo on ruma ...!" es fede ...!" Poikia on haudattu Balkanin Filios son sepultate in le sablo santaan, toiselle puolelle de Balkan, al altere parte del Tonavan. Danubio (****). ( *) AD 1981 le stato de Bulgaria faceva 1300 annos. Le presidente del committee international "Bulgaria 1300 annos" era Johannes Virolainen, un legendari homine de stato finlandese (e.g. un ex-presidente del parlamento finlandese) qui moriva in alte etate in iste anno. In un grande celebration pro honore de Bulgaria in le Casa de Finlandia, Helsinki, le ambassator de Bulgaria cantava iste canto - in finnese - e recipeva grandissime applausos. Ille etiam remarcava que le touristas finlandese a pena suffre del frigido e fame in Bulgaria hodierne ... ( **) De facto le Guarda Finlandese partiva del station ferroviari de Helsinki via Sankt Peterburg e Romania a Bulgaria. ( ***) Le guardistas finlandese vermente veniva a Istanbul sed solmente como visitatores pacific durante le armistitio. (****) Le Guarda Finlandese (le 3e battalion de chassatores del Corps de Imperial Guarda Russe) perdeva 191 viros morte (le battalion consisteva 863 homines). Al viage de retorno le Guarda Finlandese era promovite in Sankt Peterburg al rango de "Vetere Guarda". Le bandiera hodierne del Battalion de Guarda Finlandese es un simplificate version del bandiera del vetule Guarda Finlandese in le Corps del Guarda Imperial Russe e le bandiera del Battalion Regal de Chassatores Prusse Nr. 27. Le Guarda Finlandese e le presidente Vladimir Putin 2001-09-02 le presidente de Russia, sr Vladimir Putin, visitava Finlandia. Quando ille inspectava le compania honorari del Guarda Finlandese ille se inclinava profundo ante le bandiera del battalion. Le bandiera era portate per un officiero qui es un bon amico mie e mi collega in le nostre club de chacos. Le mesme vespere nos jocava chacos in nostre club. Ille narrava orgoliosemente que ille es probabilemente le sol persona in Finlandia ante qui le presidente Vladimir Putin ha se profundo inclinate. Alexander de Battenberg (Alexander I) Nascite 1857-04-05 como secunde filio del prince Alexander von Hessen-Darmstadt. Entrava como lieutenante al Regimento de Dragones nr 24 de Grande Ducato de Hessen. In 1877 ille participava in le stato major de Nikolaí, le grande duce de Russia, in le guerra in Bulgaria contra Turchia. Post isto ille entrava in Berlin al Regimento del Garde du Corps. Proque ille habeva luctate pro Bulgaria e era nepto de Alexander II, imperator de Russia, ille era un candidato obvie como le prince del nove stato de Bulgaria. Le 1879-04-29 le Assemblea National seligeva le unanimamente como le Prince de Bulgaria. Ille entrava a Bulgaria le 1879-07-08, Veliko Tïrnovo, le ancian capital de Bulgaria. (Le familia Kiviaho entrava a Veliko Tïrnovo 100+ annos post isto - un citate que marechal german Helmut von Moltke appellava como le plus pittoresque citate que ille habeva unquam vidite). Le Battenbergs son parentelas con le Mountbattens de Britannia (Battenberg -> Bergbatten -> [Berg=Mount] Mountbatten. Le plus famose Mountbatten era Louis Francis Albert Victor Nicholas Mountbatten, 1st Earl Mountbatten of Burma (previemente Prince Louis Francis of Battenberg). Ille nasceva AD 1900 in Windsor. Su matre era le granfilia de regina Victoria. 1942-43 ille era le chef del operationes combinate del fortias britannic. 1943-1946 ille era le supreme commandante del fortias alliate in Asia del sud-est. 1947-48 ille era le ultime vicerege de India. 1955-59 le first sea lord del amiralitate. 1959-65 le chef del stato major de Britannia e le presidente del committee del stato. Su fin era dramatic, le IRA assassinava le in un attentato spectacular con un bomba que era installate in su veliero. Historia militar de Bulgaria In le conferentia de Gdansk Petio Angelov diceva que le Guarda National de Bulgaria habeva adaptate como modello le traditiones del Guarda de Hungaria e que iste tradition habeva remanite completemente noncambiate etiam durante le regime communista in Bulgaria. Le nomine "Bulgaria" veni ex le bulgaros, un tribo turc que habitava a nord del Mar Nigre e transversava le Danubio durante le 7e seculo. Le "proto-bulgaros" era un populo multo forte sed numeralmente parve e AD 681 illes faceva un alliantia con le slavos qui habeva habite in Bulgaria desde le 5e seculo. Le prime regentes de Bulgaria era ancora "khanes" (khan Asparuh, Tervel e Krum) sed in 865 Boris I se converteva a christianitate e adaptava le titulo de "tzar" (ex Iulius Caesar). Le comparativemente parve populo de proto-bulgaros era tosto assimilate per le slavos e del lingua proto-bulgare turkic ha supervivite a nostre dies solmente alicun parolas. Bulgaria, iste nove nation thraco-slavo-bulgar era un grande potentia que quasi annihilava le imperio byzantin. In 811 le armea de khan Krum batteva le armea byzantin e assassinava imperator Nikephorus I. Le bulgaros alicun vices assediava Constantinopole sed illes habeva numerose inimicos e inter 1018-1185 Bulgaria era subjugate per Byzantio. Bulgaria revoltava e reganiava su soveranitate pro 1185-1396 quando illo era conquirite per Turchia. Battalia de Varna 1444 Varna - 10 Novembris - 1444 Le grande battalia de Varna le 1444-11-10 era le ultime seriose essayo de alliantia de paises christian a impedir le turcos de conquirer le Balkan. Un armea de hungaros, poloneses, czechos, slovachos, vlachos, serbos, bosniacos e voluntarios bulgare battaliava contra le armea turc sub sultan Ikinci Murad Han. Le armea christian era conducte per Wladyslaw III Jagellonica, rege de Polonia e Jan Hunyadi, hero national de Hungaria, le cavalleros del west era conducte per Giuliano Cesare, un legato del Papa Eugenio IV. Le battalia finiva con victoria del armea turc. In 1964, 520 annos post le battalia, un interessante museo era fundate, "Park-muzeî na boînata druzhba 1444 - Vladislao Varnensi". Mi familia ha visitate iste museo duo vices. Le paises que participava al battalia ha donate objectos a museo, le museo militar de Polonia ha donate le sarcophago de Wladyslaw III qui moriva in le battalia. Presso al museo son vetule monumentos turc in le placia ab ubi le sultan Murad conduceva le armea turc. Le guerra russo-turc 1828-29 Iste guerra dava libertate a Grecia. Io ha legite memoires interessante de un multo juvene officiero finlandese svedophone qui vadeva como voluntario ab Finlandia a Varna, Bulgaria, un bon parte del viage a pede! Ille participava al assedio de Varna que astonantemente resemblava le battalias positional in le guerras mundial. Le guerra oriental (le guerra de Crimea) 1853-56 Le 1854-08-25 un armea expeditionari de Francia, Britannia e Sardinia, 330 naves, 63 000 soldatos, 134 pecias de artilleria de campo e 73 de assedio, vadeva ab Varna a Sevastopol, Crimea. Inter le defensores de Sevastopol era etiam conte Lev Tolstoi, le grande autor russe. In aprilio 1876 le bulgaros comenciava rebellion contra le turcos sed illo era reprimite e 10 000 - 15 000 gentes massacrate. Post le guerra inter Russia e Turchia 1877-78 que era etiam le guerra de liberation de Bulgaria Bulgaria deveniva de novo un stato soverane, post le regime de Turchia durante 482 annos. "Wir Finnen und Bulgaren sind alte Waffengenossen ...!" (1877-78) In 1962 habeva loco de jocos olympic in chacos in Varna. In le equipage finlandese jocava Ilmari "Aatu" Niemelä, un jurista qui non era un grande genio in linguas estranier. Quando le equipage finlandese visitava le monumento del Guarda Finlandese a Pleven (le XVI conferentia international del UMI, anno 2003, mesmo faceva excursion a Pleven e su magnific Panorama del Battalia de Pleven) Aatu legeva con velocitate de fulmine sed multissimo monotonemente le sequente phrase in germano, que ille habeva meticulosemente trainate in avantia: "Wir Finnen und Bulgaren sind alte Waffengenossen. Wir Finnen und Bulgaren haben hier bei Gornyi Dubnyak zusammen gegen die Türken gekämpft!" (Nos finnos e bulgaros son vetule fratres in armas. Nos finnos e bulgaros ha hic a Gornyi Dubnyak contra le turcos insimul luctate!). Aatu Niemelä habeva se excellite etiam in Russia. Post le guerra ille participava a un torneo de chacos in Leningrad. Ille habeva luctate contra le russos in le guerra como un officiero. In restaurante in Leningrad ille incontrava alicun officieros russe. Aatu diceva: "Finskie i russkie offitzery bum bum!" --- Un pausa de alicun secundas e Aatu continuava: "Finskie i russkie offitzery njet bum bum!". Obviemente Aatu intendeva: Le officieros finlandese e russe habeva fusilate contra alteres sed lo non plus faceva. Postea Aatu orgoliosemente narrava a su collegas finlandese: "Minä tein rauhan työtä, rauhan työtä!" (Io faceva obra de pace, obra de pace!). Guerra inter Serbia e Bulgaria 1885 In septembre 1885 rebellion erumpeva in Rumelia del est que habeva remanite como un tributari formal de Turchia. Rumelia del est era in practica reunite con Bulgaria. Turchia concentrava un armea de 200 000 soldatos al frontiera de Rumelia. Russia, que non habeva acceptate le annexion, revocava a casa omne officieros russe qui serviva in le armea bulgare. Durante su vacantia 2001-09-22--10-06 in Turchia Allan Kiviaho legeva un vetule libro super iste guerra: Kunz Hermann, Major a.D. Taktische Beispiele aus den Kriegen der neuesten Zeit 1880-1900. Erstes Heft: Der serbisch-bulgarische Krieg 1885. Ernst Siegfried Mittler und Sohn. Königliche Hofbuchhandlung. Berlin 1901. 140 p. Le armea bulgare e le voluntarios est-rumelian stava al frontiera de Turchia. Serbia credeva que su momento habeva arrivate. Illo mobilisava un armea de 5 divisiones e declarava guerra a Bulgaria le 1885-11-13. Le sequente die le armea serbe transversava le frontiera in duo partes. Un division sub general Horvatovic avanciava verso Vidin e le armea principal sub general Jovanovic contra Sofia. Le unitates insignificante que Bulgaria poteva inviar contra le serbos era facilemente repulsate in le scaramucias de Zaribrod, Dragoman, Trn e Bresnik. Jam le 17e de novembre le serbos era ante le trencheas de Slivnitza que era occupate per major Guczev con 8000 soldatos. Le massa principal de bulgaros stava ancora al frontiera de Turchia, commandate solmente per capitanos e lieutenantes. Benque le fortificationes de Slivnitza era excellente, elevate con etages, general Jovanovic attaccava a fronte le trencheas in loco de circumferer le leve flanco aperte. In battalias furiose le 17e, 18e e 19e de novembre le bulgaros poterea tener le trencheas despecto le superioritate septuple-octuple de serbos. Le bulgaros habeva ganiate tempore. Prince Alexander habeva transportate truppos bulgare e est-rumelian per ferrovia e marchas fortiate a Slivnitza. Le attacco que general Jovanovic nunc interprendeva al flanco leve era repulsate. Le 22e novembre lieutenant-colonnello Nikolaev attaccava con le militia est-rumelian ab le trencheas de Slivnitza e batteva le serbos a Dragoman e Zaribrod. Le 24e novembre tote le victoriose armea bulgare sub le prince Alexander transversava le frontiera de Serbia e batteva le serbos a Pirot le 27e e 28e novembre. Serbia faceva nunc un defaite total sed era salvate per Austria que menaciava Bulgaria con guerra si le armea bulgare continuare avantiar in le territorio de Serbia. Evert Gustaf Waldemar Becker-Bey - le vita curiose de un officiero finlandese De novo on ha un connexion finlandese. Post le guerra 1877-78 un general finlandese Casimir Ehrnrooth habeva essite ministro de guerra - quasi un dictator - de Bulgaria. In 1876 durante le guerra inter Serbia e Turchia le chef del stato major del armea serbe era Evert Gustaf Waldemar Becker, un colonnello finlandese. Le vita de E.G.W. Becker (nascite le 1840-04-06 in le communitate de Helsinki, morite le 1907-02-22 in Roma) era curiose. Ille serviva como sub-lieutenante in le Guarda Finlandese. Postea ille serviva in un regimento de cavalleria russe in Polonia. In 1862 ille escappava con le sposa del chef de su regimento via Finlandia a Göteborg, Svedia, pro ultrapassar su escappamento al USA. Si tosto le nave habeva lassate le porta de Göteborg su amanta le lassava con un millionaire american. Lieutenante Becker habeva acquirite un sententia de morte del Imperio Russe pro nihil ... Ille vadeva a Mexico ubi ille in 1867 participava al guerra civil a parte del imperator Maximilian (archiduce de Austria). Maximilian perdeva le guerra e era arquebusate. Le vita de Becker era salvate per intervention de officieros american. Becker habeva se maritate con un mexicanessa e convertite a fide catholic. AD 1868 ille entrava a servicio del Guarda Suisse del Papa in Roma. Postea ille battaliava in Morocco espaniol, in Grecia contra le turcos e in Egypto in servicio de chedivo ubi ille obteniva le titulo de "Bey" (In Finlandia ille es cognite ancora hodie con nomine "Becker-Bey"). Post le guerra Serbia-Turchia 1876 Becker-Bey cambiava a Paris ubi ille publicava in 1880 le jornal "Le Contemporain" un articulo con titulo Le Finlande indépendente et neutre ubi ille con exactitude stupefaciente prevideva como Finlandia vaderea ganiar su libertate - 38 annos in avante. Ille mesmo scribeva que juvene viros finlandese vaderea vader a Germania pro education militar pro le veniente guerra de liberation contra Russia. Le rege de Espania, Alphonso XII, invitava le a Madrid pro rediger un jornal statal, L'Europe. In 1889 ille se maritava con Anna Komnenos, un multo ric relativo de imperatores byzantin e cambiava a Napoli ubi ille habitava a su morte. Ille era un multo famose scriptor politic e in 1906 ille publicava in Napoli un analyse super Russia - ubi ille ancora habeva sententia de morte - sub titulo "Russie, son passé, son présent". Post que Finlandia deveniva independente su residuos era cambiate a Finlandia e su scripturas multo interessante son in le Archivo Statal de Finlandia. Le grande guerras de Balkan 1912-13 In 1912 le parve statos de Balkan, Bulgaria, Serbia, Grecia e Montenegro comenciava un guerra contra Turchia. Bulgaria, que jocava le parte principal in iste guerra, mobilisava un armea de stupefaciente 606 000 soldatos e officieros. Le victoriose armea bulgare avantiava ante portas de Istanbul. Iste guerra finiva al pace de London le 1913-05-30. Post isto eruptava le Secunde Grande Guerra de Balkan ubi Bulgaria luctava sol contra Turchia, Romania, Serbia e Grecia ...!. Le prime guerra mundial 1914-18 Exacerbate de guerras de Balkan Bulgaria se jungeva al prime guerra mundial a parte del statos central (Germania, Austria-Hungaria e Turchia) in septembre 1915. In octobre-novembre 1915 le armea bulgare jocava un parte importante in subjugation de Serbia, le battalia decisive habeva loco a Kosovo Polje (!) le 19-21e novembre ubi le armea bulgare assistite per duo divisiones german batteva le armea serbe que se retirava a Korfu e appareva de novo al fronte de Thessaloniki ubi illo luctava, assistite per divisiones francese e britone contra le bulgaros. In estate 1916 le armea del Entente al fronte de Thessaloniki consisteva de quasi 400 000 soldatos (117 000 serbos, 116 000 franceses, 110 000 britones, 25 000 italianos e 18 000 russos). In augusto-novembre 1916 le armea bulgare stoppava un grande offensiva de alliatos que habeva un grande superioritate numeric e material. In 1918 Bulgaria era totalmente exhauste e non poteva resister le offensiva general que le armea del Entente (10 divisiones grec, 8 francese, 6 serbe e 4 britone) comenciava le 1918-09-15. Bulgaria debeva acceptar le armistitio le 1918-09-30. Le secunde guerra mundial 1939-1945 In le secunde guerra mundial Bulgaria era un semi-alliate de Germania participante in 1941 a offensivas contra Yugoslavia e Grecia. Bulgaria non participava al attacco contra le Union Sovietic. Post que le armea sovietic habeva invadite Bulgaria in 1944 le armea bulgare participava desde octobre 1944 a operationes contra germanos in Yugoslavia e Hungaria con duo armeas consistente 448 000 soldatos. De novo coincidentias in fatos de Bulgaria e Finlandia: Omne paises habeva essite alliatos de Germania sed debeva nunc luctar contra le armea german, Bulgaria in Balkan e Hungaria, Finlandia in le Golfo Finlandese e Lapponia. Bulgaros contra finnos, un capitulo nigre del historia In Varna es un interessante museo del historia naval. Presso al museo sta un grande cannone que defendava Varna contra le marina de guerra de Turchia in le guerras 1912-13. Sed a nostre consternation nos trovava photos de alicun marineros bulgare con textos: "Moriva heroicamente in battalia contra le belofinnos al bordo del cruciato 'Maksim Gorki' in 1939". Isto era multo interessante proque in 1939 quando Stalin essayava annihilar Finlandia le Nave Baltic del Union Sovietic habeva un cruciato supermoderne "Maksim Gorki" que attaccava le forte Koivisto. Le artilleria costari finlandese estimava que le 'Maksim Gorki' era pesantemente damnificate sed illo dispareva in nebula e le finlandeses non poteva esser certo como seriose era le damnos de iste nave. Io pensa que le marineros bulgare al bordo del "Maksim Gorki" era communistas bulgare qui habeva cambiate al Union Sovietic, forsan via le guerra civil de Espania. Post le collapso de communismo in Bulgaria iste picturas ha disparite. In loco de illos nos trovava un multo interessante documento statal inter Venezia e Turchia que era scripte in latino! --- Io ha habite duo motivos principal pro iste historia militar de Bulgaria: (1) Le connexiones interessante inter le historia militar bulgare e finlandese (2) Bulgaria ha un historia militar pesante e gloriose, digne de traditiones magnific como le Guarda National. Le truppo polonese (Polonia es mentionate hic proque iste articulo ha prendite su initio in le Conferentia Jubilari de Interlingua in Gdansk le 2001-07-29--08-04) in le parade memorial a Normandie in 1994 era le plus martial e splendide de omne participantes. Il era un disgratia que le soldatos polonese, le heroes de Monte Cassino etc., era refusate participar al grande parade de victoria in London in 1945. Nos debe sperar que pauc a pauc guerras europee va esser solmente un memoria. E io spera que le vetule traditiones mutual inter Bulgaria e Finlandia conduce a un alliantia interlingual sub INTERLINGUA AQUILONE! Allan Kiviaho Vide etiam: Guarda National de Bulgaria

Actualisate le 2009-01-04 Administrator de iste sito: -------------------------- Allan Kiviaho SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua