UMI-XVI-2003 XVI Conferentia International de Interlingua Lovecz, Bulgaria 2003-07-26--08-02

I N T E R L I N G U A    UN  NEUTRAL  LINGUA  COMMUN  PRO  LE  PROSPERITATE  DE  NATIONES! Si tu es choccate per le translitteration "LOVECZ", vide gfcyri.htm Le UMI - Union Mundial pro Interlingua ha selecte le citate de Lovecz in Bulgaria como loco del XVI conferentia international de Interlingua (2003-07-26--08-02). Lovecz, capital de un provincia de mesme nomine, es situate 160 km. nord-est de Sofia, le capital de Bulgaria, e illo ha 64 000 habitantes. Bulgaria es un apte pais como hoste de un conferentia linguistic. Illo es un de plus vetule statos in Europa (illo celebrava su 1300e anniversario in 1981, le presidente del committee international de anniversario era Johannes Virolainen, un del plus remarcabile homines de stato in le curte - 85 annos - historia del Republica Finlandia). Bulgaria ha un historia litterari plus quam 1200 annos e hodie nos cognosce tal nomines bulgare como Georgi Lozanov (creator del Suggestopedia) e Julia Kristeva. Bulgaria jam es un membro del OTAN e post alicun annos illo va devenir un membro del Union Europee. Lovecz ha un interessante connexion "semiotic-mythic" inter INTERLINGUA , Paneuropa, le Guerra Russia-Turchia 1877-78, le Guarda National de Bulgaria, le Guarda Finlandese e le stupefaciente familias militar finlandese de Ehrnrooth e Procopé.

Lovecz Lovecz, le loco del UMI-XVI-2003, le XVI conferentia international del UMI, le Union Mundial pro Interlingua, ha un historia interessante. Le vetule parte del citate, Varosh, ha essite declarate un sito de preservation architectonic. Lovecz junge Pleven trans le montanias de Balkan con le famose Valle de Rosas e era un importante loco strategic jam in le era del ancian Thracia.     In le moderne tempores in Lovecz ha essite le stato major del hero de libertate de Bulgaria, Vasil Levski, cuje statua e museo son hodie inter le attractivos principal in le citate. Vasil Levski organisava le preparationes pro le guerra de liberation contra turcos inter 1869-72, le plus grande base del resistantia era in Lovecz e desde 1870 on pote tener le stato major in Lovecz como le governamento clandestin de Bulgaria. In 1872 le officiales turc capturava Vasil Levski in le proxime village de Kâkrina e ille era furcate in Sofia in 1873.     Post le II guerra mundial in le era de communismo Lovecz es etiam infamose pro su campo de concentration que era un de plus grandes in Bulgaria. Le prisonieros lo appellava "Slânchev Bryag" (Costa del Sol), un famose resorto de vacation al Mar Nigre.     Le rivo de Osma es transversate con le Pokritya most (Ponte coperte, le sol in Balkan, "Ponte Vecchio de Balkan"), super qual le habitantes de Lovecz son multo fer. Interessante es etiam le Museo ethnographic. On trova in Lovecz etiam partialmente reconstructe muros de un fortalessa medieval ubi in 1187 le Imperio Bysantin era fortiate signar le tractato de pace e recognoscer le independentia de Bulgaria. Pleven 35 kilometros al nord es le citate de Pleven, ubi le battalia decisive del guerra Russia - Turchia 1877-78 habeva loco. Iste guerra era probabilemente le plus grande guerra in le mundo in le ultime quarto del 19e seculo. Le Museo de liberation ha loco in un parve casa de ligno, ubi Osman Pasha, qui heroicamente defendeva Pleven, formalmente capitulava al imperator de Russia (e granprincipe de Finlandia qui in 1863 donava, con cadentia de 20 annos, derectos official al lingua finnese - durante ca. 500 annos le svedese habeva essite le sol lingua official in Finlandia), Alexander II. In le Museo de Skobelev (un famose general russe) es un Panorama del battalia de Pleven in un vaste cylindro de beton e un diarama que presenta Osman Pasha retirante trans un ponte ante le russos assaltante.

Lovecz in 1877 per le oculos de E.K. Makarov, un artista russe de guerra. A Lovecz occurreva le 1877-09-03 un battalia inter le truppas russe de principe Imeretinski (27 513 officieros e soldatos e 98 pecias de artilleria) e le turcos sub Rifat Pasha, 7600 - 8600 homines, inter illes 2000 - 3000 circassianos e bashibokus (truppas irregular) e 6 pecias de artilleria. Malgrado su grande superioritate le corps russe debeva comprar su victoria con un precio non basse: Le russos perdeva 7 officieros e 335 soldatos morte, 39 officieros e 1245 soldatos ferite e 57 soldatos disparite, in toto 46 officieros e 1637 soldatos. Le perditas de turcos ha essite estimate a 2200 homines morte. Le autor non sape si officieros o soldatos finlandese participava a iste battalia, probabilemente non. Sed in le 2e division de infanteria luctava le 6e regimento "Libau/Liepaja" Latvia, illac luctava le voluntarios finlandese, le chassatores, in le armea german contra le russos in 1917 durante le I guerra mundial) e 2 regimentos ex Estonia (le 7e regimento, "Reval/Tallinn" e le 8e regimento "Estonia".)     In 1877 Lovecz habeva ca. 12 000 habitantes. Le citate era dividite a duo partes, le parte turc al leve in le pictura e le parte christian al derecte. Interessantemente le judeos (multe de illes habeva refugiate ex Espania in le 15e seculo) era permittite a installar se in le parte turc quando il non era permittite al christianos.     In le historia del Guarda Finlandese "le raid de sal" ha ganiate publicitate considerabile. In Bulgaria le armea russe habeva serie problemas con approvisionamento. Le intendatura del armea imperial declarava que illo non plus pote fornir sal (un articulo absolutemente necessari in guerra) a truppas. Tunc lieutenant Karl Albert Procopé, le intendente del battalion de Guarda Finlandese, organisava un "raid" a Lovecz a procurar un amonta sufficiente de sal que era transportate con le proprie carros del battalion de guarda.

Matti Kuula (Taikinamäki)

Alavutelaisia Loveczissa vuonna 1877 ja 2003 Valmistautuessani Loveczin interlinguakonferenssiin vuonna 2003 tutustuin Turkin sodan 1877-1878 historiaan, joka on vieläkin huomattavan kiinnostuksen kohteena Suomessa - ja niin osoittautui olevan asia Bulgariassakin. Suomalaisia on kiinnostanut lähinnä Plevenin taistelu ja siinä etenkin Gornyj Dubnjakin linnoituksen valloitus. Lisäksi on Suomessa kiinnittänyt huomiota luutnantti Karl Albert Procopén uhkarohkea suolanhakuretki Lovecziin, ei vähiten siksi että hänen poikansa Hjalmar J. Procopé oli eräs Suomen maineikkaimmista valtiomiehistä - joka joutui vuoden 1940 alussa riitaan William Hallam Tuck'in kanssa tarjotessaan Helsingissä USA:n ex-presidentti Herbert Hooverin toimeksiannosta vain humanitääristä apua, kun Suomi olisi tarvinnut kipeästi aseita torjuessaan Talvisodassamme Neuvostoliiton miljoona-armeijan hyökkäystä. W.H. Tuck oli vuonna 1951 interlinguan valmistuessa IALAN (International Auxiliary Language Association) varapresidenttinä sen korkein toimihenkilö, kun sekä Alice Vanderbilt Morris että IALA:n presidentti Stephen P. Duggan olivat kuolleet edellisenä vuonna.

Alavusanos in Lovecz AD 1877 e 2003 Quando io me preparava pro le conferentia de interlingua in Lovecz AD 2003 io me familiarisava con le historia del Guerra Turc de 1877-1878, lo que es ulteriormente un objecto del interesse remarcabile in Finlandia - e etiam in Bulgaria, como il se monstrava. Le finlandeses ha essite interssate super toto del battalia de Pleven e in illo super toto de conquesta del forte de Gornyj Dubnjak. In addition in Finlandia le temerari "raid de sal" a Lovecz, exequetate sub le commando de tenente Karl Albert Procopé, ha eveliate curiositate, i.a. proque su filio Hjalmar J. Procopé era uno del plus famose de homines de stato finlandese - qui al initio del anno 1940 cadeva in querela con William Hallam Tuck in Helsinki, quando ille per commission de Herbert Hoover, le ex-presidente del Statos Unite, offereva a Finlandia solmente adjuta humanitari, durante que Finlandia desperantemente besoniava armas sub le assalto del armea de milliones del Union Sovietic. Quando interlingua era publicate in 1951 W.H. Tuck era le plus alte functionario del IALA (International Auxiliary Language Association) como su vice-presidente, quando Alice Vanderbilt Morris e le presidente del IALA Stephen P. Duggan habeva morite durante le previe anno.

Alavusanos in Lovecz AD 1877 e 2003

Olen äskettäin alkanut tutkia syntymäpitäjäni Alavuden, jossa asuin vuodet 1935-1953, historiaa. Kesällä 2010 osuin Tammisaaressa maakuntajoukkojen paraatiin, jossa oli teltassa muutamia Sofian sotahistoriallisesta museosta Bulgariasta saatuja plakaatteja Turkin sodasta. Eräässä niistä oli "jefreittari" (korpraali) Matti Kuulaa ("sotanimi", oikea sukunimi oli Taikinamäki) esittävä kuva. Historiassa kerrotaan: "Koitti sitten sortovuosien aika. Venäjän vallanpitäjien toimesta lakkautettiin Suomen sotaväki vuonna 1901. Hajottaessaan Suomen sotaväen venäläiset suunnittelivat, että suomalaiset miehet olisi siitä pitäen määrätty suorittamaan sotapalveluksensa venäläisissä joukko-osastoissa. Sen sijaan kävikin niin, että venäläisten Suomen sotaväkeä kohtaan osoittama nurjamielisyys osoittautui historian kulussa suorastaan onnelliseksi tapahtumaksi. Kun Suomella ei ollut omaa armeijaa, sen miesten ei myöskään tarvinnut osallistua Venäjän käymiin sotiin." Silti ei Alavuden historiassa ole syytä aivan kokonaan sivuuttaa Venäjän vallan loppuajalle sattuneita sotia, koska vuosina 1877-1878 käytyyn tunnettuun Turkin sotaan osallistui mm. Alavuden Taikinamäen torpan poika, je.freittari Matti Kuula. Vuonna 1903 julkaisemissaan muistelmissa Kuula kertoili kokemuksistaan tässä sodassa (M.Kuula, Henkivartiojan muistelmia. Waasa N:ot 45, 46, 49, 50, 52, 57, 59 ja 60 / 1903) Kuula toteaa sodan saaneen alkunsa "Mahometin uskolaisten kauheista töistä ja julmuuksista kristinuskon tunnustajia kohtaan" Balkanilla. Kun keisari Aleksanteri II katsoi olevansa pakotettu "parantamaan vainottujen ja sorrettujen onnetonta tilaa" ja aloittamaan sodan, hän määräsi koottavaksi erityisen henkivartijajoukon, H.M.Keisarin "Konvoj-komppanian". Keväällä 1877 sen riveihin komennettiin myös Suomen kaartinpataljoonassa Helsingissä palvellut Kuula. Hän matkusti Pietariin, jossa keisari tarkasti komppanian toukokuun 27 päivänä. Joukko-osaston matka suuntautui sitten Moskovaan, edelleen etelä-Venäjälle ja päättyi vihdoin Romaniaan. Useaan otteeseen Kuula sai nähdä keisarin, jota hän suuresti ihaili. Kovimmalle Kuula joutui syyskuun 5. päivänä, jolloin hän osallistui hyökkäykseen Lovatsin kaupunkia vastaan. Kun kahdeksan tuntia oli kulunut hyökkäykseen ryhmittymisestä, Kuula oli henkivartiokomppanian mukana eräällä kukkulalla. Silloin turkkilaiset olivat enää arviolta 700 askeleen päässä. Kuula kertoo: "Tässä saimme viimeisen käskyn lähteä avonaista kenttää eteenpäin, ja kun olimme ampumassa makaavassa asennossa, tuli kovin ankara luotisade turkkilaisten puolelta: ottelu oli kauhea molemmin puolin ja ruudin savua oli niin paksulta, että eteensä näki tuskin kahta syltä. Kanuunaväki, joka oli korkeasmmalla mäen päällä, oli tietenkin puhtaammassa ilmassa, mutta me olimme alempana ja tuuli toi kanuunainkin savun meidän päällemme. Tässä tuli tietämään ja tuntemaan, mitä sota todellisuudessa on." Tässä vaiheessa Kuula haavoittui. Kiväärinkuula osui oikean jalan pohkioimeen. Edessä oli matka sairashoitoon. Tällä matkalle tuli Jassyn kaupungissa vastaan Suomen kaarti, Kuulan alkuperäinen joukko-osasto, joka oli myös komennettu sotaan. Kaartilaisista kävi Kuulaa sairasvuoteella tapaamassa mm. jefreittari S. Gabrielsson, josta sittemmin tuli Alavuden Vaesojan talon isäntä. Kuulan matka jatkui Nisnij Novgorodiin, jossa hän oli sairaalassa yli seitsemän viikkoa. Parannuttuaan Kuula olisi halunnut lähteä uudelleen rintamalle, mutta hänet komennettiin takaisin Helsinkiin, jonne hän saapui joulun alla 1877. Sittemmin Kuula sai "H.M.Keisarin lähettämänä" Pyhän Yrjön ristin 4. luokan kunniamerkin tunnustuksena Lovatsin kaupungin valloituksessa osoittamastaan urhoollisuudesta. Kuula arveli, ettei hän ollut ristiä ansainnut ja totesi ettei hän ollut sitä odottanutkaan. Ylpeä hän siitä joka tapauksessa oli. Turkin sotaan osallistui Suomen kaartin riveissä myös alavutelaissyntyiset signalisti Kustaa Antti Varpula ja elämänsä loppuvuodet Alavudella asunut jefreittari Matti Teerisalo. Kumpikin oli mukana Gornyi Dubnjakin taistelussa (Ilkka N:o 21/1938)."

Io ha recentemente comenciate recercar le historia de Alavus, le municipalitate ubi io nasceva e habitava durante le annos 1935-1953. In estive 2010 io accidentalmente arriva al parada de truppas provincial in Tammisaari/Ekenäs - su nove nomine es Raasepori/Raseborg. Il habeva alicun tabulas del Guerra Turc, le quales era recipite ex le museo de historia militar de Sofia, Bulgaria. Un del picturas presentava "jefreittari" (caporal) Matti Kuula ("Kuula" es un "nomine de guerra", illo significa "balla" [de fusil], su proprie nomine era Taikinamäki ("Collina de Pasta!). On narra in le historia: "Le periodo de oppression comenciava. Le autocrates russe suspendeva le armea finlandese in le anno 1901. Con dispersar del armea finlandese le russos planava que le viros finlandese vaderea complir su servicio militar in unitates russe. In loco de illo iste aversion mostrava se esser in le curso de historia mesmo un occurrentia felice. Quando Finlandia non habeva un proprie armea, su viros non debeva participar in le guerras facite per Russia." Totevia il ha nulle motivo de passar totalmente le guerras que occurreva durante le periodo final del dominio russe, proque in le cognite guerra turc participava i.a. le filio de Taikinamäki, un parve ferma mittite in Alavus, un jefreittari (caporal) Matti Kuula. In su memorias que ille publicava in su memorias (M.Kuula, Memorias de un guarda del corpore, Waasa N:os 45, 46, 49, 50, 52, 57, 59 ja 60 / 1903) Kuula narrava de su experientias in iste guerra. Kuula constata que le motivo del guerra era "le actiones terribile e cruelitates de credentes a 'Mahomet' e lor cruelitates contra le credentes de christianitate" in Balkan. Quando imperator Aleksandr II constatava que ille era fortiate a "ameliorar le situation infortunate de persequite" e comenciar un guerra, ille commandava que on debeva colliger un truppa special de guarda de corpore, le "compania de convoyo del Su Majestate Imperator. In primavera de 1877 in filas de illo era commandate etiam Kuula, qui habeva servite in le battalion de guarda in Helsinki. Ille viagiava a Sankt Peterburg, ubi le imperator appellava le compania le 27e de maio. Le viage del unitate continuava a Moskva, subsequentemente a Russia del sud terminante finalmente in Romania. Kuula habeva multe vices un chance a vider le imperator, qui ille multo admirava. Le die le plus dur pro Kuula era le 5e de septembre, quando ille participava in le attacco contra le citate de Lovecz. Octo horas post le gruppamento pro attacco Kuula era con le compania del guarda de corpore. Tunc le turcos era solmente approximatemente a 700 passos de nos. Kuula narra: "Hic nos era finalmente commandate a avantiar preter le campo aperte, e quando nos era tirante pron nos recipeva un pluvio de ballas multo rigorose: Le battalia era terribile pro ambe partes e il habeva tanto fume que on a pena poteva vider duo fathoms avante. Le artilleristas, quie stava plus alte a un collina habeva naturalmente aer plus munde sed nos era plus basso e le vente apportava mesmo le fumo de cannones super nos. Hic on apprendeva e sentiva, como es le ver guerra. Nunc Kuula era ferite. Un balla de fusil toccava le al su gamba del pede derecte. Le viage a hospital comenciava. Durante le viage ille incontrava presso al citate de Jassy (Iasi) le Guarda Finlandese, le unitate original de Kuula, lo que era a viage al fronte. De guardianos veniva a salutar Kuula i.a. caporal S. Gabrielsson, qui deveniva plus tarde le patron del dominio Vaesoja a Alavus. Le viage de Kuula continuava a Nizhnij Novgorod, ubi ille restava plus quam septe septimanas. Post recuperation Kuula voleva retornar al fronte, sed ille era commandate retro a Helsinki, al qual ille arrivava ante le natal 1877. Postea ille recipeva le Cruce del Sancte George, IV classe - "inviate per Su Majestate Le Imperator" - como appreciation pro le braveria in le conquesta de Lovecz. Kuula opinava que ille non habeva meritate del cruce e constatava qui ille lo non habeva expectate. Orgoliose ille era pro illo, nonobstante ... In le Guerra Turc participava in le filas del Guarda Finlandese ex Alavus etiam signalista Kustaa Antti Varpula e caporal Matti Teerisalo, qui passava le resto de su vita a Alavus. Le ambes habeva participate al battalia de Gornyj Dubnjak (jornal "Ilkka" N:o 21/1938").

Io pensa que le historia de Matti Kuula in le battalia de Lovecz in 1877 es sufficientemente interessante pro un persona ex Alavus, un parve citate finlandese. Specialmente interessante iste historia deveni quando on sape que le filio de Matti Kuula era Toivo Kuula, uno del plus grande compositores de Finlandia e sin dubita le plus famose persona in le historia de Alavus. Toivo Kuula moriva jam le 18e Maio de 1918 quando on celebrava le conquesta de Viipuri in le guerra de liberation contra le bolchevicos russe. In iste celebration on habeva bibite alcohol in abundantia e Toivo Kuula cadeva in querela con alicun officieros e subofficieros de jaegers (voluntarios qui habeva essite trainate in Germania). Primo Toivo Kuula secava un subofficiero con un cultello e tunc un officiero tirava le con un pistola de un multe curte distantia. Tosto postea un guarda tirava le subofficiero e l tirator probabile se necava ... In anno 1995 io sedeva in le domo municipal de Alavus, e le informator del citate narrava nos supe Toivo Kuula e su masca mortuari pendeva al pariete. http://en.wikipedia.org/wiki/Toivo_Kuula

N.G. Stoletov Commandante del voluntarios (opâltchenie) bulgare Monumento de soldatos russe e voluntarios bulgare qui cadeva pro le liberation de Bulgaria al battalia de Stara Zagora le 1877-07-19. A Stara Zagora nasceva le 1980-05-01 Milen Szopov, un del primus motores del conferentia de UMI a Lovecz.

Kaltcho Vûlev, un hero de voluntarios bulgare in le guerra 1877-78, picte per Ivan Ionkov in 1931 quando K. Vûlev habeva ca. 75 annos - como hodie le famose interlinguistas svedese Ingvar Stenström e Jan Årmann e le secretario general del UMI, Piet Cleij, Nederland..

Le 2003-05-31 Allan Kiviaho, le presidente del AFIL - Association Finlandese pro Interlingua e su sposa Brita-Lisa, frueva de excellente vino rubie bulgare, "ORIACHOVITZA". Iste vino es un producto del region de Stara Zagora, ubi nasceva le primus motor del conferentia del UMI, Milen Szopov. Nos etiam celebrava le filio "Fyffe" de nostre filio Jani e su sposa Riikka. Fyffe ha quatro dies hodie. Guai, como nos suspira a Bulgaria!

Duo soldatos famose
Marechal de Finlandia, Carl Gustaf Emil Mannerheim (1867-1951), hero national de Finlandia. Etiam le grande marechal amava vino bulgare! Clicca le pictura!	Sergente del guarda national de Bulgaria e studente del juridica al Universitate "Kliment Ohridski" de Sofia, Milen Szopov (1980-) Con Petio Angelov le primus motor del UMI-XVI-2003 Clicca le pictura!

Inauguration del bandiera de un compania (druzhina) de voluntarios bulgare
	Le monasterio de Troyan es 35 km. al sud de Lovecz. Le monasterio era edificate al initio del 15e seculo e illo es le tertie plus grande in Bulgaria. Su famose (pro su frescos de Zahari Zograf, le plus grande pictor del arte religiose in Bulgaria durante le 19e seculo) ecclesia, Sveti Bogoroditsa, era edificate ca. 400 annos plus tarde. Presso le ecclesia es le Museo de refugio, un camera ubi Vasil Levski, le hero national de Bulgaria, se celava quando ille incoragiava le monachos del monasteria a fundar un branca de organisation clandestin in le lucta pro liberation de bulgaros.
In Le citate de Troyan on trova le Museo de mestieros popular e arte applicate, un excellente exhibition con explicationes in anglese.
	Le Cathedral de Alexander Nevski, un ecclesia magnific in Sofia, le capital de Bulgaria Iste cathedral ha un acustica excellente que le familia del presidente del Association Finlandese pro Interlingua, Allan Kiviaho, poteva provar in 1978. Kiviahos etiam possede un album del choro cathedral de Alexander Nevski, le grande cantator bulgare, Boris Hristov, como solista. Al porta del entrata principal de cathedral es le nomine del colonnello finlandese Hjalmar Fredrik Nikolaus Procopé gravate in auro sur tabulo de marmore. Ille era mortalmente ferite al battalia de Gorni Dûbnik quando ille conduceva un gruppo de voluntarios in assalto contra un forte bastion de turcos.
	Le Cathedral de Alexander Nevski de un altere angulo. Al sinistre le Universitate "Kliment Ohridski" de Sofia, ubi studia Milen Szopov, un de primus motores (con Petio Angelov) del conferentia de UMI a Lovecz. Le pictura era publicate in le magazin "PANEUROPA Deutschland" 26(2003):1, p 5 con texto: "Europas Osten: Die bulgarische Hauptstadt Sofia mit orthodoxen Alexander Newski - Kathedrale und der Universität" (Le oriente de Europa: Sofia, le capital de Bulgaria con le cathedral orthodoxe de Alexander Nevski e le universitate).
In januario 2003 era fundate in Wien le Union Paneuropee de Bulgaria, cuje presidente es sra Gergana Granczarova. Per un coincidentia interessante io e Brita-Lisa, mi sposa, sedeva le 2002-04-12 in le vetule Domo del Parlamento in Bratislava, Slovachia, durante le conferentia jubilar del Union Paneuropee (le Union Paneuropee 80 annos) in un sala ubi habeva loco le session Allargamento e securitate. Le membros del pannello era: - Roy Gutman (moderator), chef del Departemento de Politica Externe del Newsweek, - Nicolaus Rockberger, professor, Regal Academia de Defensa, Stockholm, Svedia [Iste gentilhomine sedeva opposite a nos al lunch] - Gergana Granczarova, Sofia, Bulgaria, Committee del Integration Europee, Committee del Affaires Estranier, Defensa e    Securitate del Parlamento de Bulgaria, - Wenceslas de Lobkowicz, Commission Europee, DG Allargamento, - Georges d'Harcourt, Francia, Colonnello (ret.). Allan Kiviaho

Programma del conferentia Remarcas practic Le programma in general: Le arrangiatores ha essayate construer le programma, assi que il ha assatis de pausas pro discussion private e conversation amical, recognoscente le grande valor que tal pausas ha – anque pro le developpamento de nove ideas e organisation de collaboration international de varie projectos. In general, le programma es structurate assi (ma nota, per favor, que il ha divergentias): 08.00-09.00 Jentaculo 09.00-10.30 Session 10.30-11.00 Pausa con caffe + the 11.00-12.30 Session 12.30-14.00 Lunch + pausa 14.00-15.00 Session 15.00-15.30 Pausa con caffe + the 15.30-17.00 Session 17.00-18.30 Pausa 18.30-20.00 Cena + pausa 20.00- Vespere libere, intertenimento, presentation del excursiones etc. Sabbato le 26 de julio 2003 Le arrangiatores assecura per placards al strata e in le centro mesme le facile orientation del participantes. Le plano de cameras es preste. Le expositiones de libros, brochures informative, articulos ab jornales etc. es arrangiate. Le salas es “equipate”. Arrivata durante tote le die, restaurante "Divaka", 6-ti Septemvri, No. 41A, Sofia (lege le section Como arrivar al conferentia). Inscription e pagamento del participation. 16.00 Lunch in Sofia pro le personas, qui ha arrivate 18.00 Partita con autobus special (distantia a Lovecz: duo horas) 21.00 Cena e conversation al centro conferential Slívek Dominica le 27 de julio 2003 08.00-09.00 Jentaculo 09.00-09.45 Apertura official del 16-te Conferentia International                       de Interlingua - Benvenita del presidente del Union Mundial pro Interlingua, Barbara Rubinstein (Svedia) - Benvenita per le organisatores: Milen Shopov (Bulgaria) - Appunctamento de un secretario del conferentia pro scriber le reporto official - Appunctamento de un commission de controlo del financias: duo revisores - Informationes practic 09.45-10.00 Pausa. 10.00-10.30 Discurso de apertura: Le stato de interlingua. Reporto del presidente del UMI, Barbara Rubinstein (Svedia). Un reporto del activitates mundial del duo annos passate e le annos a venir. Presidente del session: Paolo Castellina (Suissa) 10.30-10.45 Plano de action e como realisar lo (introduction) - Presentation general del proponite plano de action que va esser discutite e developpate durante le conferentia con explication del processo de laborar (i.e. in foros commun, non in gruppos) Presidente del session: Thomas Breinstrup (Danmark) 10.45-11.00 Pausa con caffe + the 11.00-12.30 Plano de action e como realisar lo (1) Presentation e discussion del prime parte del themas in le plano de action. Presidente del session: Thomas Breinstrup (Danmark) 12.30-14.00 Lunch + pausa 14.00-15.00 Sessiones parallel: - Curso de interlingua pro comenciantes (1) - Discurso: "Interlingua como instrumento scientific" Petio Angelov (Bulgaria). Le discurso tracta del application de interlingua in contextos specific de scientia humanitari e exacte con emphase super le valor communicative del lingua e su grande possibilitates de divulgation per le scientia e publicationes specialisate. Le theses es illustrate con ric exemplos e ligate con le discursos, que le stipendiatos bulgare prepara, que essera utilisate como illustration practic. Le base del discurso es le idea que interlingua possede un potential enorme que practicamente non es utilisate, e on commemora le experientia personal del autor le ultime annos. Presidente del session: Martijn Dekker (Nederland) 15.00-15.30 Pausa con caffe + the 15.30-17.00 Plano de action e como realisar lo (2) Presentation e discussion del secunde parte del themas in le plano de action. Presidente del session: Thomas Breinstrup (Danmark) 17.00-18.30 Pausa 18.30-20.00 Cena 20.00- Vespere relaxa(n)te. Conversation amical e informal, musica etc. Presentation del excursion in Lovecz per le arrangiatores. Lunedi le 28 de julio 2003 08.00-09.00 Jentaculo 09.00-12.30 Excursion in Lovecz in autobus special Le citate de Lovecz presenta alcun punctos de interesse pro le touristas. Un ponte coperite del 19-ne seculo, facite per le maestro cognoscite Kolio Ficzev, es un attraction de fama international. Nos visitara anque duo ecclesias vetule, representante un architectura e pictura religiose traditional. Un del sitos principal, que es visitate, es le castello medieval Hisaria que es vicin al vetule urbe, ubi nos videra anque casas traditional e baroc. 12.30-14.00 Lunch + pausa 14.00-15.00 Panorama de interlingua in Internet Presentation del sitos de interlingua (official e private), commentate per Paolo Castellina (Suissa). Aviso: Lista de adresses Presidente del session: Alix Potet (Francia) 15.00-15.30 Pausa con caffe + the 15.30-17.00 Plano de action e como realisar lo (3) - Presentation e discussion del tertie parte del themas in le plano de action. - Resolutiones: Approbation de resolutiones del conferentia. Presidente del session: Thomas Breinstrup (Danmark) 17.00-18.30 Pausa 18.30-20.00 Cena 20.00- Vespere relaxa(n)te. Conversation amical e informal, musica etc. Martedi le 29 de julio 2003 08.00-09.00 Jentaculo 09.00-10.30 Conferentias futur     1) Discussion del arrangiamento conferential: Le conferentias es essential. Illos da a activistas le inspiration a continuar, e illos es occasiones exemplari de parlar interlingua multo activemente. Ma viste que p.ex. non omne membros del duo consilios del UMI es presente, viste que il ha devenite plus difficile a recrutar participantes pro cata anno a causa del costos, e viste q ue le possibilitates technic se evolve, alora esque nos face le conferentias correcte? Debe illos cambiar contento? Qual es le scopo del conferentia(s)?     2) Establimento de un parve comité (tres-quatro personas) pro investigar e comenciar planificar le conferentia sequente in 2005.     Introductor e Presidente del session: Jan Årmann (Svedia) 10.30-11.00 Pausa con caffe + the 11.00-12.30 Sessiones parallel: - Curso de interlingua pro comenciantes (2) - Consilio General del Union Mundial pro Interlingua (assemblea claudite) 12.30-14.00 Lunch + pausa + preparationes pro le Postmeridie Public 14.00-16.00 Postmeridie Public Un postmeridie public que demonstra pro participantes e interessatos un longe serie de faciettas del vita e vitalitate ric de interlingua. Le programma non es preste in omne detalios ma includera i.a.: - Benvenita al Postmeridie Public: Thomas Breinstrup, Danmark (5 minutas) - Curso fulmine de interlingua (sub gerentia de un bulgaro) – apprende parlar interlingua in 45 minutas - Io vole narrar te...: Septe personas lege breve textos/novellas in interlingua (à 3- 5 minutas), un occasion pro audir interlingua parlate bellemente. - Panorama global e local: Personas diverse narra super lor angulo del mundo – informationes amusante e interessante, sempre con substantia, de lor paises. - Caffe + the durante le postmeridie. - Activitates permanente: Vendita de libros in interlingua del stand – cerca e trova le perlas. Quadro de information con brochures, magazines etc. demonstrante interlingua in practica. Lista con bon adresses de interlingua in Internet. Photos etc. de previe conferentias de interlingua. 16.00-16.15 Pausa 16.15-17.00 Presentation: Le nove Servicio de Libros UMI Martijn Dekker, Nederland, chef del Servicio de Libros UMI, presenta su pensatas e ideas de como facer plus attractive le vendita de libros in interlingua. Presidente del session: Madeleine Mahé (Francia) 17.00-18.30 Pausa 18.30-20.00 Cena 20.00- Vespere relaxa(n)te. Conversation amical e informal, musica etc. Presentation per le arrangiatores del excursion a Veliko Tarnovo. Mercuridi le 30 de julio 2003 08.00-09.00 Jentaculo 09.00-18.30 Excursion a Veliko Tarnovo in autobus special Le citate de Veliko Tarnovo es le capital mediev al de Bulgaria e incorpora le spirito historic del pais. Nos va visitar plure castellos, ligate con momentos importante del historia national. Nos va haber anque alcun momentos in le vetule ecclesias e in le museo historic e le museo aperite, que representa le collina con le tracias del palatios regal Tzarevetz. Le lunch es prendite in le centro moderne del urbe. 18.30-20.00 Cena 20.00- Vespere relaxa(n)te. Conversation amical e informal, musica etc. Jovedi le 31 de julio 2003 08.00-09.00 Jentaculo 09.00-10.00 Sessiones parallel: - Curso de interlingua pro comenciantes (3) - Discurso: "Local e global – duo valores non in contradiction" Paolo Castellina (Suissa) Un studio linguistic super le necessitates de proteger le linguas e culturas local. Italia non es un pais uniforme in iste reguardo. Il ha belle e antique linguas local (non dialectos) que on cerca revalorisar e, al mesme tempore, promover linguas ponte. Presidente del session: Barbara Rubinstein (Svedia) 10.00-10.30 Pausa con caffe + the 10.30-11.30 Como organisar se Avisos practic del experientias in le varie paises. Crear un organisation e facer lo functionar: numero de typo(s) de membros, edition e valor de un magazin, precio de membrato, publicationes (dictionarios, manuales etc.), obstaculos practic, un plano de labor. Presidente del session: Paolo Castellina (Suissa) 11.30-12.30 Le Mammut de Macovei Toma Macovei (1911-2003), Romania, esseva un scriptor diligentissime in interlingua. Un serie de su obras – inter illos de enorme Dictionario Encyclopedic de Interlingua e su autobiographia – ancora remane in manuscriptos producite per machina a scriber e difficile a leger. Como realisar le publication de su obras – transcriber e publicar los? Introduction al thema per Jan Årmann (Svedia) Presidente del session: Allan Kiviaho (Finlandia) 12.30-14.00 Lunch + pausa 14.00-15.00 Sessiones parallel: - Curso de interlingua pro comenciantes (4) - Discurso: Pitcairn – le descendentes del mutinatos Paolo Castellina (Suissa). Description: Le insula Pitcairn in Polynesia es fascinante pro le curiosissime historia de su habitantes e pro le particularitate de su lingua. Illo deveniva famose super toto proque illes es descendentes del famose mutinatos del Bounty, super le qual se scribe va libros e se faceva films. On pote considerar le insu a de Pitcairn e su habitantes como un ver curiositate anthropologic. Presidente del session: Allan Kiviaho (Finlandia) 15.00-15.30 Pausa con caffe + the 15.30-16.15 Discurso: Mi testamento linguistic Ingvar Stenström (Svedia) Un del ver pioneros con qua si 50 annos in le servicio pro interlingua presenta hodie su experientias del passato pro le futuro. 16.15-17.00 Discurso: Software libere e interlingua Martijn Dekker (Nederland) Martijn Dekker presenta su ideas de como le software libere pote esser instrumental in le promotion de interlingua, e qual cosas le interlinguistas pote apprender del successo del tradition collaborative detra iste movimento pro render plus effective le promotion de interlingua. 17.00-18.00 Pausa (NB: Nota le horas) 18.00-18.30 Le musica traditional de Bulgaria Lyudmila Dobrinova, dirigente, ha essite invitate specialmente a assister al concerto pro dar un presentation del musica traditional bulgare. Illa es un del specialistas le plus eminente in Bulgaria, e quasi omne participantes in le concerto – inclusive le organisatores del conferentia – ha essite su discipulos. Petio Angelov va traducer simultaneemente. 18.30-20.00 Cena 20.00-20.30 Presentation per le arrangiatores del excursion a Pleven. 20.30-21.30 Concerto folkloristic bulgare     1. Apertura – 5 minutas de canticos ecclesiastic orthodoxe per un trio mas culin.     2. Cantos folkloric authentic e redigite, e cantos traditional burges e del 19-ne seculo – 15 minutas per un trio feminin.     3. Canticos ecclesiastic orthodoxe in le sequentia del sancte lithurgia – 15 minutas per un trio masculin.     4. Repertorio de pecias folkloristic per cantatores e musicantes professional – 25 minutas per un ensemble folkloristic cognoscite. 21.30- Vespere relaxa(n)te. Conversation amical e informal, musica etc. Venerdi le 1 de augusto 2003 08.00-09.00 Jentaculo 09.00-10.00 Sessiones parallel: - Curso de interlingua pro comenciantes (5) - Discurso: "Guardia Finlandese in Bulgaria 1877-1878" Allan Kiviaho (Finlandia) Description: Durante le guerra russe-turc, le guardia finlandese passava 25 dies solmente 15-20 km de Lovecz como parte de un mission a Sofia e postea al portas de Istanbul/Constantinopole. Le chef del intendentia del battalion, lieutenant Albert Procopé de su initiativa personal arrangiava pro curamento de sal ab Lovecz, proque le approvisionamento in le armea russe functionava multo mal. Durante le armistitio soldatos finlandese era permittite visitar Istanbul sin armas.     Addition de Allan Kiviaho:     Le guerra Russia - Turchia 1877-78 era le plus grande guerra in le mundo durante del ultime quarto de 19e seculo, le guerra habeva loco in Europa (Bulgaria e Thracia) e Caucasia. Illo era le prime guerra inter grande paises ubi ambe partes usava fusiles de grande potentia e le prime guerra ubi naves legiere affundava naves pesate (naves russe contra turcos a Danubia).     Mesmo truppas romanian habeva participate a iste guerra, Carol, le rege de Romania habeva essite le commandante-in-chef nominal ante Pleven (le ver commandante era general Totleben, le hero de Sevastopol). In april 1878 comenciava un crise inter Romania e Russia proque Russia voleva annexar Bessarabia. Le XI division sub Casimir Ehrnrooth, un general finlandese, marchava ante le portas de Bucarest e le rege Carol se retireva al campo de armea romanian. In maio rege Carol retornava a Bucarest proque le conferentia de Berlin era convocate e le rege sentiva que ille habeva supporto de altere grande potentias europee. Sed a su consternation le 1878-06-30 le conferentia accordava Bessarabia a Russia. Le 1878-07-19 le division de general Ehrnrooth lassava Bucarest e le crise e le guerra era definitemente finite.     In 1880-81 general Ehrnrooth ageva, in addition de essente le ministro de guerra, como le presidente del consilio de ministros, ministro del affaires estranier e interior de Bulgaria. Ille era practicamente le dictator de Bulgaria. Durante le primavera del 1881 general Ehrnrooth organisava con principe Alexander un colpo de stato ubi le constitution bulgare era annullate.     Un de grande capricios de historia es que un de personas que habeva installate le constitution in Bulgaria era general Mihail Domontovicz, le patre del sposa del general era un finno e le constitution de Finlandia habeva essite como modello del constitution de Bulgaria. Le filia de general Domontovicz era Aleksandra Kollontaj qui era multo fer de su ancestores finnese e poteva parlar finnese jam como un parve puella. Alexandra Kollontaj, qui habeva essite con su patre in Bulgaria in 1877-79, deveniva un del plus famose feminas in le historia politic, un devote bolchevika, qui nonobstante faceva bon servicios a Finlandia (como ambassator del Union Sovietic in Stockholm, Svedia) in le ultime phases de guerras 1939-40 e 1941-44 inter le Union Sovietic e Finlandia como arrangiator de prime connexiones inter Stalin e le governamento finlandese super le armistitio.     Presidente del session: Ingvar Stenström (Svedia) 10.00-10.30 Photo del gruppo. Per favor, sia precise e presente. 10.30-11.00 Pausa con caffe + the 11.00-12.30 Le ultime chance... Session sin contento fixate que face possibile discuter themas non finite o clauder discussiones non finite – o levar themas non ancora toccate. Presidente del session: Martijn Dekker (Nederland) 12.30-14.00 Lunch + pausa 14.00-18.30 Excursion a Pleven in autobus special Le importantia del citate de Pleven es ligate al guerra inter Russia e Turchia que ha menate al liberation de Bulgaria. Nos va visitar monumentos historic como le Panorama (museo simulative del guerra), le Ossario in le centro de Pleven e le ecclesia St. Nikola del 16-te seculo. Nos va visitar anque le parco natural Kailuka. 18.30-19.30 Cena 19.30-20.00 Clausura official del 16-te Conferentia International de Interlingua - Le presidente del UMI, Barbara Rubinstein (Svedia), summarisa le resultatos - Le arrangiatores bulgare ha le penultime parola - Le parola final: Ingvar Stenström (Svedia) 20.00 Festa Contributiones personal, musical o artistic de omne participantes es benvenite. NB: Apporta le "Cantario de Interlingua" Sabbato le 2 de augusto 2003 008.00-09.00 Jentaculo + abandonamento del cameras "Action Tiratorio": placia material informative de interlingua in le tiratorios del camera pro assi informar le visitatores veniente. Le bagage es assemblate in le autobus, que essera jam ibi durante le jentaculo. 9.30 Partita pro Sofia in autobus special. Pro le personas, qui debe volar plus tarde, un lunch essera previdite in Sofia a circa 14 horas.

Actualisate le 2011-04-27 Administrator de iste sito: -------------------------- Allan Kiviaho SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua