umixvida

UMI-XVI-2003
XVI Conferentia International de Interlingua
Lovecz, Bulgaria 2003-07-26--08-02

INTERLINGUA - UN NEUTRAL LINGUA COMMUN PRO LE PROSPERITATE DE NATIONES!

Le liberation de Bulgaria in 1877-78
(mille octo centos septanta septe a septanta octo) e
le rolo de Finlandia in illo

Discurso per Allan Kiviaho, Finlandia
Appendices

General de infanteria, baron Anders Edvard Ramsay (1799-1877)
Defendeva in 1825 como le commandante del guarda del palatio imperial in Sankt Peterburg le imperator Nikolaj I contra le decabristas revoltante.

Munkkiniemen kartano (Casa seniorial de Munkkiniemi), ubi generales, barones Ramsay habitava - e Allan Kiviaho laborava durante 1975-1982.

A Munkkiniemen kartano (Casa seniorial de Munkkiniemi, stato major del KONE Corporation, un grande multinational productor de ascensores) ubi Allan Kiviaho laborava como servo de computatores jam AD 1975
GRANDE PICTURA - clicca le pictura!

Alexander II, le imperator de Russia e le grande duce de Finlandia.

"Krnka", un fusil obsolete del armea russe

"Berdan II", un fusil moderne del armea russe

"Peabody Martini Henry", un fusil moderne del armea turc

"Winchester 1866", un fusil a repetition del armea turc

Le fusil "Krnka" del armea russe era un fusil bucca-cargate que un ingeniero czech, Krnka, habeva convertite a fusil a retrocarga. Su calibre era 15.24 mm, e le velocitate initial 305 metros per secunda.
Le calibre del fusil "Berdan II" (constructe per Berdan, un ingeniero american) era 10.67 mm e su velocitate initial 437 m/s.
Le calibre del fusil "Peabody Martini Henry" era 11.43 mm e su velocitate initial 415 m/s. Le "Winchester 1866" del armea turc era un fusil a repetition, un arma "murderose" (murderous).
Le fusil "Krnka" era vastemente inferior si comparate con le Berdan II e Martini-Henry. Su distantia del tiro era centos de metros minus longe, su tiro era clarmente minus exacte e su rapiditate del tiro inferior, theoreticamente 9 colpos per minuta (comparate a 12 de Berdan II e Martini-Henry) sed in practica sovente plus inferior proque le cartuchas tendeva fixar se in le tubo.
Interessantemente le armea russe habeva un sufficiente quantitate de fusiles Berdan II jam al initio del guerra (357 000 e 358 000 plus era producte durante le anno 1877 - le numero de Krnkas era 855 000). Le causa al manco de fusiles Berdan era que le commandantes de multe corps de armea timeva que le soldatos non poterea usar le Berdans proque illes ancora non era trainate al uso de illos ...

Artilleria russe in le guerra
Russia - Turchia 1877-78

Le cannon obsolete de 1867

Le cannon moderne de 1877
Solmente un parve quantitate era disponibile in le guerra 1877-78

Le obsolentia de su artilleria costava multe sanguine a russos. A causa de isto le artilleria russe era inter le optimes in le prime guerra mundial e in le secunde guerra mundial le artilleria sovietic era quantitativemente in su classe special de excellentia - benque le artilleria finlandese era le plus exacte in le mundo usque le 1960s, gratias a general Vilho Petteri Nenonen - qui era educate in le Imperial Academia de Artilleria in Russia.

Monumento in le Parco National de Lavrov (village de Gorni Dûbniki) pro memoria del battalia a Gorni Dûbnik del Guarda Finlandese le 1877-10-24.
Le monumento era create per initiativo del conte, general de infanteria Nikolai Vladimirovitch Adlerberg, ex-governator general de Finlandia (1866-81), e disvelate le 11 de decembro 1881. Finlandia era representate al disvelation per tenente Alexander Sebastian Ehrnrooth, qui habeva servite in le guerra como officiero de messageros del Guarda. Il non es clar proque "solmente" un tenente era selecte como representante de Finlandia, forsan proque Alexander Ehrnrooth era le sol officiero del Guarda Finlandese qui habeva participate al guerra inter Serbia e Turchia in 1876. Alexander Ehrnrooth (1852-1902) serviva in le Guarda Finlandese 1871-99. Ille era promovite a colonnello in 1897.
Mauno Koivisto, le presidente del Republica Finlandia, visitava Gorni Dûbnikit in aprilio 1985 e deponeva con honores militar un corona al monumento. Presidente Koivisto ipse serviva durante le guerra inter Finlandia e le Union Sovietic 1941-44 como un tirator de fusil-mitraliatrice in le famose compania de chassatores (le chef del compania era legendari Lars Törni) del 1e division de infanteria.

Lars Törni battaliava 1939-40 in le Guerra Hibernal e 1941-44 in le armea finlandese e 1944-45 in le armea german. Post le guerra ille escappava al Statos Unite ubi ille veniva un famose officiero del "Baretes verde" con nomine "Larry Thorne". On ha facte un pelicula ubi John Wayne jocava in rolo del Larry Thorne. Ille dispareva in Vietnam e su corpse ha essite trovate solmente recentemente. In julio 2003 su remnantes era inhumate con grande festivitates al cemeterio militar de Arlington, le Statos Unite.

Fredrik Hjalmar Nikolaus Procopé, nasceva le 11 de augusto 1842 a Virmo. Su patre era major Abdon Fredrik Procopé, administrator de posta de Borgå e matre baronessa Agnes Jakobina Lybecker. Pupillo al schola de cadettos a Fredrikshamn/Hamina in 1854. Como tenente in le 15e battalion (russe) de tiratores. Como subtenente in le regimento finlandese del Guarda de corpore in 1863. Participava al subjucation del rebellion de Polonia in 1863-64. Tenente in 1864. Capitano del stato major in 1866 e capitano in 1871. Colonnello in 1876.
Ille participava como commandante de un battalion al guerra Russia - Turchia in 1877. Ille commandava al tete de voluntarios un assalto contra le bastion de Gorni Dûbnik le 24 de octobre 1877 e era mortalmente ferite, ille moriva al hospital de campo a Sistovo, Bulgaria, le 10 de novembre 1877. - Nonmaritate. Le nomine del colonnello Procopé es gravate in auro sur tabulo de marmore al porta de entrata principal in le magnific cathedral Alexander Nevski in Sofia.

Le statua/relievo in le Parco national de Lavrov a Gorni Dûbnik de general Vasili Nikolaevitch Lavrov (1838-1877), le commandante del Regimento finlandese, qui cadeva in le assalto de Gorni Dûbnik.
Le plus sanguinose die del guerra occurreva le 24/10 1877, quando le Corps de Guarda russe sub commando del general de cavalleria Iossif Vladimirovitch Gurko, nascite 1828, assaltava le bastion al parve village de Gorni Dubniak (hodie Dûbnik), 20 km. al west de Pleven. Le bastion era fortemente fortificate per le turcos e le perditas era enorme al ambe partes. Le russos perdeva 17 officieros e 850 subofficieros e soldatos morte, inter le ultimes 24 soldatos del 3e, finnese, battalion de tiratores del Guarda.
Le prime attacco contra Gorni Dûbnik comenciava a 6.00 horas, le tertie e ultime a 19.00. A postmeridie, in un momento specialmente critic, cadeva le commandante del Regimento Finlandese del Guarda de Corpore, major general Vasili Nikolayevitch Lavrov qui habeva justo commandate colonnello Fredrik Hjalmar Nikolaus Procopé a assaltar le grande reduit a Gorni Dûbnik ante le voluntarios de su battalion. Iste attacco audace e temere, que infortunamente se basava a information false del situation militar, flueva a sablo post que su duce habeva essite ferite per un balla de fusil in stomacho. Colonnello Procopé era transportate al hospital militar a parve citate de Sistovo (hodie Shvistov) a Danubio ubi ille moriva post duo septimanas, le 10/11. Gorni Dûbnik.

Emblema del Regimento Finlandese del Guarda de Corpore.
Le texto: "Fidelitate al Tzar e Patria".
De facto le "Regimento Finlandese" era un regimento russe, non finnese. Totevia, in iste regimento serviva etiam alicun finlandeses. Le plus famose de illes era colonnello Hjalmar Fredrik Nikolaus Procopé, qui conduceva un gruppo de voluntarios in assalto contra un bastion turc. Ille era mortalmente ferite como etiam le commandante del regimento, general Lavrov.

Actualisate le 2011-03-03

Administrator de iste sito:
--------------------------
Allan Kiviaho
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua

Le cannon obsolete de 1867
Le cannon moderne de 1877 Solmente un parve quantitate era disponibile in le guerra 1877-78
Le obsolentia de su artilleria costava multe sanguine a russos. A causa de isto le artilleria russe era inter le optimes in le prime guerra mundial e in le secunde guerra mundial le artilleria sovietic era quantitativemente in su classe special de excellentia - benque le artilleria finlandese era le plus exacte in le mundo usque le 1960s, gratias a general Vilho Petteri Nenonen - qui era educate in le Imperial Academia de Artilleria in Russia.