UNION PANEUROPEE
Coudenhove-Kalergi
Hjalmar J. Procopé
Stephen P. Duggan
INTERLINGUA

UNION PANEUROPEE - INTERLINGUA - FINLANDIA
Parte I (---1999)
Parte II (2000---)

INTRODUCTION Coudenhove-Kalergi Stephen P. Duggan
 Alexander Gode
Otto von Habsburg André Martinet Alice V. Morris
 Hjalmar J. Procopé
UNIVERSITATES CHRONICA Union Paneuropee - Finlandia - Interlingua
INTRODUCTION

In 1923 conte Richard Nikolaus Coudenhove-Kalergi de Austria fundava le UNION PANEUROPEE que poneva le fundo al veniente UNION EUROPEE. In 1923 comenciava etiam le developpamento del INTERLINGUA, un neutral lingua neolatin como lingua commun pro cosas practic.

Ambes, le UNION PANEUROPEE e INTERLINGUA, iva a exilio al Statos Unite de America durante le secunde guerra mundial.

Le patre del PANEUROPA, conte Coudenhove-Kalergi, e un del fundatores e le ultime presidente del IALA (International Auxiliary Language Association), le association que developpava INTERLINGUA, Stephen P. Duggan, era in proxime cooperation in 1925 e de novo in 1940-1944. Un connexion interessante.

Ex le UNION PANEUROPEE nasceva le UNION EUROPEE. INTERLINGUA esserea un natural lingua commun [*] del Europa unite pro cosas practic - e proque non etiam pro le Americas? [**].

[*] INTERLINGUA es latino moderne e le latino ha essite le sol lingua commun, le ver "lingua franca", in historia de Europa. [**] Omne grande linguas del Americas son linguas del fundo de INTERLINGUA.

Certo Stephen P. Duggan, qui dedicava le ultime 27 annos de su vita pro le cosa de INTERLINGUA, proponeva iste lingua a Coudenhove-Kalergi. Coudenhove-Kalergi ha propagate pro anglese como lingua commun pro Paneuropa durante le 1920s e 1930 sed non post isto. Sed on non trova referentias a INTERLINGUA in su libros. Un explanation pote esser que ille non poteva ager contra le anglese proque ille era como refugiate in le Statos Unite, laborava como professor in le Universitate de New York, collaborava i.a. con Harry Truman, le presidente del Statos Unite, e general George C. Marshall e Winston Churchill. Le responsa a iste question es forsan trovabile in le archivo del IALA que es in le New York Public Library e del Union Paneuropee que es probabilemente in Moskva. Speramente le UMI (Union Mundial pro Interlingua) pote mobilisar interlinguistas american e russe a facer recercas in iste urbes.

Iste chronica presenta le historia del Union Paneuropee, Interlingua e Finlandia que interessantemente coindice durante le 20e seculo turbulente.

Allan Kiviaho
Association Finlandese pro Interlingua

Richard Coudenhove-Kalergi
Conte austrian, Dr.ph., professor, fundator del Union Paneuropee

1894 C-K nasceva;

1908-13 studiava al Theresianum;

1913- studiava al Universitate de Vienna;
1914 maritage con Ida Roland;
1917 doctor de philosophia;
1919 Citatano de Czechoslovakia;

1920 Thomas Masaryk como "Washington de Europa";
1922 prime articulo "Le Question Europee";
1923 le libro PANEUROPA;
1924 Le magazin Paneuropa con Le Manifesto Europee, Baron Rothschild, Max Warburg (Hamburg), donator; Le Bureau Central de Paneuropa in Hofburg, le palatio imperial in Vienna; Le libro Paneuropa publicate in multe linguas in Europa e le mundo; amicitate con Eduard Benesz, presidente honorari del Paneuropa Czechoslovakia; le veniente presidente del Republica Czechoslovakia; Conferentia international de Pacifistas in Berlin; C-K contactava Hjalmar J. Procopé, ministro de affaires estranier de Finlandia.
1925 Un discurso al Instituto de Carnegie in Paris sub presidentia de Paul Appell, le rector del Universitate de Sorbonne; un tournee al Statos Unite de America. "American Cooperative Committee of the Pan-European Union", dr. Stephen P. Duggan como presidente.
1926 C-K propaga pro anglese como lingua commun de Europa;
1928 Amicitate con William C. Bullitt, le SUA; Liga de Nationes e Hjalmar J. Procopé in Geneva;
1929 C-K invitava Hjalmar J. Procopé al Committee Honorari del Union Paneuropee;

1930 Selma Lagerlöf recommendeva C-K como laureato del premio de Nobel de pace;
1931 C-K incontrava Aristide Briand in Geneva;
1932 discurso super Le mission europee de Germania in Berlin; Hermann Göring "pro Paneuropa, sed non pro Paneuropa de Coudenhove-Kalergi."
1933 Incontro con general Karl Haushofer;
1934 Declaration pro Paneuropa in le grande sala del parlamento austrian, Dollfuss e Coudenhove-Kalergi como oratores le nazistas essayava assassinar Coudenhove-Kalergi e Schuschnigg per un bomba.
1936 Incontro con Benito Mussolini e conte Ciano in Roma. C-K essayava intermediar inter Italia e Francia;
1938 ANSCHLUSS - Germania occupa Austria. C-K pote a pena escappar via Slovachia, Hungaria, Yugoslavia e Italia a Suissa; C-K incontrava le prime vice Winston Churchill in Anglaterra.
1939 C-K in Paris, deveniva citatano de Francia; discussion in London con Winston Churchill e Duff Cooper; C-Klaborava pro un governamento de Austria in exilio, incontro con Otto von Habsburg;

1940 Germania occupa Francia, C-K escappa al Statos Unite; C-K demandava Stephen P. Duggan de novo convocar le American Cooperative Committee of the Pan-European Union"; C-K al Council on Foreign Relations: "Si Hitler ... o Stalin ... o Churchill vincera ..."
1941 C-K proponeva que le SUA deberea occupar Islanda; le matre de C-K mori;
1943 C-K tenta in van contactar presidente Franklin D. Roosevelt; le libro Crusade for Paneurope publicate in New York;
1944 C-K nominate professor de historia al Universitate de New York.
1945 Conferentia de fundar le Organisation del Nationes Unite in San Francisco. C-K contactava illac i.a. Lleras Camargo, ministro de affaires estranier de Colombia, duces del Liga Arabe, general Romulo, le Philippinas, Sophianopoulos, ministro de affaires estranier de Grecia e marechal Jan Ch. Smuts, le presidente de Africa del Sud; C-K pronunciava un discurso al Universitate de Berkeley; un grande tour de propaganda trans le Statos Unite;
1946 discussiones extensive con subsecretario de stato Dean Acheson e con George Kennan e Ben Cohen; C-K retornava a Europa; incontros con Winston Churchill e con su filio affin Duncan Sandys; Churchill planava un initiativa paneuropee e voleva collaborar con C-K.
1947 C-K scribeva un "Appello al citatanos del Statos Unite de America pro le Statos Unite de Europa"; C-K in le Universitate de Bordeaux como un professor american; Winston Churchill e Duncan Sandys cambiava lor attitudes a C-K de causas del politica interne; le scopo de C-K era un stato federal europee, con un governamento e parlamento federal; C-K fundava un union del parlamentaricos europee; C-K viagiava de novo al SUA ubi ille discuteva con le presidente Harry Truman e George C. Marshall, le ministro de affaires estranier del SUA;
1948 C-K fundava in le SUA le "American Committee for a Free and United Europe"; Winston Churchill preparava a Haag un conferentia europee, un ridicule conflicto de bandieras; a Haag C-K incontrava Konrad Adenauer.

1950 Recognoscentia grandiose del obra de vita del conte Richard Nikolaus Coudenhove-Kalergi: ille era como prime persona assignate le premio del Carolo Magne del citate Aachen.
1951 Ida Roland, la sposa de Coudenhove-Kalergi, moriva. C-K presentava a Charles de Gaulle que ille pronunciarea le 1952-01-25, le anniversario Carolo Magne, ex Aachen in germano un appello a Europa pro restauration le imperio carolinge in spirito del 20e seculo. Heinrich von Brentano, le presidente del Union de Parlamentaricos Europee, respondeva in francese.
                                            CONSTITUTION EUROPEE 1951
"Committee de constitution pro le Statos Unite de Europa", associava se in Strasbourg, Coudenhove-Kalergi como secretario general del committee. Pro le texto de iste constitution in germano e interlingua .
1952 C-K se marita con le contessa Alix Tiele-Bally. Reconciliation inter le Union de Parlamentaricos Europee (Coudenhove-Kalergi) e le Movimento Europee (Winston Churchill e Duncan Sandys). Le prime session mutual de iste organisationes habeva loco in Paris, in le palatio presidential del assemblea national in Paris, sub presidentia de Edouard Herriot. Postea incontrava in Luxembourg le session general del Movimento Europee sub presidentia de Paul Henri Spaak. Konrad Adenauer, Winston Churchill, Alcide de Gasperi, Robert Schuman, Paul Henri Spaak e conte Richard Coudenhove-Kalergi era nominate presidentes honorari del movimento, Coudenhove-Kalergi como sol persona private, omne alteres era ex-prime ministros.
1954 Le fusion final inter le Union de Parlamentaricos Europee e le Movimento Europee sub presidentia de de Gasperi sub nomine Consilio Parlamentari del Movimento Europee. Coudenhove-Kalergi era nominate como membro pro tote le vita.
1955 Le Premio de Carolo Grande era prestate a Winston Churchill in Aachen. In un pictura un vide Winston Churchill, Coudenhove-Kalergi, Konrad Adenauer, Jean Monnet e Hendrik Brugmans.
1956 C-K deveniva un membro del Legion de Honor francese e ille era decorate con le grande cruce de merito del Republica Federal de Germania. Le revolta in Hungaria.
1957 Pacto de Roma. Le mercato commun europee e le Euratom era fundate. Coudenhove-Kalergi scribeva: "Le Rubicon es transpassate! Le via es nunc aperte al Statos Unite de Europa!". Le 8e congresso paneuropee al banio de Bad Ragaz, Suissa, le constitution europee como le thema central. Un le oratores era Archiduce, dr. Otto von Habsburg.

1972 [pictura] Le 1972-07-27 moriva le propheta e pionero del Europa unite, conte Richard Nikolaus Coudenhove-Kalergi.

Duggan, Stephen P.
Dr.ph., Statos Unite

• Cofundator e director del IIE (Institute of International Education).
• Un membro e le ultime presidente (1940-50) del IALA - International Auxiliary Language Association, que creava INTERLINGUA
• Fundator e presidente del American Cooperative Committee of the Pan-European Union

1923 Dr. Cottrell proponeva Dr. Frederick Gardner Cottrell, International Research Council, un famose chimico, persuedava Sra. e Sr. Morris a developpar un lingua neutral con methodos Dr. Cottrell Dr. Cottrell proponeva a crear un gruppo scientific. Dr. Cottrell proponeva a crear un gruppo permanente que poterea continuar le studios que habeva essite comenciate per varie committees. Le gruppo consisteva de multe personas eminente, como dr. Stephen P. Duggan...
1925 Durante un tournee al Statos Unite de Coudenhove-Kalergi le "American Cooperative Committee of the Pan-European Union" era create, dr. Stephen P. Duggan como presidente.
1927 IALA publicava le "Preliminary Investigation of the Teaching of Auxiliary Languages in Schools" de Stephen P. Duggan

1940 Coudenhove-Kalergi demandava dr. Stephen P. Duggan de novo convocar le American Cooperative Committee of the Pan-European Union", que C-K habeva fundate ante 16 annos sub presidentia de Stephen P. Duggan.
1940ia Dr. Stephen P. Duggan le 3e e ultime presidente del IALA (1940-50). INTERLINGUA era complite in 1951, un anno post le morte de Duggan.
1943 Le 5e congresso paneuropee in New York sub auspicio del Universitate de New York. Le inauguration del conferentia habeva loco in le grande sala de ballo del Hotel Waldorf-Astoria. Stephen P. Duggan parlava pro le American Cooperative Committee of the Pan-European Union.

1994 Le IIE faceva 75 annos. Le committee honorari de iste celebration consisteva de: Presidente del Statos Unite de America Bill Clinton e omne vivente ex-presidentes del Statos Unite, omne vivente ex-vice-presidentes del SUA, George P. Shultz, Alexander M.Haig Jr., Cyrus R. Vance, Henry A. Kissinger, Dean Rusk et alii. Presidente de Irlanda Mary Robinson recipeva le premio de Stephen P. Duggan, Sr., nominate pro le fundator e prime presidente del IIE, pro su contributiones a accordo international. Cyrus R.Vance, previe secretario del stato, faceva le presentation."


Gode, Alexander
(Alexander Gottfried Friedrich Gode-von Aesch). Dr.ph.
Le ultime director de recerca del
IALA - International Auxiliary Language Association, le association que creava

1904 Alexander Gode-von Aesch nasceva in Bremen, Germania. Su patre era un germano e matre suissa.

1923 AG studiava linguas in Vienna e al Universitate de Sorbonne in Paris.
1927 AG emigreva al Statos Unite. Ille studiava linguas al Universitate de Columbia.

1939 AG compliva examine doctoral, linguas germanic como thema, in le Universitate de Columbia.

1942 AG era appunctate le director assistante de recerca del IALA, ille scribeva in su reporto "Le stato presente del recerca del IALA" que "le foco de omne interprisas del IALA es le compilation de un vocabulario international". 1943 AG deveniva le director de recerca del IALA.
1945 Dr. Alexander Gode continuava le programma del recerca e su labor culminava in le "General Report" (Reporto General) de 1945, que presentava le bases theoretic del recercas del Association: le concepto del vocabulario international; le regulas establite pro le eligibilitate de parolas; lor standardisation secundo le prototypos etymologic e le characteristicas general del grammatica proponite.
1948 AG de novo le chef de recerca de IALA (durante 1946-48 como le chef habeva essite André Martinet)
1949 AG scribeva a André Martinet: "Nos parti ex le assumption que il existe un vocabulario international apparente in un multiplicitate de variationes national, attendente de registration in un forma standardisate que pote tunc servir in conjunction con un systema adequate de grammatica como un practic lingua auxiliar."

1951 Interlingua era complite post extensive labor international durante 27 annos con publication de libros Interlingua-English Dictionary (IED) sub direction de Alexander Gode e Interlingua, a grammar of the international language, preparate per Alexander Gode e Hugh E. Blair. AG declarava que "Interlingua non es un nove lingua artificial sed un lingua natural sin essente un lingua national".
1953-66 AG publicava un magazin "Scientia International" que contineva referentias ex "Science Newsletter".
1953- AG traduceva milliones de parolas a interlingua in publicationes scientific e faceva correspondentia extensive con eminente interlinguistas.
1955 1955 Le 1e Conferentia International de Interlingua in Tours, Francia, ubi Le Union Mundial pro Interlingua (UMI) era fundate, Alexander Gode-von Aesch como su prime presidente.

1967 AG e su sposa Alison establiva un interprisa commercial, Interlingua Translations. 1968 Alexander Gode scribeva un articulo super Interlingua in le Encyclopaedia Americana
1970 The Interlingua Institute era fundate in le Statos Unite, Alexander Gode como su director executive. Gode moriva in le mesme anno. Ille era un de prime laureatos del premio adjudicate per le Fédération Internationale des Traducteurs, un organisation que es affiliate con UNESCO, "pro su vita dedicate a causa de traductores e traduction".


Habsburg, Otto von
Archiduce, 1912-1918 Kronprinz del Imperio de Austria-Hungaria,
membro del Union Paneuropee desde 1936 e presidente 1973-2004.
Membro del Parlamento Europee 1979-1999.
Dr.ph., doctor h.c. in plure universitates.

1912 OvH nasceva le 1912-11-20 in Reichenau, Austria Basse como le plus vetule filio de Carolo I, le ultime imperator del Austria-Hungaria.

1921-22 OvH in exilio in Suissa e in 1922-1940 in Espania e Belgica.

1936 OvH deveni membro del Union Paneuropee.
1938 GESTAPO publicava un mandato de arresto super Otto von Habsburg. "Fall Otto" - DER ANSCHLUSS, german occupation e annexion de Austria. 1939 OvH collaborava con Coudenhove-Kalergi in Paris pro un governamento de Austria in exilio.

1940-44 OvH in exilio in le Statos Unite de America.
1944 OvH e su soror collabora con Ida Roland, la sposa de Coudenhove-Kalergi, in organisation official American Relief to Austria.

1951 Otto von Habsburg se marita con Regina Princessa de Sachsen-Meiningen, illes va haber septe infantes.
1957 Le 8e congresso paneuropee al banio de Bad Ragaz, Suissa. Le conferentia tractava i.a. le question de Cypro (sic!). Coudenhove-Kalergi scribeva: "Inter le oratores del congresso era etiam archiduce Otto von Habsburg - un del plus eminente e capace representantes de plus juvene (hodie 90 annos - AK) generationes de paneuropeos con comprehension extraordinari de omne questiones super politica europee. Le congresso eligeva le como membro del consilio central del Union Paneuropee." Le thema central del congresso era le constitution europee.

1973 Archiduce Otto von Habsburg le presidente del Union Paneuropee International.

1989 Picnic paneuropee, Sopron, Hungaria. Archiduchessa Walburga von Habsburg face historia mundial con cisorios - collapso del communismo in Europa.

1991 Otto von Habsburg era informate super le Interlingua per professor Július Tomin, Czechoslovachia.
1995 Otto von Habsburg era promovite doctor h.c. del Universitate de Turku, Finlandia. In connexion del affilamento de spadas doctoral como parte del seremonias promotional in le Universitate de Turku archiduce Otto von Habsburg signava le documento de fundation del Circulo de Amicos Paneuropee in Turku que se expandeva in 1996 al Section Finlandese del Union Paneuropee International.

2000-11-14 OvH pronunciava al Universitate de Turku un discurso in connexion del 500e anniversario de su grande ancestor, le imperator Carolo V.
2002 OvH in Turku in maio 2002 pro celebrar le impression facsimile del version finnese de 1930 de "Paneuropa", le libro prophetic del conte Richard Nikolaus
Coudenhove-Kalergi (1894-1972), le fundator del Union Paneuropee. Le libro contine un capitulo de Otto von Habsburg "A lector finlandese".
2002-11-20 Presidente del Union Paneuropee, archiduce Otto von Habsburg 90 annos. Grande festivitates in Vienna e plure altere urbes in Europa.


Martinet, André
(1908-1999)
Professor, un linguista francese de fama mundial.
Le penultime chef de recerca del IALA, le organisation que creava INTERLINGUA.
[PICTURA]

1946 Le IALA invitava AM ex Sorbonne a New York e confideva a ille le direction de su recerca interlinguistic. Le producto del IALA era pro le prime vice appellate Interlingua. Professores Martinet e J.P. Vinay preparava un questionario satis grande de 127 questiones in anglese e francese que illes distribueva a expertos in varie paises pro saper lor commentos super le variantes proponite in le General Report de 1945.
1948 AM se jungeva al Universitate de Columbia. 1949 Lettera de Alexander Gode
1970 Professor André Martinet era promovite doctor h.c. al Universitate de Turku, Finlandia.
1998 Professor André Martinet [PICTURA] era appunctate in etate de 89 annos le tertie membro distinguite del UMI - Union Mundial pro Interlingua. 1999 Prof. André Martinet moriva in etate de 90 annos.
2002 Jeanne Martinet, la vidua de professor André Martinet era appunctate la presidente del UIF - Union Interlinguiste Francese.


Morris, Alice V
(1874-1950)
Dr.ph.

Primus motor pro excellentia in le creation del

1874 Alice V. Morris nasceva in New York. Su granpatre era Cornelius Vanderbilt (1794-1877), le american rege ferroviari e un del plus ric homines in le historia del mundo, qui edificava le majoritate del ferrovias sur le continente nordamerican.
1923 Dr. Alice V. Morris se enthusiasmava del idea de un lingua international. Un amico del familia, Dr. Frederick Gardner Cottrell, International Research Council, un famose chimico, persuedava Sra. e Sr. Morris a developpar un lingua neutral con methodos scientific. Dr. Cottrell proponeva a Sra. Alice V. Morris e su sposa le idea de crear un gruppo permanente que poterea continuar le studios que habeva essite comenciate per varie committees.
1924 Sra Morris fundava in 1924 con su sposo Dave Hennen Morris (ambassador del SUA in Belgica) IALA  (International Auxiliary Language Association) pro realisar le idea de un optime lingua commun.
1931 Alice V. Morris era educate al Universitate Harvard. Le Universitate de Syracuse promovera la a doctor honorari 1931 pro su meritos in le campo del developpamento de un international lingua auxiliar.
1935 Committee de Concordantia era fundate pro attinger un compromisso inter varie linguas synthetic pro complir le Plano pro obtener tracto de un lingua auxiliar mundial del IALA. Le committee incontrava sex vices e sponsorava 33 incontros in Brussels, London, Paris, Haag, Columbus, Stanford e New York.Alice Morris era un del membros.
1944 Dave Hennen Morris, ex-ambassador del Statos Unite in Belgica e sposa de Alice Morris, moriva.
1950 Alice V. Morris moriva. Illa laborava infatigabilimente pro su idea durante 26 annos. Sin su financiamento le extensive obra international de developpamento de INTERLINGUA non haberea essite possibile. Illa moriva sin vider su obra preste - Interlingua era publicate un anno plus tarde.

Procopé, Hjalmar J
(1889-1954)
Ministro de affaires estranier de Finlandia.
Secretario general del Liga de Nationes.
Fundator del Section Finlandese del Union Paneuropee.
Ambassador de Finlandia in le Statos Unite 1939-44.
[SCULPTURA]

1889 HJP nasceva.
1915-16 HJP e le Chassatores finlandese. 1918 HJP in Berlin como secretario del delegation finlandese in negotiationes de pace con Russia e post isto como persona de ligation inter le governamento finlandese e prince Friedrich Karl de Hessen, qui deberea devenir le rege de Finlandia con nomine Väinö I.
1919 HJP exhortava pro un decision positive del parlamento finlandese re le attacco contra Sankt Peterburg. 1922 HJP supportava un pacto de defensa inter Finlandia e Polonia.
1924 Coudenhove-Kalergi contactava Hjalmar J. Procopé
1926 HJP nominate le ambassador in Warszawa. Coup de marechal Pilsudski. 1927 HJP ministro de affaires estranier de Finlandia.
1928 Un "club" de paneuropeos al Liga de Nationes in Geneva; Coudenhove-Kalergi, Hjalmar J. Procopé etc. HJP ageva como presidente del 9e conferentia general del Liga de Nationes in Geneva e pronunciava un oration remarcabile.
1929 Coudenhove-Kalergi invitava Hjalmar J. Procopé al Committee honorari del Union Paneuropee.
1930 Hjalmar J. Procopé fundava le Section Finlandese del Union Paneuropee. [PICTURA: Procopé in Geneva]
1939 Hjalmar J. Procopé arrivava al Statos Unite como ambassador. Discussion con le presidente Franklin D. Roosevelt. Le Union Sovietic attaccava Finlandia ("Guerra Hibernal" 1939-11-30--1940-03-13). Desperate tentativas de HJP procurar armas in le Statos Unite; Pro varie rationes (bureaucratia etc.) practicamente nihil era livrate ante le fin del guerra despecto de grande sympathia del populo american pro le cosa finlandese.Durante del "Guerra continuante" contra le Union Sovietic (1941-44) le situation de HJP in Washington deteriorava proque Finlandia era in guerra contra le Union Sovietic e le SUA su alliato ab decembre 1941. Ironicamente e.g. le bon chassatores american "Brewster" que arrivava a Finlandia post le Guerra hibernal combatteva in le Guerra continuante contra chassatores que le SUA habeva livrate al fortias aeree sovietic ...
1946 HJP era compromittite in le oculos del duces sovietic e su carriera politic era post le guerra finite. In 1946 ille como advocato coragiomente defendava le homines de stato finlandese qui era accusate como "culpabiles de guerra" in un farsa de processo instigate per le officiales sovietic. Inter le accusatos era le presidente Risto Ryti e Edwin Linkomies, prime ministro e cancellero del Universitate de Helsinki, un latinista. Novas sensational: In januario 2006 le diarios (o copias de illos) del presidente Risto Ryti ha essite retornate a Finlandia ex le Statos Unite.
1954 Hjalmar J. Procopé moriva. Parolas de Edwin Linkomies al tomba de HJP. Marcha de Chassatores finlandese.

Universitates
Universitates de Liverpool, Columbia, New York e Turku
Altere universitates (que inviava representantes a conferentias del IALA)

Universitate de Liverpool, Anglaterra

1935 Committee de Concordantia era fundate pro attinger un compromisso inter varie linguas synthetic pro complir le Plano pro obtener tracto de un lingua auxiliar mundial del IALA. Inter le membros del committee era: William E. Collinson (Universitate de Liverpool, Anglaterra)
1936 Un equipage international de membros de formation professional in le philologia comparative era assemblate al Universitate de Liverpool, con professor Collinson como director e E. Clark Stillman como director adjuncte. Un subvention pro le labor initial era date per le Fundation Rockefeller al Universitate de Liverpool, ubi le personal de recercas del IALA faceva su labores. De plus, le Research Corporation habeva generosemente date al IALA un subvention annual "pro le recerca de promover le realisation de un lingua neutral e non-politic." Le labor continuava a Liverpool pro assemblar e compilar le datos linguistic e le material de parolas international.
1937 IALA sponsorava recercas linguistic de William E. Collinson al Universitate de Liverpool. IALA comenciava su proprie labor proque omne effortios a attinger un compromisso inter le varie scholas de linguas auxiliar habeva essite futile. Labor comenciava al Universitate de Liverpool, supportate per le Rockefeller Foundation a registrar le vocabulario international. E. Clark Stillman habeva elaborate un plano de 3 annos de recerca e experimentation que vaderea eventuar in un grammatica e vocabulario nucleari que IALA vaderea recommendar.
1938 E. Clark Stillman era nominate le secretario del Committee de Concordantia e le equipage technic al Universitate de Liverpool era ponite sub su direction.
1939 Quando le guerra erumpeva Stillman era a viage in le Statos Unite. Ille arrangiava le cambiamento del bibliotheca e archivo in Liverpool a New York e creava un nove equipage in le SUA que deberea continuar le obra que habeva comenciate in Liverpool in 1937.
1940 Proque Liverpool era fortemente bombardate per le Luftwaffe le stato major del IALA se cambiava a New York. Post le rejection de Esperanto IALA se decide solver le problema del linguas per creation de su proprie lingua. Pro assecurar le completion de un tal projecto sra. Morris generosemente provideva supporto adequate financiari. Le comenciamento del guerra in 1939 necessitava le dispersion del equipage multinational. Multes del linguistas europee era utilisate appropriatemente per lor governamentos in le condducta del guerra. (Per exemplo, professor Collinson debeva abandonar le grosso de su classes in Liverpool in su labor pro le governamento britannic relative al problema de estranieros qui habeva nascite in paises inimic e qui habitava in Grande Britannia.). In consequentia, non era possibile arrangiar reuniones del "Committee for Agreement". Le datos linguistic e le bibliotheca jam accumulate al Universitate de Liverpool era transferite a New York. Ibi Sr. Stillman organisava un nove personal de linguistas de varie nationalitates, que ille dirigeva usque ille entrava in le servicio de governamento in 1943.

Universitate de Columbia, Statos Unite

1919 Nicholas Murray Butler, le presidente del Universitate de Columbia, era un de fundatores del IIE (Institute of International Education), cuje prime presidente Dr. Stephen P. Duggan era etiam le presidente del American Cooperative Committee of Pan-European Union (1925- e 1940-) e le ultime presidente (1940-50) del IALA (International Auxiliary Language Association), que creava INTERLINGUA
1923 era fundate un gruppo permanente pro developpar un lingua international. Ex le
Universitate de Columbia participava: Dr. LeRoy E. Bowman e Dr. Herbert N. Stanton.
1927 Alexander Gode, qui in 1951 dava le ultime mano al INTERLINGUA, studiava linguas a iste universitate.
1930-48 A conferentias del IALA participava inter 1930-1948 i.a. ex le Universitate
de Columbia: Professores Robert H. Fife, Roman Jakobson e Henri F. Muller
1939 Alexander Gode compliva examine doctoral, linguas germanic como thema.
1940 Coudenhove-Kalergi era chassate per GESTAPO e debeva lassar Europa. Evadente
le colonnas motorisate del Wehrmacht C-K conduceva ab Geneva via Barcelona a
Lissabon, ab ubi ille telephonava a Nicholas Murray Butler, le presidente del
Universitate de Columbia. Post alicun dies Cordell Hull, le ministro de affaires
estranier del Statos Unite ordinava le consulato general a scriber immediatemente
le visas a C-K e su accompaniates. C-K volava con un avion Clipper ab Lissabon a New York.
1948 André Martinet, le penultime director de recerca del IALA - International
Auxiliary Language Association (organisation que creava Interlingua) se jungeva al Universitate de Columbia.

Universitate de New York, Statos Unite

1924 Alice V. Morris fundava con su sposo Dave Hennen Morris (ambassador del SUA in Belgica) IALA (International Auxiliary Language Association) pro crear un lingua international. Como le prime presidente (1924-36) del IALA era appunctate Earle B.
Babcock, decano del New York University. 1941 Adjutate per Nicholas Murray Butler, le presidente del Universitate de New York, qui recommendava le al rector de universitate, Harry Woodburn Chase,
Coudenhove-Kalergi deveniva le chef del Seminario de Recerca pro un Federation
Europee Postguerral. Le seminario era financiate per le Fundation de Pace de
Carnegie. Le seminario deveniva le nove stato major del movimento paneuropee.
Le Universitate de New York con su 60 000 studentes e plus que 3000 inseniatores era un le plus grande universitate in le SUA. Coudenhove-Kalergi habeva professor Arnold J. Zürcher como assistante.
1942 10 annos desde morte de Aristide Briand. In America on jubila solmente le
anniversarios de nascentias, non illos del morte. Nulle problema, 3 septimanas postea occurreva le 80e anno de nascentia de Briand! Proque Briand era doctor h.c. del Universitate de New York, le grande aula del universitate era ponite al disposition del festa. Le presidente del anniversario era Marshall S. Brown, decano del Universitate de New York.
1943 Le 5e congresso paneuropee in New York sub auspicio del Universitate de New York. Le sessiones del commission sedeva se in le club de facultates del Universitate de New York. 1944 Coudenhove-Kalergi era nominate professor de historia al Universitate de New York.
1948 Coudenhove-Kalergi scribeva un brochure con nomine Europe seeks Unity pro le
Universitate de New York.
1970 The Interlingua Institute era fundate in le Statos Unite. Inter le prime directores era Russell F.W. Smith (decano del School of Continuing Education at New York University)

Universitate de Turku, Finlandia

1970 Prof. André Martinet promovite a doctor h.c.
1995 Archiduce, dr. Otto von Habsburg promovite a doctor h.c. Ille pronunciava un
discurso con titulo "Can small countries preserve their identity in tomorrow's
Europe?". Le quantitate de audientia era tanto grande que on debeva cambiar le
occasion a un plus grande sala. OvH signava le documento de fundation del Circulo
de Amicos Paneuropee in Turku. In 1996 le circulo se expandeva al Section Finlandese del Union Paneuropee International cuje presidente era selecte Luigi G. de Anna,
professor de lingua e cultura italian al Universitate de Turku. 2000 Otto von
Habsburg pronunciava un discurso in connexion del 500e anniversario de su grande
ancestor, le imperator Carolo V.
2002 Otto von Habsburg veniva al Universitate de Turku pro celebrar le impression
facsimile del version finnese 1930 de "Paneuropa", le libro prophetic del conte
Richard Nikolaus Coudenhove-Kalergi (1894-1972), le fundator del Union Paneuropee.
Le libro contine un capitulo de Otto von Habsburg "A lector finlandese". Otto von
Habsburg etiam pronunciava un discurso con thema "Europe beyond frontiers - Old and
new models".

PANEUROPA & INTERLINGUA
1867-1894   1903-1919   1920-1923   1924   1925-1927   1928-1929   1930-1932   1933-1935   1936-1937   1938   1939   1940   1941-1942   1943-1944   1945   1946   1947   1948-1949   1949-1950   1951   1952-1953   1954-1956   1957-1967   1968-1971   1972-1988   1989-   1991-1993   1995-1998   1999-2001   2002

OCCIDENTAL - INTERLINGUE
1867 Edgar de Wahl, le patre de linguas commun naturalistic (como contrapeso a tal linguas schematic como Volapük e Esperanto) nasceva in Ukraina como filio de un german ingeniero ferroviari.

1872 Dave Hennen Morris, le sposa de Alice V. Morris e ambassador del SUA a Belgica, nasceva.
1874 Alice V. Morris nasceva in New York. Su granpatre era Cornelius Vanderbilt (1794-1877), le american rege ferroviari e un del plus ric homines in le historia del mundo, qui edificava le majoritate del rails sur le continente nordamerican.

OCCIDENTAL - INTERLINGUE
1887-88 Edgar de Wahl faceva cognoscentia con volapük per un collega de su patre, W.K. Rosenberger, qui era le vice-presidente del Academia de Volapük quando Edgar de Wahl frequentava le schola in Sankt Peterburg, illac studiava le mesme tempore etiam Ludwik Lazar Zamenhof, le patre de Esperanto. De Wahl apprendeva de esperanto subinde que illo era publicate e ille faceva correspondentia frequente con Zamenhof. De Wahl era inter le primes, qui traduceva libros a esperanto: "La princino Mary" (La princessa Maria", 1889) e le lexico Hispano-Esperanto.
- - - - - - - - - - - - - - - - - - - - - - - - - - - - - - - - - -
1889 Hjalmar J. Procopé nasceva a Huovisaari, Finlandia.

OCCIDENTAL - INTERLINGUE
1892 Edgar de Wahl entrava le Marina Imperial Russe como subtenente e serviva sur varie naves de guerra, visitante Francia, Espania, Portugal, Madeira, West-India, le Statos Unite e Svedia. Post haber quitate le servicio militar ille laborava in le Observatorio de Sankt Peterburg e post illo in Tallinn como inseniator de physica e mathematica in le gymnasio de scientias natural. In Tallinn ille maritava Maria von Hübbenet, filia del medico particular del Granduchessa Maria Pavlovna. Illes habeva tres filios e un filia.
1894 Conte Richard Nikolaus Coudenhove-Kalergi nasceva le 1894-11-17 in Tokio. Su patre, Heinrich Coudenhove-Kalergi, era le Chargé d'Affaires del Austria-Hungaria in Japon. Ille maestrava 18 linguas! Su matre era un noblessa japonese, Mitsuko Aoyama.
- - - - - - - - - - - - - - - - - - - - - - - - - - - - - - - - - -
OCCIDENTAL - INTERLINGUE
1894 Edgar de Wahl votava (como ca. 100 de 150 participantes) in un conferentia de esperantistas contra le propositiones reformatori de Zamenhof e ageva post isto in plure projectos de linguas international (i.a. volapük e Idiom Neutral).

1903 "Latino como Esperanto". Le castello de Romberg.
1903 Giuseppe Peano, un famose mathematico italian, publicava su Latino sine flexione, un lingua que usa parolas latin con un grammatica multo simplificate.
1904                                                    
    [A] Alexander Gode-von Aesch nasceva in Bremen, Germania. Su patre era un germano e matre un suissa.
OCCIDENTAL - INTERLINGUE
    [B] Edgar de Wahl serviva durante le guerra russo-japonese 1904-5 in le marina de guerra russe como prime-tenente.
- - - - - - - - - - - - - - - - - - - - - - - - - - - - - - - - - -
1908-13 Coudenhove-Kalergi Studiava al Theresianum (Academia Theresian), Vienna, un schola del optime elite.

OCCIDENTAL - INTERLINGUE
1911-17 Edgar de Wahl era deputato del citatanos germanophile in le Consilio Municipal de Tallinn.
- - - - - - - - - - - - - - - - - - - - - - - - - - - - - - - - - -
1912 Otto von Habsburg nasceva le 1912-11-20 in Reichenau, Austria Basse como le plus vetule filio de Carolo I, le ultime imperator del Austria-Hungaria.
1913- Coudenhove-Kalergi studiava philosophia e historia moderne al Universitate de Vienna.
OCCIDENTAL - INTERLINGUE
1913 La marita de Edgar de Wahl le abandonava e emigrava a Finlandia ubi illa ageva fervorosemente in le Armea de Salvation. Un anno postea de Wahl se remaritava con Agnes von Riesenkampff, filia de un advocato. Illes habeva un filia.
- - - - - - - - - - - - - - - - - - - - - - - - - - - - - - - - - -
1914 Coudenhove-Kalergi se maritava con Ida Roland, un actrice famose.
1915-16 Hjalmar J. Procopé ageva pro arrangiamento del movimento de chassatores como organisator e currero in Finlandia e Svedia.
1917 Coudenhove-Kalergi promovite al doctor de philosophia al Universitate de Wien, philosophia pur como branca principal, historia moderne como branca secundari.
1918 Hjalmar J. Procopé comenciava su carriera in servicio del ministro de affaires estranier de Finlandia, in Berlin como secretario del delegation finlandese (chef del delegation era Carl Enckell) in negotiationes de pace con Russia 1918 e post isto como persona de ligation inter le governamento finlandese e prince Friedrich Karl de Hessen, qui deberea devenir le rege de Finlandia con nomine Väinö I.
1919
    [A] Coudenhove-Kalergi deveniva un citatano de Czechoslovakia. Ille legeva le libro Panamerika de A.H.Fried que imponeva le multo. Pro iste libro C-K prefereva le nomine "Paneuropa" in loco del "Statos Unite de Europa".
    [B] Finlandia planava un attacco contra Sankt Peterburg sub general Carl Gustaf Mannerheim. Hjalmar J. Procopé exhortava pro un decision positive re le attacco del parlamento e Carl Enckell annunciava ab Paris que le governamento francese forsan darea subsidios monetari pro le interprisa.

1920 Coudenhove-Kalergi proponeva a Thomas Masaryk (le presidente de Czechoslovakia) que ille devenirea "le Washington del Statos Unite de Europa".
OCCIDENTAL - INTERLINGUE
1920- Inter le guerras mundial Edgar de Wahl i.a. iva a velas passionatemente. Su veliero "Auli" (Auxiliar linguas era sovente recognoscite etiam in Finlandia.
- - - - - - - - - - - - - - - - - - - - - - - - - - - - - - - - - -
1921-22 Otto von Habsburg in exilio in Suissa e
1922-1940 in Espania e Belgica.
1922
    [A] Coudenhove-Kalergi publicava su prime articulo super Die europäische Frage (Le Question Europee) in Vossische Zeitung (Berlin) e Neue Freie Presse (Vienna).
    [B] Hjalmar J. Procopé supportava un pacto de defensa inter Finlandia e Polonia.
OCCIDENTAL - INTERLINGUE
1922 - assi 2 annos ante le comenciamento de obra de developpamento de Interlingua e 29 annos ante illo era finite - Edgar de Wahl publicava le lingua international "Occidental", post un periodo de developpamento de 30 annos. Hodie le nomine official de iste lingua es "Interlingue" e illo se trova etiam in le lista de linguas in le standard international OIS 639 con signo ie/ile (le signo de interlingua es ia/ina).
- - - - - - - - - - - - - - - - - - - - - - - - - - - - - - - - - -
1923 Coudenhove-Kalergi scribeva su libro Paneuropa in un castello in le Alte Austria, le libro era publicate in octobre per Wiener Paneuropa-Verlag.
1923-                                                    
[A] Alexander Gode studiava linguas in Vienna e al Universitate de Sorbonne in Paris.
     [B] Alice V. Morris se enthusiasmava del idea de un lingua international post que illa habeva trovate al clinica un brochure que narrava del lingua artificial esperanto. Un amico del familia, Dr. Frederick Gardner Cottrell, International Research Council, un famose chimico, persuedava Sra. e Sr. Morris a developpar un lingua neutral con methodos scientific. Dr. Cottrell proponeva a Sra. Alice V. Morris e su sposa le idea de crear un gruppo permanente que poterea continuar le studios que habeva essite comenciate per varie committees. Le gruppo consisteva de multe personas eminente, como Dr. Stephen P. Duggan, Director, Institute of International Education e Dr. Frederick P. Keppel, Presidente (1923-41) del Carnegie Corporation.
- - - - - - - - - - - - - - - - - - - - - - - - - - - - - - - - - -
1924
    [A] Coudenhove-Kalergi publicava le prime numero del magazin Paneuropa, le organ official del movimento de Paneuropa. Illo contineva Le Manifesto Europee.
    [B] Baron Louis Rothschild telephonava a Coudenhove-Kalergi que su amico Max Warburg (Hamburg) esserea interessate de Paneuropa; ille donava 60 000 marco-auros pro le movimento.
    [C] Le Bureau Central de Paneuropa se installava in Hofburg, le palatio imperial in Vienna, ponite al disposition per le governamento de Austria.
    [D] Le libro Paneuropa era publicate in multe linguas in Europa e le mundo, mesmo in japonese e esperanto. On non poteva lo publicar in russo e italiano.
    [E] Coudenhove-Kalergi faceva amicitate con Eduard Benesz, presidente honorari del Paneuropa Czechoslovakia, le veniente presidente del Republica Czechoslovakia.
    [F] Coudenhove-Kalergi participava al conferentia international de Pacifistas in Berlin. C-K publicava le brochure Pazifismus
    [G] Presidente del Paneuropa Deutschland, Paul Loebe (socialdemocrate), presidente del Reichstag (parlamento) de Germania. Altere paneuropeos german: Dr. Hjalmar Schacht, presidente del Reichsbank (Banca de Germania) e Konrad Adenauer e super toto Gustav Stresemann, Reichskanzler (Cancellero) de Germania.
    [H] Coudenhove-Kalergi contactava Hjalmar J. Procopé, ministro de affaires estranier, Finlandia.
    [I] Carl Enckell era nominate le presidente del Committee VII del session general del Liga de Nationes, partialmente de meritos a Hjalmar J. Procopé. Le committee tractava i.a. le crise in Georgia e le revolto de menszevikos in le Union Sovietic, un protesto acre del Union Sovietic contra Procopé como consequentia.
1924                                                    
    [A] Alice V. Morris fundava con su sposo Dave Hennen Morris (ambassador del Statos Unite in Belgica) IALA (International Auxiliary Language Association) pro realisar le idea. [Cf. I23B].
    [B] Earle B. Babcock, decano del New York University, le prime presidente del IALA (1924-1936)
- - - - - - - - - - - - - - - - - - - - - - - - - - - - - - - - - -
1925
    [A] Coudenhove-Kalergi pronunciava un discurso al Instituto de Carnegie in Paris sub presidentia de Paul Appell, le rector del Universitate de Sorbonne. In Francia Aristide Briand (ex - prime ministro) e Edouard Herriot (prime ministro e le ministro de affaires estranier) deveni paneuropeos. Sectiones paneuropee era fundate in Belgica, Hungaria, Polonia, Espania, Bulgaria, Romania, Yugoslavia, Estonia, Latvia e Lituania. Capites spiritual europee como paneuropes: Jules Romains, Thomas e Heinrich Mann, Stefan Zweig, Selma Lagerlöf, Sigmund Freud, Albert Einstein, Richard Strauss e alteres. Paneuropeos britannic: Bernard Shaw, H.G. Wells e Winston Churchill .
UNION PANEUROPEE & INTERLINGUA
    [B] Coudenhove-Kalergi faceva un tournee al Statos Unite de America. Sympathic a Paneuropa i.a.: Herbert Hoover, Frank Kellogg e Walter Lippmann. Era fundate le "American Cooperative Committee of the Pan-European Union", Dr. Stephen P. Duggan (director del IIE - International Institute of Education) como presidente. Paneuropeo enthusiastic: Nicholas Murray Butler, le presidente del Universitate de Columbia e le Fundation del Pace de Carnegie; ille scribeva le introduction in edition american del libro Paneuropa.
- - - - - - - - - - - - - - - - - - - - - - - - - - - - - - - - - -
1926
    [A] Le 1e congresso Paneuropee, in Vienna. Plus de 2000 delegatos ex 24 statos. Le presidio honorari: Eduard Benesz, Joseph Caillaux, Paul Loebe, Francesco Nitti, Nicola Politis e Ignaz Seipel. Le committee american era representate per su tresorero Frederick H. Allen, le britannic per A.Watts, un membro del Royal Institute for International Affairs, le russe per Alexander Kerenski, le ex-prime ministro. Un soiree inoblidabile al Palatio de Schönbrunn.
    [B] Coudenhove-Kalergi propaga pro anglese como lingua commun in Europa in su libro PANEUROPA.
    [C] Hjalmar J. Procopé nominate le ambassador in Warszawa. Coup de marechal Pilsudski, alicun ambassadas era damagiate in le foco de artilleria, le ambassada finlandese arrangiava se con secate lineas telephonic.
1927
    [A] Aristide Briand le presidente honorari del Union Paneuropee.
    [B] Hjalmar J. Procopé ministro de affaires estranier de Finlandia.
1927                                                    
    [A] Alexander Gode emigreva al SUA. Ille studiava linguas al Universitate de Columbia.
    [B] IALA publicava le "Progress in Learning" de Edward L. Thorndike e le"Preliminary Investigation of the Teaching of Auxiliary Languages in Schools" de Stephen P. Duggan
- - - - - - - - - - - - - - - - - - - - - - - - - - - - - - - - - -
 1928
    [A] Coudenhove-Kalergi faceva amicitate con William C. Bullitt, le SUA. Fridtjof Nansen presidente honorari del Paneuropa Norvegia, J.Ch. Mowinckel, ministro de affaires estranier le presidente del Paneuropa Norvegia.
    [B] Coudenhove-Kalergi e le Liga de Nationes in Geneva - "un club" con i.a. Hjalmar J. Procopé, in 1928 le secretario general del Liga.
    [C] Alexis Léger - St. John Perse - un grande paneuropeo e poeta!
    [D] Un grande momento pro Hjalmar J. Procopé:
Ille ageva como presidente del 9e conferentia general del Liga de Nationes in Geneva e pronunciava un oration remarcabile al auditorio que consisteva de representantes de 48 statos (5 de illes era duces de lor paises), 19 ministros de affaires estranier e 400 jornalistas. Ille parlava in anglese e in brillante francese e gratulava Briand e Kellogg (ministro de affaires estranier del SUA) pro lor pacto de consentir omne disputas sin guerra.

                                    
1928-29 IALA publicava le "General Language Course I-II" de Helen S. Eaton (London).
- - - - - - - - - - - - - - - - - - - - - - - - - - - - - - - - - -
1929
    [A] Aristide Briand, nunc como le presidente e ministro de affaires estranier del Republica Francia, declarava su initiativa pro le Statos Unite de Europa. I.a. Gustav Stresemann supportava le initiativa de Briand.
    [B] Un catastropho pro le movimento paneuropee: Gustav Stresemann moriva. Alicun dies postea collabeva le bursa de New York.
    [C] Coudenhove-Kalergi invitava Hjalmar J. Procopé al Committee honorari del Union Paneuropee.
1929 Hofrat Hugo Steiner fundava le Museo International de Esperanto como un parte del Bibliotheca National de Austria a Hofburg, Vienna. Iste museo contine material etiam super altere linguas planate, de quales illo documenta ca. 500, Interlingua includente.

1930
    [A] Winston Churchill supportava le initiativa de Briand in su articulo "Le Statos Unite de Europa" in Saturday Evening Post.
    [B] Le 2e congresso paneuropee in Berlin.
    [C] Victoria de Adolf Hitler in le election in Germania.
    [D] Hjalmar J. Procopé fundava le section finlandese [PICTURA: Procopé in Geneva] del Union Paneuropee.
    [E] Le edition finnese del libro PANEUROPA es publicate. Anglese como lingua commun in Europa.
    [F] Selma Lagerlöf, un autoressa svedese e laureato de Nobel de litteratura in 1909 recommendeva Coudenhove-Kalergi como laureato del premio de Nobel de pace.
1930                                                       
[A] IALA sponsorava recercas linguistic de Edward Sapir.
    [B] Le prime conferentia del IALA in Geneva, Suissa ("The Meeting for Linguistic Research") convenite per Otto Jespersen.
    [C] Alice V. Morris doctor h.c. al Universitate de Syracusa.
1930-31 Edward Sapir le director de recerca del IALA (in 1931 ille se cambiava ab Chicago al Universitate de Yale sed continuava cooperar con IALA e remaneva con Otto Jespersen e William E. Collinson al Consilio Consultative de Recerca Linguistic de IALA).
1930-48 Participatores a varie conferentias del IALA
- - - - - - - - - - - - - - - - - - - - - - - - - - - - - - - - - -
1931 Coudenhove-Kalergi incontrava in Geneva Aristide Briand qui era nunc un homine abattite. 1931 Alice V. Morris era educate al Universitate Harvard. Le Universitate de Syracuse promovera la a doctor honorari 1931 pro su meritos in le campo del developpamento de un international lingua auxiliar.
1932
    [A] Aristide Briand moriva - un colpa grave sed non mortal pro le idea paneuropee. Nationalismo e dictaturas de Hitler e Stalin vinceva pro le momento. Un nove guerra mundial con su lection horribile era necesse ante que le idea paneuropee poteva ganiar un initio nove. Comenciava le battalia del Union Paneuropee contra Hitler.
    [B] Le 3e congresso paneuropee in Basel, Suissa.
    [C] Coudenhove-Kalergi pronunciava un discurso super Le mission europee de Germania al Club S.S.S. in Berlin.
    [D] Hermann Göring in un jornal svedese: Io es pro Paneuropa, sed non pro Paneuropa de Coudenhove-Kalergi! 1932 IALA sponsorava recercas linguistic de Edward Sapir e Morris Swadesh. 1933
    [A] Adolf Hitler le Reichskanzler de Germania.
    [B] Coudenhove-Kalergi incontra le general Karl Haushofer.
    [C] Le battalia de Austria pro su existentia contra Hitler comenciava. Le nove Bundeskanzler de Austria, Engelbert Dollfuss, deveniva le presidente honorari del Committee Austrian de Paneuropa. Ille dava un del plus belle bureaus del mundo a disposition como stato major de Paneuropa: Le residentia del Bundeskanzler in Hofburg.
1934
    [A] Louis Barthou, le nove ministro de affaires estranier de Francia, era un devote paneuropee, un nove sperantia. Sed ille era assassinate in Marseille con le rege Alexander de Yugoslavia.
    [B] Le nove prime ministro de Czechoslovakia, dr. Milan Hodzha, un slovacho qui habeva essite un consiliero de Franz Ferdinand, le Kronprinz del Austria-Hungaria, era le nove duce del Paneuropa Czechoslovakia.
    [C] Un declaration pro Paneuropa in le grande sala del parlamento austrian ubi flottava duo banderas gigantesc, un de Austria e un del Union Paneuropee. Dollfuss e Coudenhove-Kalergi era le principal oratores politic e Kurt von Schuschnigg, le ministro de cultura de Austria, diceva super le unitate cultural de Europa. Ida Roland pronunciava un belle oration de Victor Hugo in un conferentia de pacifistas in Paris in 1849.
    [D] Novas terribile: Dollfuss era assassinate per le nazistas. Su successor como le Bundeskanzler de Austria e le presidente honorari del Paneuropa Austria era dr. Kurt von Schuschnigg. Le nazistas essayava assassinar Coudenhove-Kalergi e Schuschnigg per un bomba. 1934 Ben que IALA non habeva originalmente intendite construer su proprie lingua auxiliar, illo comenciava cambiar su position, quando le convenibilitate de omne linguas investigate currentemente deveniva de plus in plus dubitose. De importantia special era le argumentos si on debeva preferer un lingua naturalistic (como Occidental) o un lingua schematic (como Esperanto o Ido). Le 4. congresso paneuropee in le parlamento de Austria in Vienna.
1935-37                                                
    [A] Conferentia del IALA in Geneva.
    [B] Committee de Concordantia era fundate pro attinger un compromisso inter varie linguas synthetic pro complir le Plano pro obtener tracto de un lingua auxiliar mundial del IALA. Le membros del committee era: Albert Debrunner (Bern, Suissa, presidente del committee), Willem de Cock Buning (Haag, Nederland), William E. Collinson (Liverpool, Anglaterra), Joseph Vendryes (Paris, Francia), Nicolaas van Wijk (Leiden, Nederland) e Alice Vanderbilt Morris (Brussels, Belgica). Le committee incontrava sex vices e sponsorava 33 incontros in Brussels, London, Paris, Haag, Columbus, Stanford e New York.
- - - - - - - - - - - - - - - - - - - - - - - - - - - - - - - - - -
1936
    [A] Otto von Habsburg deveniva membro del Union Paneuropee.
    [B] Le 1. congresso agrarian paneuropee. Coudenhove-Kalergi incontrava Benito Mussolini e le conte Ciano in Roma. Mussolini non era hostil contra Coudenhove-Kalergi sed ille era non pro le idea paneuropee sed ille soniava de un federation panlatin como contrapeso al Europa german, anglosaxon e slavic. Mussolini ancora non era alliato de Hitler sed plus un amico quam inimico de Austria. Coudenhove-Kalergi tentava mediar inter Francia e Italia sed sin successo.
    [C] Le movimento paneuropee cessava in Finlandia sed nasceva de novo in 1996.
1936                                                    
    [A] John Houston Finley le 2e presidente del IALA (1936-40).
    [B] Un equipage international de membros de formation professional in le philologia comparative era assemblate al Universitate de Liverpool, con professor Collinson como director e E. Clark Stillman como director adjuncte. Un subvention pro le labor initial era date per le Fundation Rockefeller al Universitate de Liverpool, ubi le personal de recercas del IALA faceva su labores. De plus, le Research Corporation habeva generosemente date al IALA un subvention annual "pro le recerca de promover le realisation de un lingua neutral e non-politic." Le labor continuava a Liverpool pro assemblar e compilar le datos linguistic e le material de parolas international.
    [C] Conferentia del IALA in Copenhagen. Al grande surprisa del mundo interlinguistic esperanto era totalmente abandonate.
1937
    [A] IALA sponsorava recercas linguistic de William E. Collinson.
    [B] IALA comenciava su proprie labor proque omne effortios a attinger un compromisso inter le varie scholas de linguas auxiliar habeva essite futile. Labor comenciava al Universitate de Liverpool, supportate per le Rockefeller Foundation a registrar le vocabulario international. E. Clark Stillman habeva elaborate un plano de 3 annos de recerca e experimentation que vaderea eventuar in un grammatica e vocabulario nucleari que IALA vaderea recommendar.
- - - - - - - - - - - - - - - - - - - - - - - - - - - - - - - - - -
 1938
    [A] ANSCHLUSS - Germania occupa Austria. Coudenhove-Kalergi pote a pena escappar via Slovachia, Hungaria, Yugoslavia e Italia a Suissa.
    [B] GESTAPO publicava un mandato de arresto super Otto von Habsburg. "Fall Otto" - DER ANSCHLUSS, occupation e annexion de Austria, era le prime de multe "Fälle" (nomes de guerre de operationes militar de Hitler, le plus famose o infamose de illos era der Fall "Barbarossa", le attacco german contra le Union Sovietic)
    [C] Coudenhove-Kalergi incontrava le prime vice Winston Churchill a su domo de campania in Kent, Anglaterra. 1938 E. Clark Stillman era nominate le secretario del Committee de Concordantia e le equipage technic al Universitate de Liverpool era ponite sub su direction. 1939
    [A] Coudenhove-Kalergi in Paris. Le stato major del Union Paneuropee es in Bern, Suissa, sed su centro politic es Paris. Coudenhove-Kalergi deveniva un citatano de Francia.
    [B] Le 1939-05-17, le Die de Paneuropa, un grande manifestation in le theatro de Marigny, Paris.
    [C] Coudenhove-Kalergi discuteva in London con Winston Churchill e Duff Cooper (ex-ministro naval e un ardente supportator de Churchill, presidente del Committee Paneuropee de Britannia) super le questiones paneuropee.
    [D] 1939-09-01 le secunde guerra mundial erumpeva. Le Union Paneuropee manifestava: "Lucta pro le federation europee! EUROPEOS, salva EUROPA!"
    [E] In Paris Coudenhove-Kalergi laborava pro un governamento de Austria in exilio. Ille incontrava le archiduce Otto von Habsburg.

    [F] LE GUERRA HIBERNAL
1939-03-15 Hjalmar J. Procopé arrivava al Statos Unite como ambassador con le nave "Ile de France" (como Coudenhove-Kalergi in 1946).
    03-22 ille discuteva inter quatro oculos durante 45 minutas con le presidente Franklin D. Roosevelt. Roosevelt non credeva al risico de un attacco per le Union Sovietic contra Finlandia.
    09-21 William C. Bullitt, le ambassador del Statos Unite in Paris, advertiva Finlandia de famas que in le negotiationes inter Ribbentrop e Molotov in Moskva on haberea discutite etiam super Finlandia.
    09-24 Le Union Sovietic suggereva negotiationes con le governamento de Estonia.
    09-28 Un pacto signate inter le Union Sovietic e Estonia.
    09-30 Le Union Sovietic suggereva negotiationes con le governamento de Latvia.
    10-01 Le Union Sovietic suggereva negotiationes con le governamento de Lituania.
    10-05 Un pacto signate inter le Union Sovietic e Latvia.
    10-05 Le Union Sovietic suggereva negotiationes con le governamento de Finlandia.
    10-06 Finlandia comenciava concentrar su armea regular al frontiera de Russia.
    10-10 Finlandia startava le mobilisation general, camouflate como extraordinari manovras de repetitione de reservas ("YH" - Ylimääräinen harjoitus - Manovras exceptional).
    10-11 Un pacto signate inter le Union Sovietic e Lituania.
    10-15 Le Union Sovietic comenciava concentrar su armea de attacco al frontiera de Finlandia.
    10-18 Le Union Sovietic comenciava un occupation partial del statos baltic.
    10-23--25 Prime rondo de negotiationes inter le Union Sovietic e Finlandia in Moskva.
    11-02--04 Secunde rondo de negotiationes inter le Union Sovietic e Finlandia in Moskva.
    11-04 Le 8e armea sovietic in Carelia de Ladoga moveva se al positiones de attacco.
    11-11 Marechal Voroszilov dava commando pro fundar "le armea finlandese del populo" ex citatanos finno- e carelophone in le Union Sovietic.
    11-13 Ultime negotiationes inter le Union Sovietic e Finlandia. Le Union Sovietic habeva demandate que Finlandia deberea abandonar al Union Sovietic territorios in le Isthmo de Carelia, certe insulas in le Golfo de Finlandia, le citate Hanko con su periferia e le porto de Lappvik. Como compensation le Union Sovietic offereva plus grande territorios in Carelia del est. Finlandia refusava proque abandonar le territorios demandate per le Union Sovietic haberea significate un serie pejoration del position militar-strategic de Finlandia.
    11-26 Le Union Sovietic arrangiava un provocation ("Mainilan laukaukset" - "Le tiros de Mainila") accusante que le artilleria finlandese haberea tirate al territorio sovietic.
    11-29 Bullitt incontrava in Paris Harri Holma, le ambassador de Finlandia e advertiva ancora un vice que le Union Sovietic vaderea attaccar Finlandia - que illo faceva 12 horas post isto. Bullitt proponeva que Finlandia deberea presentar le cosa immediatemente al Liga de Nationes, le secretario general de qual Joseph Avenol Bullitt appellava "le interprenditor de funerales de parve nationes".
    11-30 Le Guerra Hibernal inter le Union Sovietic e Finlandia comenciava con un attacco aeree per le bombatores sovietic contra Helsinki. Inter le Golfo de Finlandia e le Oceano Arctic attaccava in 3 armeas 11 divisiones e un brigada armate, 460 000 soldatos, 2050 pecias de artilleria e lancea-granatas, 2550 carros e autos armate e 1000 aviones. Le armea sovietic habeva estimate que le guerra esserea practicamente finite in ca. 3 septimanas. Ancora 105 dies postea le armea finlandese combatteva, tunc le Union Sovietic habeva concentrate contra Finlandia 60 divisiones (le mesme quantitate que le armea german habeva in Francia ante le invasion de fortias alliate in junio 1944), ca. 1 200 000 soldatos, e assignate 15 divisiones plus pro le occasion que mesmo iste 60 non haberea essite sufficiente. Le armea finlandese consisteva de 9 divisiones e 4 brigadas plus 3 nove divisionas mal armate (un de illos veniva al fronte solmente le 1940-01-19 e un altere le 02-07), 2 de quales non habeva artilleria.
    1939-11-30--1940-01-07 battalias spectacular in le forestes de Carelia ubi plure divisiones sovietic era annihilate per numeralmente multo inferior truppas finlandese (i.a. le battalias del Via de Raate e Tolvajärvi).
    12-08 Edouard Daladier, le prime ministro de Francia, condemnava con forte parolas (probabilemente instigate per William C. Bullitt) le attacco sovietic.
    Le attaché militar del Statos Unite a Finlandia instigava Cordell Hull, le ministro de affaires estranier a exhortar le gerentes militar a tener le assistania con armas a Finlandia extrememente rapidemente ("Necessity for speed cannot be overemphasized").
    12-12 Le truppas sovietic arrivava ante le linea de defensa principal finlandese ("Le linea de Mannerheim").
    12-14 Hjalmar J. Procopé inviava al State Department del SUA un longe lista de armas ab aviones a cannones anticarro que Finlandia sperava comprar in le SUA. Procopé demandava etiam que Finlandia poterea usar iste 10 milliones de dollares que le SUA habeva promittite prestar a Finlandia, pro comprar armas.
    12-15 Daladier annunciava a Foreign Office de Britannia e Bullitt que Francia habeva decidite a inviar a Finlandia 30 de su plus moderne chassatores (Morane Saulnier) e que ille habeva proponite a supportar le governamentos de Norvegia e Svedia in lor supporto de Finlandia contra le Union Sovietic.
    Le officiales american promitteva a Procopé 43 chassatores Brewster pro esser livrate durante un septimana.
    12-20 Vilho Petter Nenonen, un famose general de artilleria e W., un industrialista arrivava ab Finlandia al SUA pro expedir le acquisationes de materiales.
    12-22 Le armea sovietic voleva offerer Viipuri, le capital de Carelia, le 12-20 a I.V. Stalin como dono del die de anniversario sed era fortiate disrumper le offensiva post grande perditas. Al Isthmo de Carelia comenciava un longe phase de guerra positional durante que le armea sovietic concentrava al Isthmo grande quantitate de soldatos e material pro le attacco decisive.
    12-26 Nenonen e Wahlforss iva a controllar le chassatores Brewster que era promittite le 12-15 "pro esser livrate durante un septimana", il surgeva que le officiales american habeva oblidate procurar licentias de exporto pro le aviones.
 1939
    [A] Alexander Gode compliva examine doctoral, linguas germanic como thema, in le Universitate de Columbia.
    [B] Quando le guerra erumpeva Stillman era a viage in le Statos Unite. Ille arrangiava le cambiamento del bibliotheca e archivo in Liverpool a New York e creava un nove equipage in le SUA que deberea continuar le obra que habeva comenciate in Liverpool in 1937.

1940
    [A] Coudenhove-Kalergi como artillerista. Germania attacca e occupa Francia. Coudenhove-Kalergi escappa via Espania e Portugal al Statos Unite de America.
    [B] Winston Churchill prime ministro de Britannia, paneuropeos Duff Cooper e L.S.Amery ministros in su cabinetto.
    [C] Ida Roland, la sposa de Coudenhove-Kalergi e un actressa famose, recipeva offertas de alicun theatros american e de Hollywood. Benque illa maestrava anglese multo ben, illa refusava e deveniva un collaborator de plen tempore de Coudenhove-Kalergi in lor mission pro le Union Paneuropee.
    [D] Coudenhove-Kalergi demandava dr. Stephen P. Duggan de novo convocar le American Cooperative Committee of the Pan-European Union", que C-K habeva fundate ante 16 annos sub presidentia de Stephen P. Duggan. Desde isto illes organisava sessiones periodic e multe influential statouniteses se inrolava al committee.
    [E] Coudenhove-Kalergi al Council on
  Foreign Relation: - "Si Hitler vincera, il habera un Europa fascista sub conducta de Germania.
- Si Stalin vincera, il habera un Europa bolchevista sub conducta de Russia.
- Si Churchill vincera, il habera un Europa democratic sub conducta anglosaxon."
  [F] Otto von Habsburg 1940-44 in exilio in le Statos Unite de America.

    [G] LE GUERRA HIBERNAL
1940-01-04--02-28 le battalias al costa del nord de Ladoga ubi grande partes de 3 divisiones era incirculate, le incirculation era appellate per le finnos "motti" e iste motti era "Kenraalimotti" ("Motti de generales") proque tres generales sovietic moriva in iste motti.
    01-08 Le attaché militar del Statos Unite a Finlandia repeteva su instigation del rapidissime assistantia de Finlandia con armas, iste vice al general George C. Marshall, le chef del stato major, postea ministro de affaires estranier.
    01-15 Alexis Léger annunciava a William C. Bullitt que "Francia non va secar su relationes diplomatic con le Union Sovietic e non va declarar guerra contra illo sed illo va destruer lo, si possibile - 'usante un cannone' si necessari. Iste replica theatral (Léger deveniva in 1960 famose con nomine Saint-John Perse como autor con premio de Nobel) era obviemente intendite a imponer Bullitt qui era cognite de su sentimentos anti-sovietic.
    01-22 Audientia de ambassador Hjalmar J. Procopé, general Nenonen e sr. Wahlforss a Cordell Hull, le ministro de affaires estranier. Procopé plen de spero passava a sr. Hull un lista extensive de comprar que contineva le chassatores Brewster sed in iste vice etiam 50 bombarderos piccator Northrop. A grande consternation de finlandeses sr. Hull declarava que "Il es totalmente impossibile a iste governamento a vender armas al governamento de Finlandia. Le governamento del SUA se non liga a actiones e communicatos que poterea traher lo al guerra. On non va vender a Finlandia armas, ammunitiones o ulle altere material militar". A proposito, le Union Sovietic era permittite comprar in le Statos Unite durante le Guerra Hibernal comparativemente grande quantitates de material strategic contra pur auro ...
    Tosto post isto Wayne Taylor, le representante del Cruce Rubie, qui habeva retornate ab Finlandia annunciava al Casa Blanc le veritate simple: "Finlandia non besonia adjuta humanitar sed armas que illo pro le momento habeva essite capabile de procurar solmente como prisa de guerra". Sr. Fiorello, le burgomaestro de New York, diceva in un grande reunion pro Finlandia: "On non pote combatter contra bolchevismo solmente con aspirina."
    Walter Lippmann (W.L. supportava Coudenhove-Kalergi e su idea re Union Paneuropee jam in su tournee in le Statos Unite in 1925 e ille supportava le etiam in 1943 in New York) e Dorothy Thompson (D.T. habeva laborate in Vienna como correspondente e intervistate Coudenhove-Kalergi in le 1920s, in 1943 illa supportava le idea paneuropee i.a. in jornales Herald Tribune e New York Post) fortemente criticava in New York Times le governamento del Statos Unite e le presidente Roosevelt pro lor attitude a Finlandia e le New York Times publicava un articulo de fundo con titulo "Aid for Finland".
    02-01 Le grande offensiva del armea sovietic comenciava al Isthmo de Carelia.
    02-06 Ministro Hull per surprisa inviava a Procopé un promemoria in qual ille accentuava que le prohibition de exporto de armas non concerneva interprisas private. Nunc le commercio de armas startava avantiar sed le bureaucratia con le licentias de exporto, manca de material de transporto etc. retardava le livration de materiales tanto que illos arrivava a Finlandia solmente post le fin del guerra.
    02-16 Le "Linea de Mannerheim" se rumper al section de Summa e le truppas finlandese se retirava ante Viipuri ubi pesante battalias continueva al fin del guerra. Viipuri remaneva in manos de finlandeses in despecto de massive e continuante attaccos de truppas sovietic (mesmo in le Isthmo de Carelia del est ubi le defensa de Taipale deveniva legendari).
    03-01 Marechal Mannerheim, le commandante supreme del fortias de defensa finlandese telegraphava al SUA que general Lundqvist, commandante del fortias aeree finlandese habeva demandate del attaché militar american in Finlandia que le Statos Unite vaderea inviar a Finlandia hastemente 150 chassatores e 36 bombatores rapide con equipage american. Presidente Roosevelt tractava le cosa e le State Department annunciava le 03-07 a Procopé que le Statos Unite non poteva consentir con le demanda.
    03-04 Le truppas sovietic attaccava super le glacie del mar al territorio west de Viipuri e secava le via Helsinki-Viipuri. Un grande crise que on poteva eliminar con jectar le ultime battaliones de reserve (i.a. ex Finlandia del nord, ubi un brigada de voluntarios svedese faceva possibile a liberar le ultime battaliones finlandese - ubi le 9e armea sovietic sub commando de general Vasilij Czujkov, postea cognite como defensor de Stalingrad e capturator de Berlin, se preparava al coup de grâce que se non materialisava a causa del armistitio).
    Le prime chassatores american Brewster arrivava a Turku durante que le bombatores sovietic attaccava iste citate, le Brewsters faceva simulate attaccos contra le bombatores. Sed le Brewsters non era preste pro actiones al fronte ante que le guerra era finite. Ironicamente iste chassatores serviva ben le fortias aeree finlandese in le "Guerra continuante" 1941-44 inter Finlandia e le Union Sovietic - mesmo contra Spitfires britannic e Airacobras e Mustangs american que le alliatos livrava al Union Sovietic in iste guerra.
    03-13 Le Guerra Hibernal es finite per le armistitio inter le Union Sovietic e Finlandia. Stalin non osava continuar le guerra a causa de pejorante situation politic in Europa.
    Tosto post le guerra le ministro del financias Henry Morgenthau Jr. (Su patre, ex-ambassator in Istanbul Henry Morgenthau Sr. era un proxime amico del presidente Roosevelt e etiam - via su filia Alma - con Coudenhove-Kalergi) annunciava a Hjalmar J. Procopé le Statos Unite voleva adjutar Finlandia con 100 milliones dollares. Sed le realisation de iste plano retardava proque Roosevelt era malade durante plure septimanas e era finalmente oblidate quando Germania attaccava Danmark e Norvegia le 04-09.
    Durante le ultime dies del guerra Britannia habeva inviate a Finlandia prime 225 soldatos del truppa de 1000. Como commandante de iste truppa era nominate colonnello Kermit Roosevelt, filio del ex-presidente Theodore Roosevelt e cousin del presidente currente, Franklin Delano Roosevelt. Colonnello Kermit Roosevelt qui serviva como voluntario in le armea britannic, habeva prestate juramento militar al bandiera de cruce blau de Finlandia al ambassada de Finlandia in London sed ille non poteva viagiar a Finlandia proque le guerra inter Finlandia e le Union Sovietic era finite. 1940
    [A] Proque Liverpool era fortemente bombardate per le Luftwaffe le stato major del IALA se cambiava a New York.
    [B] Dr. Stephen P. Duggan le 3e e ultime presidente del IALA (1940-50).
    [C] E. Clark Stillman defineva a un incontro in New York le formula basic in accordo de qual le lingua international vaderea esser developpate: "Omne parolas que son commun in le majoritate del linguas romanic e anglese ha le derecto de exister in un lingua international. In iste formula nos ha le plus international criterion que es consistente con obtener un vocabulario adequate. Il es difficile vider como ulle altere base de selection poterea essite trovate que non esserea plus arbitrari e minus international in su resultatos" 1941
    [A] Coudenhove-Kalergi proponeva que le SUA deberea occupar Islanda (Cavendish Cannon, Cordell Hull, Henry Morgenthau Sr., Franklin D. Roosevelt).
    [B] Adjutate per Nicholas Murray Butler, le presidente del Universitate de New York, qui recommendava le al rector de universitate, Harry Woodburn Chase, Coudenhove-Kalergi deveniva le chef del Seminario de Recerca pro un Federation Europee Postguerral. Le seminario era financiate per le Fundation de Pace de Carnegie. Le seminario deveniva le nove stato major del movimento paneuropee.
    [C] Pearl Harbor, le Statos Unite in stato de guerra. Le matre de Coudenhove-Kalergi mori.
1941
    [A] Carnegie Endowment for International Peace era representate etiam in le conferentias de IALA, e.g. per Dr. Malcolm Davis e Dr. James T. Shotwell.

OCCIDENTAL - INTERLINGUE
    [B] Le ultime annos de Edgar de Wahl era tragic. Post le armea sovietic habeva occupate Estonia su sposa era deportate a fatos incognite. Post Germania habeva occupate Estonia Edgar de Wahl era incarcerate, proque ille non habeva usate le possibilitate del clausula Ribbentrop - Molotov a cambiar a Germania sed declarate que ille non voleva ir a tal "Termitenstaat".
1942 10 annos desde morte de Aristide Briand. In America on jubila solmente le anniversarios de nascentias, non illos del morte. Nulle problema, 3 septimanas postea occurreva le 80e anno de nascentia de Briand! Proque Briand era doctor h.c. del Universitate de New York, le grande aula del universitate era ponite al disposition del festa. 1942 Alexander Gode, le director assistante de recerca del IALA, scribeva in su reporto "Le stato presente del recerca del IALA" que "le foco de omne interprisas del IALA es le compilation de un vocabulario international".
1943
    [A] Le 5e congresso paneuropee in New York sub auspicio del Universitate de New York. Le inauguration del conferentia habeva loco in le grande sala de ballo del Hotel Waldorf-Astoria. Le presidente del inauguration era William C. Bullitt, le ex-ambassador del SUA in le Union Sovietic e Francia. Rector Chase parlava pro le universitate e Stephen P. Duggan pro le Committee Europee de America. Bullitt era etiam un bon amico de Hjalmar J. Procopé. Post le guerra Procopé traduceva le libro "The Great Globe" de Bullitt a svedese.
    Interessantemente le representante de Finlandia in iste congresso era Rudolf Holsti, ex-ministro de affaires estranier e de tempore in tempore un rival de Hjalmar J. Procopé. Coudenhove-Kalergi non mentiona in su memorias que ille haberea incontrate Procopé durante le guerra in le SUA sed illo es bastante probabile benque Procopé non poterea haber extra tempore pro le movimento paneuropee.
    [B] Quatro dies ante le conferentia Winston Churchill pronunciava in radio un oration al mundo. (In Basic English? - AK)
    [C] Coudenhove-Kalergi tentava contactar le presidente Franklin D. Roosevelt per mediation de Nicholas Murray Butler e William C. Bullitt qui habeva essite un fiduciario jam del presidente Wilson, ille habeva scripte le famose "decequatro punctas" e ille participava al conferentia del pace in Paris post le prime guerra mundial. Infortunamente Roosevelt appareva esser un opponente del Union Paneuropee. Illo era un pesate colpo pro le movimento paneuropee!
    [D] Le libro Crusade for Paneurope de Coudenhove-Kalergi era publicate in New York. 1943 Dr. Alexander Gode deveniva le director de recerca del IALA post que Stillman habeva entrate al servicio governamental.
1944  [A] Coudenhove-Kalergi era nominate professor de historia al Universitate de New York.
    [B] C-K discuteva super le Europa postguerral con i.a. Sikorski, le prime ministro del governamento de Polonia in exilio, Tsouderos, le prime ministro de Grecia, Paul Henri Spaak, plus tarde un del architectos principal del Union Europee, Benesz e Masaryk.
    [C] Ida Roland arrangeva in le SUA grande activitates pro adjuta de Austria e fundava un organisation official American Relief to Austria. In iste activitates un del plus diligente collaboratores sue era archiduce Otto von Habsburg e su soror.
1944 Dave Hennen Morris moriva.
 1945
    [A] Franklin D. Roosevelt moriva. Harry Truman le nove presidente del SUA.
    [B] Conferentia de fundar le ONU - Organisation del Nationes Unite in San Francisco. Coudenhove-Kalergi contactava illac i.a. Lleras Camargo, ministro de affaires estranier de Colombia, duces del Liga Arabe, general Romulo, le Philippinas, Sophianopoulos, ministro de affaires estranier de Grecia e marechal Jan Ch. Smuts, le presidente de Africa del Sud. Coudenhove-Kalergi faceva un conferentia del pressa e pronunciava un discurso al Universitate de Berkeley.
    [C] Adolf Hitler moriva. Coudenhove-Kalergi faceva un grande tour de propaganda trans le Statos Unite, Ida Roland organisava plus adjuta pro Austria.
    [D] Harry Truman, le nove presidente del SUA era un supportator del idea del Statos Unite de Europa e con Roosevelt dispareva le elementos pro-russe in le SUA. George Creel, correspondente in Washington del Collier (un magazin famose) e le chef de propaganda del presidente Wilson durante le prime guerra mundial, publicava in Collier un articulo super Harry Truman e le Statos Unite de Europa. Le articulo era publicate in le Readers Digest e illo diffundeva super tote le mundo.
1945 Dr. Alexander Gode continuava le programma del recerca e su labor culminava in le "General Report" (Reporto General) de 1945, que presentava le bases theoretic del recercas del Association: le concepto del vocabulario international; le regulas establite pro le eligibilitate de parolas; lor standardisation secundo le prototypos etymologic e le characteristicas general del grammatica proponite.
1946
    [A] Coudenhove-Kalergi conduceva discussiones extensive con subsecretario de stato Dean Acheson e con George Kennan e Ben Cohen.
    [B] Le 1946-06-09--18 Coudenhove-Kalergi retornava a Europa (Francia) con un parve nave a vapor francese, "Oregon" - exactemente 6 annos post que ille habeva lassate Europa. Durante le viage C-K recipeva un telegramma de Winston Churchill ubi ille demandava que C-K deberea incontrar in Paris le filio affin de Churchill, Duncan Sandys. Ille appareva a Gstaad, Suissa e diceva a C-K que Winston Churchill planava un initiativa paneuropee e voleva collaborar con C-K. C-K incontrava Churchill in Geneva.
    [C] Winston Churchill faceva le 1946-09-19 su oration famose a radio in Zürich.
    [D] Coudenhove-Kalergi discuteva in Anglaterra con Winston Churchill super le reorganisation del movimento paneuropee. Le obra continuava etiam in Paris.
    [E] Hjalmar J. Procopé era compromittite in le oculos del duces sovietic e su carriera politic era post le guerra finite. In 1946 ille como advocato coragiomente defendava le homines de stato finlandese qui era accusate como "culpabiles de guerra" in un farsa de processo instigate per le officiales sovietic. Inter le accusatos era le presidente Risto Ryti e Edwin Linkomies, prime ministro e cancellero del Universitate de Helsinki, un latinista. 1946
    [A] Le IALA invitava Dr. André Martinet ex Sorbonne a New York e confideva a ille le direction de su recerca interlinguistic.
    [B] Le producto del IALA era pro le prime vice appellate Interlingua.
    [C] Professores Martinet e J.P. Vinay preparava un questionario satis grande de 127 questiones in anglese e francese que illes distribueva a expertos in varie paises pro saper lor commentos super le variantes proponite in le General Report de 1945.
1947
    [A] Un oration sensational de John Foster Dulles (ministro de affaires estranier del SUA 1953-59) pro Europa unite.
    [B] Coudenhove-Kalergi scribeva un "Appello al citatanos del Statos Unite de America pro le Statos Unite de Europa". Le appello era subscripte per multe eminentias american, politicos, authores, clericos, nobelistas, rectores, scientistas, jornalistas e homines de affaires. Etiam senator William J. Fulbright supportava le appello.
    [C] Post iste successo total in le SUA C-K retornava a Europa con le nave "Queen Elizabeth" e tosto incontrava Winston Churchill. Ille habeva fundate le "Committee of the United Europe Movement" sed habeva confrontate le opposition del partito de Labour.
    [D] Coudenhove-Kalergi participava al festivitates del 500e anniversario del Universitate de Bordeaux como un representante official del Universitate de New York.
    [E] Como un grande surprisa Duncan Sandys comenciava ager contra Coudenhove-Kalergi e le Union Paneuropee proque Sandys voleva un union de soverane statos sed nulle stato federal europee. Le scopo de Coudenhove-Kalergi era un stato federal europee, con un governamento e parlamento federal, con Britannia, si possibile, sin Britannia, si necessari sed nunquam contra Britannia. Coudenhove-Kalergi fundava un union del parlamentaricos europee. Sandys tentava torpedar iste initiativa sed ille non succedeva i.a. proque C-K era supportate per René Coty, plus tarde le presidente de Francia.
    [F] Coudenhove-Kalergi viagiava de novo al SUA ubi ille discuteva con le presidente Harry Truman e George C. Marshall, le ministro de affaires estranier del SUA. 1947 IALA habeva elaborate un quarte variante e habeva modificate le altere tres. Iste quatro variantes era inviate a 3.000 personas appropriate in varie paises e era utilisate como le base de un sondage de opiniones demandante le variante preferite. Includite con le variantes il habeva un explication del plure argumentos in justification de cata variante.
1948
    [A] Coudenhove-Kalergi fundava in le SUA le "American Committee for a Free and United Europe". Le presidente de iste committee deveniva senator William J. Fulbright e vice-presidente William C. Bullitt, le presidente honorari Coudenhove-Kalergi.
    [B] Quando Coudenhove-Kalergi era in le SUA, Winston Churchill preparava a Haag un conferentia europee. Coudenhove-Kalergi non era invitate a iste conferentia ante que ille scribeva a Winston Churchill. Conflicto de bandieras. A Haag C-K incontrava Konrad Adenauer de qui ille habeva audite nihil durante multe annos. Le conferentia declarava un resolution de un parlamento europee.
    [C] Georges Bidault, le ministro de affaires estranier de Francia proponeva a conferentia ministerial que on debe fundar le Union Europee e un parlamento europee. Le initiativa final veniva de Robert Schuman, le nove ministro de affaires estranier de Francia. Sequeva le conferentia a Interlaken, Suissa. Post isto Coudenhove-Kalergi scribeva un brochure con nomine Europe seeks Unity pro le Universitate de New York.
    [D] Era fundate le "Committee de Studios pro le Union Europee". Como su presidente deveniva Edouard Herriot, tres vices le prime ministro de Francia. In 1925 ille habeva dicte a Coudenhave-Kalergi: Le plus grande sperantia mie es que io poterea un die vider le realisation del Statos Unite de Europa!" Post profunde divergentias de opiniones inter Francia e Britannia on attingeva a un compromisso: Le Consilio Europee.
OCCIDENTAL - INTERLINGUE
1948
    [A] Edgar de Wahl moriva le 9 de martio 1948 in le etate de 81 annos. Ille es interrate in le cemeterio orthodoxe de Alexander Nevski in Tallinn. Su casa e su archivos era destruite in bombardamentos.
    [B] André Martinet se jungeva al Universitate de Columbia. Ille era succedite per Alexander Gode como director del recerca del IALA. 1949 Britannia tentava facer saltar le Union de Parlamentaricos. Le consilio central del Union Paneuropee incontrava in Strasbourg; René Coty, Konrad Adenauer e alteres. De novo il era René Coty, qui salvava le union. 1949 Alexander Gode scribeva a André Martinet: "Nos parti ex le assumption que il existe un vocabulario international apparente in un multiplicitate de variationes national, attendente de registration in un forma standardisate que pote tunc servir in conjunction con un systema adequate de grammatica como un practic lingua auxiliar."

1950
    [A] Le obra del vita del conte Richard Nikolaus Coudenhove-Kalergi obteneva un recognoscentia grandiose quando a ille era le 1950-05-18 como prime persona assignate le premio del Carolo Magne del citate Aachen. Le "Sacre Imperio Roman" de Carolo Magne era le prime predecessor del Union Europee cuje frontieras astonantemente correspondeva los del prime version del Union Europee - Aachen/Aaken/Aix-la-Chapelle/Aquae era su capital. Le festa del premio del Carolo Magne comenciava in le mesme cathedral ubi Carolo Magne ipse habeva precate e ubi ille es sepelite. Ab illo on vadeva al Kaiserpfalz ubi 34 imperatores del Sacre Imperio Roman era coronate.
    [B] Le secunde conferentia de parlamentaricos german-francese occurreva in Basel. Inter le participantes era Paul Loebe qui habeva essite le director del delegation german al prime conferentia del Union Paneuropee in Vienna 1926.
    [C] Le tractato de Roma inter Francia, Germania, Italia e le statos Benelux era le prime passo in le realisation del Union Europee.
1950 Alice V. Morris moriva. Illa laborava infatigabilimente pro su idea durante 26 annos. Sin su financiamento le extensive obra international de developpamento de Iinterlingua non haberea essite possibile. Illa moriva sin vider su obra preste - Interlingua era finite un anno plus tarde.
1951
    [A] Ida Roland, la sposa de Coudenhove-Kalergi, moriva.
    [B] Coudenhove-Kalergi presentava a Charles de Gaulle que ille pronunciarea le 1952-01-25, le anniversario del Carolo Magne, ex Aachen in germano un appello a Europa pro restauration le imperio carolinge in spirito del 20e seculo. Heinrich von Brentano, le presidente del Union de Parlamentaricos Europee, vaderea responder in francese.
    [C] Otto von Habsburg maritate con Regina Princessa de Sachsen-Meiningen, septe infantes.
CONSTITUTION EUROPEE 1951
    [D] Post le Assemblea Europee, Strasbourg 1950, associava se un "Committee de constitution pro le Statos Unite de Europa", que consisteva de Coudenhove-Kalergi como secretario general del committee, le membros: Benvenuti (Italia), Bohy (Belgica), von Brentano (Germania), Braun (Saarland), Maccas (Grecia), Mackay (Britannia), Maxudi (Turchia), Philip (Francia), Schmal (Nederland), Wolters (Luxembourg). Pro le texto de iste constitution in germano e interlingua .
1951
    [A] Interlingua era complite post extensive labor international durante 27 annos con publication de libros
- Interlingua-English (IED), a dictionary of the international language prepared by the research staff of the International Auxiliary Language Association under direction of Alexander Gode, Ph.D. Frederick Ungar Publishing Co. New York 1951 (2nd edition 1971, 415 pp, ISBN 0-8044-0188-8).
- Interlingua, a grammar of the international language, prepared by Alexander Gode and Hugh E. Blair of the Interlingua Division of Science Service (formerly of the research staff of the International Auxiliary Language Association) recommended for use in connection with the Interlingua-English Dictionary. Frederick Ungar Publishing Co. New York 1951 (2nd printing 1971, 118 pp, ISBN 0-8044-0186-1).
    [B] Alexander Gode declarava que "Interlingua non es un nove lingua artificial sed un lingua natural sin essente un lingua national".
1952
    [A] Coudenhove-Kalergi se marita con le contessa Alix Tiele-Bally in le ecclesia St. Pierre de Chaillot, Paris.
    [B] Reconciliation inter le Union de Parlamentaricos Europee (Coudenhove-Kalergi) e le Movimento Europee (Winston Churchill e Duncan Sandys). Le prime session mutual de iste organisationes habeva loco in Paris, in le palatio presidential del assemblea national in Paris, sub presidentia de Edouard Herriot. Alicun dies postea incontrava in Luxembourg le session general del Movimento Europee sub presidentia de Paul Henri Spaak. Konrad Adenauer, Winston Churchill, Alcide de Gasperi, Robert Schuman, Paul Henri Spaak e conte Richard Coudenhove-Kalergi era nominate presidentes honorari del movimento, Coudenhove-Kalergi como sol persona private, omne alteres era ex-prime ministros. 1952-79 Le magazin scientific Spectroscopia Molecular era publicate in le SUA. Durante iste periodo illo imprimeva quasi un million parolas in 1650 paginas in interlingua.
1953 IALA era dissolvite e reimplaciate per le Division de Interlingua del Science Service, dr. Watson Davis como director.
1953-66 Alexander Gode publicava un magazin "Scientia International" que contineva referentias ex "Science Newsletter".
1953-
    [A] Professor Russell F. Trimble, travaliante con Ronald Spathaky e André Schild developpava le nomenclatura de compositos chimic in interlingua. Summarios de 11 congressos e plus de 20 magazines medic era publicate in interlingua. Alexander Gode traduceva milliones de parolas a interlingua - un summario de un publication sovente excedeva 100 000 parolas.
    [B] Alexander Gode faceva correspondentia extensive con eminente interlinguistas europee, como Brian C. Sexton (Grande Britannia), Ric Berger (Suissa), med. dr. Hugo Fischer (Suissa) e L.M. Guesnet (Francia) e con professor Stanley Mulaik (le SUA) qui es ancora in 2002 un interlinguista active.
 1954
    [A] In le Palais du Luxembourg in Paris, le edificio del senato, le fusion final inter le Union de Parlamentaricos Europee e le Movimento Europee era executate sub presidentia de de Gasperi sub nomine Consilio Parlamentari del Movimento Europee. Como presidente de iste nove organisation deveniva Georges Bohy (Belgica, etiam le presidente del Union de parlamentaricos socialiste pro le Statos Unite de Europa). Coudenhove-Kalergi, le sol non-parlamentarico, era nominate como membro pro tote le vita.
    [B] Reorganisation del Union Paneuropee.
    [C] Le 6e congresso paneuropee in Baden-Baden.
    [D] Hjalmar J. Procopé moriva, un die post que ille habeva votate in le election parlamentari.
1955
    [A] Le 7e congresso paneuropee, de novo in Baden-Baden.
    [B] Le Premio de Carolo Grande era prestate a Winston Churchill in Aachen. In le memorias de Coudenhove-Kalergi es un pictura de iste occasion con Winston Churchill, Coudenhove-Kalergi, Konrad Adenauer, Jean Monnet e Hendrik Brugmans.
1955 Le 1e Conferentia International de Interlingua in Tours, Francia, ubi Le Union Mundial pro Interlingua (UMI) era fundate le 28 de julio 1955. Le UMI collabora con le organisationes national de Interlingua.
    Como le prime presidente del UMI era electe Alexander Gode-von Aesch.
1956
    [A] Coudenhove-Kalergi deveniva un membro del Legion de Honor francese e ille era decorate con le grande cruce de merito del Republica Federal de Germania.
    [B] Le revolta in Hungaria. Coudenhove-Kalergi:
"Le revolution europee ha justo comenciate. Trans le cortina de ferro. In Hungaria. Le juvene hungaros e hungaressas qui habeva battaliate a barricadas in Budapest contra le carros armate russe, ha morite etiam pro Europa. Illes non era tanto naive a creder que le parve Hungaria poterea haber un existentia pacibile e independente inter Europa e le Union Sovietic. Illes battaliava pro le unification de Hungaria con Europa. Talmente illes battaliava non solmente pro lor parve patria de magyaros sed etiam pro lor grande matre patria Europa.
    Iste battalia heroic de nostre fratres e sorores hungare deberea enthusiasmar le juventute del tote le Europa. Ille deberea esser preste a viver pro Europa e, si necesse, a morir.
    Le grande decisiones de historia del mundo occurre in capites e cordes del gente. Le Europa nove non va nascer a tabulas verde, sed in milliones juvene cordes.
    Pro crear iste Europa de cordes, le grande nation europee, es le legato del movimento paneuropee al juvene generation."
 1957
    [A] Pacto de Roma. Le mercato commun europee e le Euratom era fundate. Coudenhove-Kalergi scribeva: "Le Rubicon es transpassate! Le via es nunc aperte al Statos Unite de Europa!". Le Union Paneuropee habeva luctate pro le mercato commun jam desde plus de 30 annos per personalitates como Loucheur, Mayrisch, Heineman, Bücher, Robert e Carl Bosch e multe alteres.
    [B] Le 8e congresso paneuropee al banio de Bad Ragaz, Suissa. Illo es le placia de nascentia de contessa Alix Bailly-Thiele, le secunde sposa de Coudenhove-Kalergi. Le banio era fundate e edificate per le famose architecto suisse Bernhard Simon, le granpatre del contessa Bailly-Thiele e membro del Academia Imperial de Artes de St. Peterburgo. Le conferentia tractava i.a. le question de Cypro (sic!). Coudenhove-Kalergi: "Inter le oratores del congresso era etiam archiduce Otto von Habsburg - un del plus eminente e capace representantes de plus juvene (hodie 90 annos - AK) generationes de paneuropeos con comprehension extraordinari de omne questiones super politica europee. Le congresso eligeva le como membro del consilio central del Union Paneuropee."
    Le thema central del congresso era le constitution europee. Coudenhove-Kalergi:
"Convocation de un constitution europee ha devenite necessari proque in despecto del grande successo del ideal europee post le annos postguerral le unitate europee es edificate super sablo. Si le union economic europee non es cementate per un union politic, persiste le risico que illo va un die collaber."
[Talmente scribeva Coudenhove-Kalergi 45 annos ante le Convention del futuro de Europa presidite per Valéry Giscard d'Estaing - AK].
1957 Le 2e Conferentia International de Interlingua in Basel, Suissa.
1959 Le 3e Conferentia International de Interlingua in Tours, Francia.

1963. Le prime numero del CURRERO INTERNATIONAL DE INTERLINGUA, Magazin del Union Mundial pro Interlingua (UMI), era publicate. Le redactor in chef era H.P. Frodelund, Danmark.
1965. Le libro "Nordin John. Svensk-Interlingua ordbok med kort grammatik (Dictionario svedese-interlingua con grammatica breve), Norstedts, Stockholm" era publicate.
1966 The Interlingua Division of Science Service era dissolvite
1967
    [A] Hugh E. Blair moriva.
    [B] Alexander Gode e su sposa Alison establiva un interprisa commercial, Interlingua Translations.
    [C] Ingvar Stenström, Varberg, Svedia, comenciava inseniar interlingua in le Gymnasio de Varberg sub rubrica "Allmän sprĺkkunskap" (Cognoscentia general de linguas).
1968 Alexander Gode scribeva in le Encyclopaedia Americana: Interlingua se differe de su competitores in que su elaboration non era instigate per desiro pre-existente a provider le humanitate con un lingua universal sed per le invention secondari que un quantitate de premissas poterea esser usate in tal interprisa. Iste premissas son (1) le existentia de un "international vocabulario scientific" e (2) le proxime affinitate structural inter omne linguas del civilisation occidental.

1970
    [A] Professor André Martinet era promovite doctor h.c. al Universitate de Turku, Finlandia.
    [B] Alexander Gode moriva. Ille era un de prime laureatos del premio adjudicate per le Fédération Internationale des Traducteurs, un organisation que es affiliate con UNESCO "pro su vita dedicate a causa de traductores e traduction".
    [C] The Interlingua Institute era fundate in le Statos Unite. Le prime directores era: Henry Fischbach (presidente), Alexander Gode (director executive), Alison Gode (vice-director executive) e Alice Morris Sturges (vice presidente). Inter le membros del directorate era Dave H. Morris, Jr., filio de Alice V. Morris e Dave H. Morris, Sr, Russell F.W. Smith (decano del School of Continuing Education at New York University) et alii. Alexander Gode moriva in le mesme anno e Alison Gode deveniva le nove director executive.
    [D] Curso de Interlingua. Lehrgang in zwanzig Lektionen de André Schild (Suissa) era publicate.
1971
    [A] Nove editiones del Interlingua-English Dictionary e Interlingua Grammar era publicate.
    [B] Le 4e Conferentia International de Interlingua in Basel, Suissa.
1971-78
Ric Berger, Suissa, publica duo series de librettos, Collection pro Interlingua e Encyclopedia de Interlingua, que son remarcabile tresores bibliophilic.
1972


Le 1972-07-27 moriva le propheta e pionero del Europa unite, conte Richard Nikolaus Coudenhove-Kalergi.

1973 Archiduce Otto von Habsburg era nominate le presidente del Union Paneuropee International.
 1973
    [A] Grammatica de Interlingua in interlingua de Karel Wilgenhof (Nederland) era publicate.
    [B] Frank Esterhill deveniva le director executive e Alison Gode le secretaria del Interlingua Institute. Le instituto comenciava distribuer in le Statos Unite litteratura in interlingua que era publicate in Europa.
1974 Le 5e Conferentia International de Interlingua in Norwich, Anglaterra.
1974-75 Frank Esterhill pronunciava discursos in le seminarios de interlinguistica al incontros annual del Modern Language Association.
1974-83 Eduardo I. Juliet, MD, assistite per Alison Bertsche, provideva summarios in interlingua al New York State Journal of Medicine.
1974- Fischbach, Gingold e Hammond parlava a incontros del American Translators Association e American Council on the teaching of Foreign Languages. Professor Leland Yeager perorava a incontros del American Society of Geolinguistics.
1976-77 Era publicate in interlingua le Multilingual Compendium of Plant Diseases per dr Paul R. Millere Hazel Pollard pro le American Phytopathological Society for the United States Agency for International Development.
1978 S.W. Buckhalter, Espania, comenciava traducer le Biblia original ex hebreo a interlingua.

1981
    [A] Ingvar Stenström pronunciava al The 6th International Congress of Applied Linguistics, Lund, Sweden un discurso "The Interlingua of IALA. - From the linguists' project of 1951 to the working 'Tool of international scientific communication ' of 1981."
    [B] Thomas Breinstrup, un juvene danese in etate de 15 annos, comenciava publicar Heraldo de Interlingua, un jornal in interlingua, que in 1988 fusiava con Currero al PANORAMA, le organo principal del UMI - Union Mundial pro Interlingua.
1983 Le 6e Conferentia International de Interlingua in Sheffield, Grande Britannia.
1985 Le 7e Conferentia International de Interlingua in Taastrup, Danmark.
1986 Libros de Interlingua presentate in Xi'an, China.
1987
    [A] Le 8e Conferentia International de Interlingua in Paris, Francia.
    [B] Publicate: Concise English-Interlingua Dictionary per F.P. Gopsill e B.C. Sexton, assistite per P.Berwick, F. Esterhill e R.V. Spathaky. British Interlingua Society.
 1988 PANORAMA in interlingua (periodico international in le lingua auxiliar interlingua) succedeva le CURRERO (publicate 1963-1988) como le organ principal del UMI - Union Mundial pro Interlingua. Redactor in chef era Thomas Breinstrup, un juvene danese.
1989
    [A] Le 9e Conferentia International de Interlingua in Zwolle, Nederland.
    [B] Leland B. Yeager appunctate le presidente del Interlingua Institute.

1989 Picnic paneuropee, Sopron, Hungaria. Walburga von Habsburg face historia mundial con cisorios

[1]                                                           [2]                                                           [3]

    [1] Archiduchessa Walburga von Habsburg Douglas, la secretaria general del Union Paneuropee International, in San Marino AD 2002.
    [2] Frontiera del nordwest de Hungaria, a presso del citate Sopron, ubi on organisava in 1989 le legendari "Picnic paneuropee". Nota le turre de guarda espaventabile, le quales tunc terrificava Europa como crampas del cortina de ferro. Walburga von Habsburg, filia del archiduce Otto von Habsburg, secava in le filo spinose un apertura per qual 650 germanos del est marchava al libertate. Ille bravada non era sin risicos proque le guardas del frontiera hungare ancora era sub ordine a fusilar le transpassatores. Le commandante hungare diceva: "Nos pote arrestar vos, tirar vos o reguardar foras. Vos son centos. Tunc nos reguarda foras ...!" Plus tarde Erich Honecker ipse admitteva que iste "Picnic Paneuropee" era le ultime gutta post que on non poteva impedir le muro de Berlin de rumper. Quando le 2002-04-10 Otto von Habsburg era demandate in le intervista del Salzburger Nachrichten si Walburga von Habsburg era le prime persona qui secava un apertura in le filo spinose ille respondeva: "Klitz, klatz, klatz, den Draht durchgeschnitten und aufgemacht!" ("Klitz, klatz, klatz, le filo secate e aperite!").
    [3] Walburga von Habsburg confirma con su autographo le pecia del cortina de ferro qui illa habeva secate e que le citatanos del RDA, qui jam habeva promenate al libertate, retornava a apportar como souvenir.
1990
    [A] James M. Buchanan (Statos Unite de America, nascite in 1919) era appunctate le prime associato distinguite del UMI (Union Mundial pro Interlingua) "pro su labor seriose pro promover interlingua como instrumento moderne de communication international". Ille laborava al Universitate George Mason in Fairfax, Virginia, SUA e ganiava in 1986 le premio Nobel in scientia economic.
    [B] Era fundate le Union Brasilian de Interlingua (UBI) e tenite le prime congresso brasilian pro Interlingua.
1991 Otto von Habsburg era informate super le avantages de Interlingua per professor Július Tomin, Czechoslovachia. Le responsa de Otto von Habsburg: "... per le phrase scripte in interlingua io conclude - il se tracta de catalano, que io ama, proque illo es si proxime al latino".
1991
    [A] Le 10e Conferentia International de Interlingua in Helsingborg, Svedia.
    [B] Professor P. Giovanni Blandino, Italia, era appunctate le secunde membro distinguite del Union Mundial pro Interlingua (UMI).
    [C] Era fundate le Commission Linguistic del Union Mundial pro Interlingua, cuje presidente era nominate professor Ferenc Jeszenszky, Hungaria.
    [D] Johannes Paulo II, le Papa, recipeva alicun editiones del PANORAMA e le Bibliographia de Interlingua como information.
    [E] Piet Cleij, Nederland, era appunctate le secretario general del UMI.
    [F] Elder Mfumwabana N'kulu, pastor del ecclesia reformate in Zaďre, nascite in 1948, era nominate le prime representante official del UMI sur le continente african.
1993
    [A] Professor Robert Austerlitz pronunciava un discurso "The Early Phase of the Linguistic Circle of New York, Confluence or Rigid Resistance" al 38e Conferentia annual del International Linguistic Association.
    [B] Publicate: Wörterbuch Deutsch-Interlingua per André Schild, Suissa, postea finite e revidite per Helmut E. Ruhrig, Suissa. Processamento computatorial per Arne Pedersen e Bent Andersen. Servicio de Libros UMI 1993. 520 p. 50 800 entratas. [Edition electronic]
    [C] Le 11e Conferentia International de Interlingua in Borne, Nederland. Professor emeritus Leland B. Yeager (Statos Unite) era appunctate le 2e presidente del UMI.
    [D] Deanna Hammond appunctate le presidente del Interlingua Institute.
1995
    [A] Otto von Habsburg era promovite doctor h.c. del Universitate de Turku, Finlandia. [B] Le Union Paneuropee retornava a Finlandia. In connexion del affilamento de spadas doctoral como parte del seremonias promotional in le Universitate de Turku archiduce Otto von Habsburg signava le documento de fundation del Circulo de Amicos Paneuropee in Turku. In 1996 le circulo se expandeva al Section Finlandese del Union Paneuropee International cuje presidente era selecte Luigi G. de Anna, professor de lingua e cultura italian al Universitate de Turku.
1995
    [A] Nove edition del Grammatica de Interlingua de Karel Wilgenhof publicate.
    [B] Le 12 Conferentia International de Interlingua in Praha, Czechia.
1997
    [A] Publicate: Ingvar Stenström, OCCIDENTAL-INTERLINGUE. Factos e fato de un lingua international. Societate Svedese pro Interlingua. Varberg 1997.
    [B] Le 13e Conferentia International de Interlingua in Strasbourg, Francia
    [C] Sra Alison Bertsche, le vidua de Alexander Gode e Frank Esterhill trovava in New York le archivo del IALA, que contineva material ab 1924 e pesava 75 kg. Le archivo era donate al New York Public Library.
1998 Professor André Martinet era appunctate in etate de 89 annos le tertie membro distinguite del UMI.
 1999
    [A] Le 14e Conferentia International de Interlingua in Focsani, Romania. Le 3e presidente del UMI era appunctate Jesper Olsson, Svedia e vice-secretario Emerson ("Ensjo") José Silveira da Costa, Brasil.
Un salute special veniva ab le prime associato distinguite del UMI, James M. Buchanan (SUA), premiato de Nobel. Ille se gaudeva que le UMI se reuniva in Romania e desirava omne successo. "Vostre effortios es plus utile ora, pois que io sensa que le impeto verso le anglese como lingua international sembla debilitar se, specialmente que le Union Europee cerca distantiar se ab le influentia del Statos Unite".
    [B] Professor André Martinet moriva in etate de 90 annos.
    [C] Era fundate le Suomen Interlinguayhdistys r.y. (SILY) - Association Finlandese pro Interlingua (AFIL).

Actualisate le 2009-02-21

Administrator de iste sito:
--------------------------
Allan Kiviaho
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua