 |
18e conferentia international de interlingua Kirchheimbolanden, Germania, 2009-07-25--08-01 |
|
| Iste pagina es dedicate al UGI - Union German pro Interlingua (Deutsche Interlinguaunion) que era fundate le 28 de julio durante le 18e Conferentia International de Interlingua in Kirchheimbolanden, Germania. |
AFIL - Association Finlandese pro Interlingua |
Le sito del conferentia era superbe - un residentia de Kurfürsten (principes electoral). Totevia, iste edificio magnificente era solmente un "parve residentia". Nos povre interlinguistas nos demandava, qual era le "grande residentia".
Detra nos es un carcere e apud illo sta un furca (que altere?). Brita-Lisa pensava que forsan le pupillos, qui non passa le curso de interlingua pro comenciatores, va esser affurcate illac.
|
 Ante le portas del centro de conferentia sta Brita-Lisa Kiviaho, la secretaria del AFIL - Association Finlandese pro Interlingua. Le edificio es "le parve residentia" (pro nos illo non semblava tanto parve) de ancian Kurfürsten (principes electoral). Al fin del casa es le placa memorial de Georg von Neumayer, le grande filio de Kirchheimbolanden. (Vide le sequente pictura). |
 Real Consiliero Secrete del Admiralitate, director del Observatorio thalassographic in Hamburg, era nascite in iste casa le 21e junio 1826. A su distinguite cocitatano honorari dedicate in anno 1902 ex le Citate Kirchheimbolanden |
Uno de mi plus amate tresores es le massive encyclopedia (Meyers Konversationslexikon, Leipzig 1888). Mi patre comprava lo, quando ille studiava in Dresden, Germania in 1900-1904. Ille comprava le libro in un antiquariato - totevia postar lo a Finlandia costava un proprietate. In iste libro io trovava un articulo super Georg von Neumeyer. A proposito, il non es impossibile que ille inviava le libro a Finlandia in le mesme anno (1902), quando le placa memorial de Georg von Neumayer era fixate al muro a Kirchheimbolanden ...
|
Neumayer, G e o r g, geophysico, hydrographo e meteorologo, nascite le 21e de junio 1826 a Kirchheimbolanden in le Palatino bavarese, studiava in München ingenieria, scientias natural e mathematica, in Hamburg sub Rümker nautica e deveniva inseniator in le schola de navigation de ille placia. 1852-56 ille faceva viages como marinero, visitava le campos de auro australian e Australia del sud e retornava a Europa como timonero a bordo del nave american The Sovereign of the Seas. A suggestion del rege Max de Bavaria ille interprendeva in 1857 de nove un viage de exploration scientific a Australia del sud. A iste viage ille discoperiva, independentemente de discopertas ante tres annos, que habeva remanite incognite, le isolas de Mac Donald alias de Heart, le quales ille nominava "König Max-Inseln" (Isolas del Rege Max). In Australia le governamento colonial anglese transmitteva le le fundation e direction del Flagstaff Observatory a Melbourne. Retro in Germania, Neumayer participava intensemente a agitation e organisation pro le expeditiones a polos nord e sud respecto a observationes magnetic, metereologic e illos de pendel in ambe hemispherios assi como al exploration de partes interne de Australia e Africa. In collaboration con Adolf Bastian ille fundava in Berlin le Deutsche Afrikanische Gesellschaft (Compania German de Africa). Nominate 1872 le hydrographo del Admiralitate Imperial, ille era in iste officio particularmente active pro le instructiones scientific a commandantes de naves de guerra del marina imperial e pro le fabrication de instrumentos proprie, assi como pro le edition de "Annales de Hydrographia e Meteorologia Maritime". Post cambiamento del Deutsche Seewarte (Observatorio Maritime German) in Hamburg a un institute imperial ille era 1876 nominate al director de illo e ille ha desde alora facite le institute cognite presso multissime circulos per publication de manuales a vela e altere obras nautic assi como del cartas e reportas meteorologic quotidian, de obras del qual era publicate in le revista "Aus dem Archiv der Deutschen Seewarte". Al secunde congresso international de meteorologos in Roma 1879 ille era seligite un membro del Committee meteorologic international e in iste function ille publicava un bulletin del congresse in germano. Ille scribeva in plus: "Discussion of the meteorological and magnetical observations made at the Flagstaff Observatory" (Melbourne 1858-63, 2 bandas quartal in Mannheim [*] 1867); "Results of the meteorological, magnetical and nautical observations made and collected of the Flagstaff Observatory" (1858-59, Melbourne 1860, Victoria 1859-62, Melbourne 1864); "Results of the magnetic survey of the colony of Victoria" (Mannheim 1869). Ille publicava etiam le "Anleitung zu wissenschaftlichen Beobachtungen auf Reisen" (2. Aufl., Berlin 1888). Como presidente del Commission polar german ille dirigeva le organisation de expeditiones, le quales le Imperio German inviava 1882-83 al nord e sud, e publicava (con Börger): "Internationale Polarforschung 1882-83. Die Beobachtungsergebnisse der deutschen Stationen" (Berlin 1886, 2 bandas.)
[*] Sven Frank, un cognite hypnotherapeutista e le presidente del UGI (Union German pro Interlingua), le secretario general del UMI (Union Mundial pro Interlingua) e le organisator del UMI-XVIII-2009 a Kirchheimbolanden ha su instituto in Mannheim.
Actualisate le 2009-09-03
Administrator de iste sito:
--------------------------
Allan Kiviaho
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
